Salmi תהילים (Tehillim) 148

¹הַלְלוּ יָהּ ׀הַֽלְלוּ אֶת־יְהֹוָה מִן־הַשָּׁמַיִםהַֽלְלוּהוּ בַּמְּרוֹמִֽים׃²הַֽלְלוּהוּ כׇל־מַלְאָכָיוהַלְלוּהוּ כׇּל־צְבָאָֽו׃³הַֽלְלוּהוּ שֶׁמֶשׁ וְיָרֵחַהַֽלְלוּהוּ כׇּל־כּוֹכְבֵי אֽוֹר׃⁴הַֽלְלוּהוּ שְׁמֵי הַשָּׁמָיִםוְהַמַּיִם אֲשֶׁר ׀ מֵעַל הַשָּׁמָֽיִם׃⁵יְֽהַלְלוּ אֶת־שֵׁם יְהֹוָהכִּי הוּא צִוָּה וְנִבְרָֽאוּ׃⁶וַיַּעֲמִידֵם לָעַד לְעוֹלָםחׇק־נָתַן וְלֹא יַעֲבֽוֹר׃⁷הַֽלְלוּ אֶת־יְהֹוָה מִן־הָאָרֶץתַּנִּינִים וְכׇל־תְּהֹמֽוֹת׃⁸אֵשׁ וּבָרָד שֶׁלֶג וְקִיטוֹררוּחַ סְעָרָה עֹשָׂה דְבָרֽוֹ׃⁹הֶהָרִים וְכׇל־גְּבָעוֹתעֵץ פְּרִי וְכׇל־אֲרָזִֽים׃¹⁰הַחַיָּה וְכׇל־בְּהֵמָהרֶמֶשׂ וְצִפּוֹר כָּנָֽף׃¹¹מַלְכֵי־אֶרֶץ וְכׇל־לְאֻמִּיםשָׂרִים וְכׇל־שֹׁפְטֵי אָֽרֶץ׃¹²בַּחוּרִים וְגַם־בְּתוּלוֹתזְקֵנִים עִם־נְעָרִֽים׃¹³יְהַלְלוּ ׀ אֶת־שֵׁם יְהֹוָהכִּֽי־נִשְׂגָּב שְׁמוֹ לְבַדּוֹהוֹדוֹ עַל־אֶרֶץ וְשָׁמָֽיִם׃¹⁴וַיָּרֶם קֶרֶן ׀ לְעַמּוֹ תְּהִלָּה לְֽכׇל־חֲסִידָיולִבְנֵי יִשְׂרָאֵל עַם קְרֹבוֹהַֽלְלוּ־יָֽהּ׃

Cambia Bibbia

Confronta con un'altra Bibbia

Versetti esaminati