Salmi תהילים (Tehillim) 112

¹הַלְלוּ יָהּ ׀אַשְׁרֵי־אִישׁ יָרֵא אֶת־יְהֹוָהבְּמִצְוֺתָיו חָפֵץ מְאֹֽד׃²גִּבּוֹר בָּאָרֶץ יִהְיֶה זַרְעוֹדּוֹר יְשָׁרִים יְבֹרָֽךְ׃³הוֹן־וָעֹשֶׁר בְּבֵיתוֹוְצִדְקָתוֹ עֹמֶדֶת לָעַֽד׃⁴זָרַח בַּחֹשֶׁךְ אוֹר לַיְשָׁרִיםחַנּוּן וְרַחוּם וְצַדִּֽיק׃⁵טֽוֹב־אִישׁ חוֹנֵן וּמַלְוֶהיְכַלְכֵּל דְּבָרָיו בְּמִשְׁפָּֽט׃⁶כִּֽי־לְעוֹלָם לֹֽא־יִמּוֹטלְזֵכֶר עוֹלָם יִהְיֶה צַדִּֽיק׃⁷מִשְּׁמוּעָה רָעָה לֹא יִירָאנָכוֹן לִבּוֹ בָּטֻחַ בַּיהֹוָֽה׃⁸סָמוּךְ לִבּוֹ לֹא יִירָאעַד אֲשֶׁר־יִרְאֶה בְצָרָֽיו׃⁹פִּזַּר ׀ נָתַן לָאֶבְיוֹנִיםצִדְקָתוֹ עֹמֶדֶת לָעַדקַרְנוֹ תָּרוּם בְּכָבֽוֹד׃¹⁰רָשָׁע יִרְאֶה ׀ וְכָעָסשִׁנָּיו יַחֲרֹק וְנָמָסתַּאֲוַת רְשָׁעִים תֹּאבֵֽד׃

Cambia Bibbia

Confronta con un'altra Bibbia

Versetti esaminati