Salmi תהילים (Tehillim) 46

¹לַמְנַצֵּחַ לִבְנֵי־קֹרַחעַֽל־עֲלָמוֹת שִֽׁיר׃²אֱלֹהִים לָנוּ מַחֲסֶה וָעֹזעֶזְרָה בְצָרוֹת נִמְצָא מְאֹֽד׃³עַל־כֵּן לֹֽא־נִירָא בְּהָמִיר אָרֶץוּבְמוֹט הָרִים בְּלֵב יַמִּֽים׃⁴יֶהֱמוּ יֶחְמְרוּ מֵימָיויִרְעֲשֽׁוּ הָרִים בְּגַאֲוָתוֹ סֶֽלָה׃⁵נָהָר פְּלָגָיו יְשַׂמְּחוּ עִיר־אֱלֹהִיםקְדֹשׁ מִשְׁכְּנֵי עֶלְיֽוֹן׃⁶אֱלֹהִים בְּקִרְבָּהּ בַּל־תִּמּוֹטיַעְזְרֶהָ אֱלֹהִים לִפְנוֹת בֹּֽקֶר׃⁷הָמוּ גוֹיִם מָטוּ מַמְלָכוֹתנָתַן בְּקוֹלוֹ תָּמוּג אָֽרֶץ׃⁸יְהֹוָה צְבָאוֹת עִמָּנוּמִשְׂגָּֽב־לָנוּ אֱלֹהֵי יַֽעֲקֹב סֶֽלָה׃⁹לְֽכוּ־חֲזוּ מִפְעֲלוֹת יְהֹוָהאֲשֶׁר־שָׂם שַׁמּוֹת בָּאָֽרֶץ׃¹⁰מַשְׁבִּית מִלְחָמוֹת עַד־קְצֵה הָאָרֶץקֶשֶׁת יְשַׁבֵּר וְקִצֵּץ חֲנִיתעֲגָלוֹת יִשְׂרֹף בָּאֵֽשׁ׃¹¹הַרְפּוּ וּדְעוּ כִּֽי־אָנֹכִי אֱלֹהִיםאָרוּם בַּגּוֹיִם אָרוּם בָּאָֽרֶץ׃¹²יְהֹוָה צְבָאוֹת עִמָּנוּמִשְׂגָּֽב־לָנוּ אֱלֹהֵי יַעֲקֹב סֶֽלָה׃

Cambia Bibbia

Confronta con un'altra Bibbia

Versetti esaminati