Salmi תהילים (Tehillim) 29

Miqra 'al pi ha-Mesorah	Modern Hebrew Bible
¹ מִזְמוֹר לְדָוִדהָבוּ לַיהֹוָה בְּנֵי אֵלִיםהָבוּ לַיהֹוָה כָּבוֹד וָעֹֽז׃	¹ מזמור לדוד הבו ליהוה בני אלים הבו ליהוה כבוד ועז
² הָבוּ לַיהֹוָה כְּבוֹד שְׁמוֹהִשְׁתַּחֲווּ לַיהֹוָה בְּהַדְרַת־קֹֽדֶשׁ׃	² הבו ליהוה כבוד שמו השתחוו ליהוה בהדרת קדש
³ קוֹל יְהֹוָה עַל־הַמָּיִםאֵֽל־הַכָּבוֹד הִרְעִיםיְהֹוָה עַל־מַיִם רַבִּֽים׃	³ קול יהוה על המים אל הכבוד הרעים יהוה על מים רבים
⁴ קוֹל־יְהֹוָה בַּכֹּחַקוֹל יְהֹוָה בֶּהָדָֽר׃	⁴ קול יהוה בכח קול יהוה בהדר
⁵ קוֹל יְהֹוָה שֹׁבֵר אֲרָזִיםוַיְשַׁבֵּר יְהֹוָה אֶת־אַרְזֵי הַלְּבָנֽוֹן׃	⁵ קול יהוה שבר ארזים וישבר יהוה את ארזי הלבנון
⁶ וַיַּרְקִידֵם כְּמוֹ־עֵגֶללְבָנוֹן וְשִׂרְיֹן כְּמוֹ בֶן־רְאֵמִֽים׃	⁶ וירקידם כמו עגל לבנון ושרין כמו בן ראמים
⁷ קוֹל־יְהֹוָה חֹצֵבלַהֲבוֹת אֵֽשׁ׃	⁷ קול יהוה חצב להבות אש
⁸ קוֹל יְהֹוָה יָחִיל מִדְבָּריָחִיל יְהֹוָה מִדְבַּר קָדֵֽשׁ׃	⁸ קול יהוה יחיל מדבר יחיל יהוה מדבר קדש
⁹ קוֹל יְהֹוָה ׀ יְחוֹלֵל אַיָּלוֹתוַֽיֶּחֱשֹׂף יְעָרוֹתוּבְהֵיכָלוֹכֻּלּוֹ אֹמֵר כָּבֽוֹד׃	⁹ קול יהוה יחולל אילות ויחשף יערות ובהיכלו כלו אמר כבוד
¹⁰ יְהֹוָה לַמַּבּוּל יָשָׁבוַיֵּשֶׁב יְהֹוָה מֶלֶךְ לְעוֹלָֽם׃	¹⁰ יהוה למבול ישב וישב יהוה מלך לעולם
¹¹ יְֽהֹוָה עֹז לְעַמּוֹ יִתֵּןיְהֹוָה ׀ יְבָרֵךְ אֶת־עַמּוֹ בַשָּׁלֽוֹם׃	¹¹ יהוה עז לעמו יתן יהוה יברך את עמו בשלום