Tehillim (תהילים) - Salmi 149

¹ הַלְלוּ יָהּ ׀שִׁירוּ לַֽיהֹוָה שִׁיר חָדָשׁתְּהִלָּתוֹ בִּקְהַל חֲסִידִֽים׃² יִשְׂמַח יִשְׂרָאֵל בְּעֹשָׂיובְּנֵֽי־צִיּוֹן יָגִילוּ בְמַלְכָּֽם׃³ יְהַלְלוּ שְׁמוֹ בְמָחוֹלבְּתֹף וְכִנּוֹר יְזַמְּרוּ־לֽוֹ׃⁴ כִּֽי־רוֹצֶה יְהֹוָה בְּעַמּוֹיְפָאֵר עֲנָוִים בִּישׁוּעָֽה׃⁵ יַעְלְזוּ חֲסִידִים בְּכָבוֹדיְרַנְּנוּ עַל־מִשְׁכְּבוֹתָֽם׃⁶ רוֹמְמוֹת אֵל בִּגְרוֹנָםוְחֶרֶב פִּיפִיּוֹת בְּיָדָֽם׃⁷ לַעֲשׂוֹת נְקָמָה בַּגּוֹיִםתּוֹכֵחוֹת בַּלְאֻמִּֽים׃⁸ לֶאְסֹר מַלְכֵיהֶם בְּזִקִּיםוְנִכְבְּדֵיהֶם בְּכַבְלֵי בַרְזֶֽל׃⁹ לַעֲשׂוֹת בָּהֶם ׀ מִשְׁפָּט כָּתוּבהָדָר הוּא לְכׇל־חֲסִידָיוהַֽלְלוּ־יָֽהּ׃