Salmi תהילים (Tehillim) 111

¹הַלְלוּ יָהּ ׀אוֹדֶה יְהֹוָה בְּכׇל־לֵבָבבְּסוֹד יְשָׁרִים וְעֵדָֽה׃²גְּדֹלִים מַעֲשֵׂי יְהֹוָהדְּרוּשִׁים לְכׇל־חֶפְצֵיהֶֽם׃³הוֹד־וְהָדָר פׇּעֳלוֹוְצִדְקָתוֹ עֹמֶדֶת לָעַֽד׃⁴זֵכֶר עָשָׂה לְנִפְלְאוֹתָיוחַנּוּן וְרַחוּם יְהֹוָֽה׃⁵טֶרֶף נָתַן לִירֵאָיויִזְכֹּר לְעוֹלָם בְּרִיתֽוֹ׃⁶כֹּחַ מַעֲשָׂיו הִגִּיד לְעַמּוֹלָתֵת לָהֶם נַחֲלַת גּוֹיִֽם׃⁷מַעֲשֵׂי יָדָיו אֱמֶת וּמִשְׁפָּטנֶאֱמָנִים כׇּל־פִּקּוּדָֽיו׃⁸סְמוּכִים לָעַד לְעוֹלָםעֲשׂוּיִם בֶּאֱמֶת וְיָשָֽׁר׃⁹פְּדוּת ׀ שָׁלַח לְעַמּוֹצִוָּֽה־לְעוֹלָם בְּרִיתוֹקָדוֹשׁ וְנוֹרָא שְׁמֽוֹ׃¹⁰רֵאשִׁית חׇכְמָה ׀ יִרְאַת יְהֹוָהשֵׂכֶל טוֹב לְכׇל־עֹֽשֵׂיהֶםתְּהִלָּתוֹ עֹמֶדֶת לָעַֽד׃

Cambia Bibbia

Confronta con un'altra Bibbia

Versetti esaminati