Salmi תהילים (Tehillim) 28

¹לְדָוִד אֵלֶיךָ יְהֹוָה ׀ אֶקְרָאצוּרִי אַֽל־תֶּחֱרַשׁ מִמֶּנִּיפֶּן־תֶּחֱשֶׁה מִמֶּנִּיוְנִמְשַׁלְתִּי עִם־יוֹרְדֵי בֽוֹר׃²שְׁמַע קוֹל תַּחֲנוּנַי בְּשַׁוְּעִי אֵלֶיךָבְּנׇשְׂאִי יָדַי אֶל־דְּבִיר קׇדְשֶֽׁךָ׃³אַל־תִּמְשְׁכֵנִי עִם־רְשָׁעִיםוְעִם־פֹּעֲלֵי אָוֶןדֹּבְרֵי שָׁלוֹם עִם־רֵעֵיהֶםוְרָעָה בִּלְבָבָֽם׃⁴תֶּן־לָהֶם כְּפׇעֳלָם וּכְרֹעַ מַעַלְלֵיהֶםכְּמַעֲשֵׂה יְדֵיהֶם תֵּן לָהֶםהָשֵׁב גְּמוּלָם לָהֶֽם׃⁵כִּי לֹא יָבִינוּ אֶל־פְּעֻלֹּת יְהֹוָהוְאֶל־מַעֲשֵׂה יָדָיויֶהֶרְסֵם וְלֹא יִבְנֵֽם׃⁶בָּרוּךְ יְהֹוָהכִּי־שָׁמַע קוֹל תַּחֲנוּנָֽי׃⁷יְהֹוָה ׀ עֻזִּי וּמָגִנִּיבּוֹ בָטַח לִבִּי וְֽנֶעֱזָרְתִּיוַיַּעֲלֹז לִבִּיוּֽמִשִּׁירִי אֲהוֹדֶֽנּוּ׃⁸יְהֹוָה עֹֽז־לָמוֹוּמָעוֹז יְשׁוּעוֹת מְשִׁיחוֹ הֽוּא׃⁹הוֹשִׁיעָה ׀ אֶת־עַמֶּךָוּבָרֵךְ אֶת־נַחֲלָתֶךָוּֽרְעֵם וְנַשְּׂאֵם עַד־הָעוֹלָֽם׃

Cambia Bibbia

Confronta con un'altra Bibbia

Versetti esaminati