Proverbia 31
12345678910111213141516171819202122232425262728293031
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Verba Lamuelis regis. Visio qua erudivit eum mater sua. | 1 Verba Lamuelis regis Massa, quae erudivit eum mater eius. |
2 Quid, dilecte mi ? quid, dilecte uteri mei ? quid, dilecte votorum meorum ? | 2 Quid, fili mi? Quid, fili uteri mei? Quid, fili votorum meorum? |
3 Ne dederis mulieribus substantiam tuam, et divitias tuas ad delendos reges. | 3 Ne dederis mulieribus substantiam tuam et vias tuas illis, quae delent reges. |
4 Noli regibus, o Lamuel, noli regibus dare vinum, quia nullum secretum est ubi regnat ebrietas ; | 4 Non decet reges, o Lamuel, non decet reges bibere vinum, nec magistratus desiderare siceram, |
5 et ne forte bibant, et obliviscantur judiciorum, et mutent causam filiorum pauperis. | 5 ne forte bibant et obliviscantur iudiciorum et mutent causam omnium filiorum pauperis. |
6 Date siceram mœrentibus, et vinum his qui amaro sunt animo. | 6 Date siceram pereunti et vinum his, qui amaro sunt animo: |
7 Bibant, et obliviscantur egestatis suæ, et doloris sui non recordentur amplius. | 7 bibat et obliviscatur egestatis suae et doloris sui non recordetur amplius. |
8 Aperi os tuum muto, et causis omnium filiorum qui pertranseunt. | 8 Aperi os tuum pro muto et causis omnium filiorum, qui pereunt; |
9 Aperi os tuum, decerne quod justum est, et judica inopem et pauperem. | 9 aperi os tuum, decerne, quod iustum est, et iudica inopem et pauperem. |
10 Mulierem fortem quis inveniet ? procul et de ultimis finibus pretium ejus. | 10 ALEPH. Mulierem fortem quis inveniet? Longe super gemmas pretium eius. |
11 Confidit in ea cor viri sui, et spoliis non indigebit. | 11 BETH. Confidit in ea cor viri sui et spoliis non indigebit. |
12 Reddet ei bonum, et non malum, omnibus diebus vitæ suæ. | 12 GHIMEL. Reddet ei bonum et non malum omnibus diebus vitae suae. |
13 Quæsivit lanam et linum, et operata est consilia manuum suarum. | 13 DALETH. Quaesivit lanam et linum et operata est delectatione manuum suarum. |
14 Facta est quasi navis institoris, de longe portans panem suum. | 14 HE. Facta est quasi navis institoris de longe portans panem suum. |
15 Et de nocte surrexit, deditque prædam domesticis suis, et cibaria ancillis suis. | 15 VAU. Et de nocte surrexit deditque praedam domesticis suis et cibaria ancillis suis. |
16 Consideravit agrum, et emit eum ; de fructu manuum suarum plantavit vineam. | 16 ZAIN. Consideravit agrum et emit eum; de fructu manuum suarum plantavit vineam. |
17 Accinxit fortitudine lumbos suos, et roboravit brachium suum. | 17 HETH. Accinxit fortitudine lumbos suos et roboravit brachium suum. |
18 Gustavit, et vidit quia bona est negotiatio ejus ; non extinguetur in nocte lucerna ejus. | 18 TETH. Gustavit et vidit quia bona est negotiatio eius; non exstinguetur in nocte lucerna eius. |
19 Manum suam misit ad fortia, et digiti ejus apprehenderunt fusum. | 19 IOD. Manum suam misit ad colos, et digiti eius apprehenderunt fusum. |
20 Manum suam aperuit inopi, et palmas suas extendit ad pauperem. | 20 CAPH. Palmas suas aperuit inopi et manum suam extendit ad pauperem. |
21 Non timebit domui suæ a frigoribus nivis ; omnes enim domestici ejus vestiti sunt duplicibus. | 21 LAMED. Non timebit domui suae a frigoribus nivis: omnes enim domestici eius vestiti sunt duplicibus. |
22 Stragulatam vestem fecit sibi ; byssus et purpura indumentum ejus. | 22 MEM. Stragulatam vestem fecit sibi; byssus et purpura indumentum eius. |
23 Nobilis in portis vir ejus, quando sederit cum senatoribus terræ. | 23 NUN. Nobilis in portis vir eius, quando sederit cum senatoribus terrae. |
24 Sindonem fecit, et vendidit, et cingulum tradidit Chananæo. | 24 SAMECH. Sindonem fecit et vendidit et cingulum tradidit Chananaeo. |
25 Fortitudo et decor indumentum ejus, et ridebit in die novissimo. | 25 Ain. Fortitudo et decor indumentum eius, et ridebit in die novissimo. |
26 Os suum aperuit sapientiæ, et lex clementiæ in lingua ejus. | 26 PHE. Os suum aperuit sapientiae, et lex clementiae in lingua eius. |
27 Consideravit semitas domus suæ, et panem otiosa non comedit. | 27 SADE. Consideravit semitas domus suae et panem otiosa non comedit. |
28 Surrexerunt filii ejus, et beatissimam prædicaverunt ; vir ejus, et laudavit eam. | 28 COPH. Surrexerunt filii eius et beatissimam praedicaverunt, vir eius et laudavit eam: |
29 Multæ filiæ congregaverunt divitias ; tu supergressa es universas. | 29 RES. “ Multae filiae fortiter operatae sunt, tu supergressa es universas ”. |
30 Fallax gratia, et vana est pulchritudo : mulier timens Dominum, ipsa laudabitur. | 30 SIN. Fallax gratia et vana est pulchritudo; mulier timens Dominum ipsa laudabitur. |
31 Date ei de fructu manuum suarum, et laudent eam in portis opera ejus. | 31 TAU. Date ei de fructu manuum suarum, et laudent eam in portis opera eius. |