Tehillim (תהילים) - Salmi 8

¹ לַמְנַצֵּחַ עַֽל־הַגִּתִּיתמִזְמוֹר לְדָוִֽד׃² יְהֹוָה אֲדֹנֵינוּמָֽה־אַדִּיר שִׁמְךָ בְּכָל־הָאָרֶץאֲשֶׁר תְּנָה הוֹדְךָ עַל־הַשָּׁמָֽיִם׃³ מִפִּי עוֹלְלִים ׀ וְֽיֹנְקִים יִסַּדְתָּ עֹזלְמַעַן צוֹרְרֶיךָלְהַשְׁבִּית אוֹיֵב וּמִתְנַקֵּֽם׃⁴ כִּֽי־אֶרְאֶה שָׁמֶיךָ מַעֲשֵׂה אֶצְבְּעֹתֶיךָיָרֵחַ וְכוֹכָבִים אֲשֶׁר כּוֹנָֽנְתָּה׃⁵ מָה־אֱנוֹשׁ כִּֽי־תִזְכְּרֶנּוּוּבֶן־אָדָם כִּי תִפְקְדֶֽנּוּ׃⁶ וַתְּחַסְּרֵהוּ מְּעַט מֵאֱלֹהִיםוְכָבוֹד וְהָדָר תְּעַטְּרֵֽהוּ׃⁷ תַּמְשִׁילֵהוּ בְּמַעֲשֵׂי יָדֶיךָכֹּל שַׁתָּה תַֽחַת־רַגְלָֽיו׃⁸ צֹנֶה וַאֲלָפִים כֻּלָּםוְגַם בַּהֲמוֹת שָׂדָֽי׃⁹ צִפּוֹר שָׁמַיִם וּדְגֵי הַיָּםעֹבֵר אׇרְחוֹת יַמִּֽים׃¹⁰ יְהֹוָה אֲדֹנֵינוּמָה־אַדִּיר שִׁמְךָ בְּכׇל־הָאָֽרֶץ׃