Tehillim (תהילים) - Salmi 146

¹ הַֽלְלוּ־יָהּהַֽלְלִי נַפְשִׁי אֶת־יְהֹוָֽה׃² אֲהַלְלָה יְהֹוָה בְּחַיָּיאֲזַמְּרָה לֵאלֹהַי בְּעוֹדִֽי׃³ אַל־תִּבְטְחוּ בִנְדִיבִיםבְּבֶן־אָדָם ׀ שֶׁאֵין לוֹ תְשׁוּעָֽה׃⁴ תֵּצֵא רוּחוֹ יָשֻׁב לְאַדְמָתוֹבַּיּוֹם הַהוּא אָבְדוּ עֶשְׁתֹּֽנֹתָֽיו׃⁵ אַשְׁרֵי שֶׁאֵל יַעֲקֹב בְּעֶזְרוֹשִׂבְרוֹ עַל־יְהֹוָה אֱלֹהָֽיו׃⁶ עֹשֶׂה ׀ שָׁמַיִם וָאָרֶץאֶת־הַיָּם וְאֶת־כׇּל־אֲשֶׁר־בָּםהַשֹּׁמֵר אֱמֶת לְעוֹלָֽם׃⁷ עֹשֶׂה מִשְׁפָּט ׀ לָעֲשׁוּקִיםנֹתֵן לֶחֶם לָרְעֵבִיםיְהֹוָה מַתִּיר אֲסוּרִֽים׃⁸ יְהֹוָה ׀ פֹּקֵחַ עִוְרִיםיְהֹוָה זֹקֵף כְּפוּפִיםיְהֹוָה אֹהֵב צַדִּיקִֽים׃⁹ יְהֹוָה ׀ שֹׁמֵר אֶת־גֵּרִיםיָתוֹם וְאַלְמָנָה יְעוֹדֵדוְדֶרֶךְ רְשָׁעִים יְעַוֵּֽת׃¹⁰ יִמְלֹךְ יְהֹוָה ׀ לְעוֹלָםאֱלֹהַיִךְ צִיּוֹן לְדֹר וָדֹרהַֽלְלוּ־יָֽהּ׃