Salmi תהילים (Tehillim) 54

¹ לַמְנַצֵּחַ בִּנְגִינֹת מַשְׂכִּיל לְדָוִֽד׃

² בְּבֹא הַזִּיפִים וַיֹּאמְרוּ לְשָׁאוּלהֲלֹא דָוִד מִסְתַּתֵּר עִמָּֽנוּ׃

³ אֱלֹהִים בְּשִׁמְךָ הוֹשִׁיעֵנִיוּבִגְבוּרָתְךָ תְדִינֵֽנִי׃

⁴ אֱלֹהִים שְׁמַע תְּפִלָּתִיהַאֲזִינָה לְאִמְרֵי־פִֽי׃

⁵ כִּי זָרִים ׀ קָמוּ עָלַיוְֽעָרִיצִים בִּקְשׁוּ נַפְשִׁילֹא שָׂמוּ אֱלֹהִים לְנֶגְדָּם סֶֽלָה׃

⁶ הִנֵּה אֱלֹהִים עֹזֵר לִיאֲדֹנָי בְּֽסֹמְכֵי נַפְשִֽׁי׃

⁷ ישוב יָשִׁיב הָרַע לְשֹׁרְרָיבַּאֲמִתְּךָ הַצְמִיתֵֽם׃

⁸ בִּנְדָבָה אֶזְבְּחָה־לָּךְאוֹדֶה שִּׁמְךָ יְהֹוָה כִּי־טֽוֹב׃

⁹ כִּי מִכׇּל־צָרָה הִצִּילָנִיוּבְאֹיְבַי רָאֲתָה עֵינִֽי׃