Giona 2

¹ Et praeparavit Dominus piscem grandem, ut deglutiret Ionam; et erat Ionasin ventre piscis tribus diebus et tribus noctibus.

² Et oravit Ionas ad Dominum Deum suum de ventre piscis

³ et dixit: “ Clamavide tribulatione mea ad Dominum,
et respondit mihi;
de ventre inferi clamavi,
et exaudisti vocem meam.

⁴ Et proiecisti me in profundum in corde maris,
et flumen circumdedit me;
omnes gurgites tui et fluctus tui
super me transierunt.

⁵ Et ego dixi: “Abiectus sum
a conspectu oculorum tuorum;
verumtamen rursus videbo
templum sanctum tuum”.

⁶ Circumdederunt me aquae usque ad guttur,
abyssus vallavit me,
iuncus alligatus est capiti meo.

⁷ Ad extrema montium descendi,
terrae vectes concluserunt me in aeternum,
sed eduxisti de fovea vitam meam,
Domine Deus meus.

⁸ Cum angustiaretur in me anima mea,
Domini recordatus sum,
et venit ad te oratio mea,
ad templum sanctum tuum.

⁹ Qui colunt idola vana,
pietatem suam derelinquunt;

¹⁰ ego autem in voce laudis
immolabo tibi,
quaecumque vovi, reddam;
salus Domini est ”.

¹¹ Et dixit Dominus pisci, et evomuit Ionam in aridam.