Tehillim (תהילים) - Salmi 81

¹ לַמְנַצֵּחַ ׀ עַֽל־הַגִּתִּית לְאָסָֽף׃² הַרְנִינוּ לֵאלֹהִים עוּזֵּנוּהָרִיעוּ לֵאלֹהֵי יַעֲקֹֽב׃³ שְֽׂאוּ־זִמְרָה וּתְנוּ־תֹףכִּנּוֹר נָעִים עִם־נָֽבֶל׃⁴ תִּקְעוּ בַחֹדֶשׁ שׁוֹפָרבַּכֵּסֶה לְיוֹם חַגֵּֽנוּ׃⁵ כִּי חֹק לְיִשְׂרָאֵל הוּאמִשְׁפָּט לֵאלֹהֵי יַעֲקֹֽב׃⁶ עֵדוּת ׀ בִּיהוֹסֵף שָׂמוֹבְּצֵאתוֹ עַל־אֶרֶץ מִצְרָיִםשְׂפַת לֹא־יָדַעְתִּי אֶשְׁמָֽע׃⁷ הֲסִירוֹתִי מִסֵּבֶל שִׁכְמוֹכַּפָּיו מִדּוּד תַּעֲבֹֽרְנָה׃⁸ בַּצָּרָה קָרָאתָ וָאֲחַלְּצֶךָּאֶעֶנְךָ בְּסֵתֶר רַעַםאֶבְחׇנְךָ עַל־מֵי מְרִיבָה סֶֽלָה׃⁹ שְׁמַע עַמִּי וְאָעִידָה בָּךְיִשְׂרָאֵל אִם־תִּֽשְׁמַֽע־לִֽי׃¹⁰ לֹא־יִהְיֶה בְךָ אֵל זָרוְלֹא תִשְׁתַּחֲוֶה לְאֵל נֵכָֽר׃¹¹ אָֽנֹכִי ׀ יְהֹוָה אֱלֹהֶיךָהַֽמַּעַלְךָ מֵאֶרֶץ מִצְרָיִםהַרְחֶב־פִּיךָ וַאֲמַלְאֵֽהוּ׃¹² וְלֹֽא־שָׁמַע עַמִּי לְקוֹלִיוְיִשְׂרָאֵל לֹא־אָבָה לִֽי׃¹³ וָאֲשַׁלְּחֵהוּ בִּשְׁרִירוּת לִבָּםיֵלְכוּ בְּֽמוֹעֲצוֹתֵיהֶֽם׃¹⁴ לוּ עַמִּי שֹׁמֵעַֽ לִייִשְׂרָאֵל בִּדְרָכַי יְהַלֵּֽכוּ׃¹⁵ כִּמְעַט אוֹיְבֵיהֶם אַכְנִיעַוְעַל צָרֵיהֶם אָשִׁיב יָדִֽי׃¹⁶ מְשַׂנְאֵי יְהֹוָה יְכַחֲשׁוּ־לוֹוִיהִי עִתָּם לְעוֹלָֽם׃¹⁷ וַֽיַּאֲכִילֵהוּ מֵחֵלֶב חִטָּהוּמִצּוּר דְּבַשׁ אַשְׂבִּיעֶֽךָ׃