Siracide ܝܫܘܥ ܒܪ ܐܣܝܪܐ 50

Peshitta	MODERN HEBREW BIBLE
1 ܪܒ ܐܚ̈ܘܗܝ ܘܟܠܝܠܐ ܕܥܡܗ ܫܡܥܘܢ ܒܪ ܢܬܢܝܐ ܟܗܢܐ ܪܒܐ ܕܒܝܘܡ̈ܘܗܝ ܐܬܒܢܝ ܒܝܬܐ ܘܐܬܬܩܦ ܗܝܟܠܐ
2 ܘܐܬܬܣܝܡ ܫܘܪܐ ܥܥ̈ܝܬܐ ܘܐܬܒܢܝܬ ܚܕܪܬܐ
3 ܘܚ̣ܦܪ ܡܒܘܥܐ
4 ܘܦܨܝ ܠܥܡܗ ܡܢ ܣܢܐ̈ܐ
5 ܡܐ ܝܐܐ ܒܡܦܩܗ ܡܢ ܗܝܟܠܐ ܟܕ ܡܬܚܙܐ ܡܢ ܬܚܝܬ ܦܪܝܣܐ
6 ܐܝܟ ܟܘܟܒ ܢܘܓܗܐ ܡܢ ܒܝܢܬ ܥܢ̈ܢܐ ܘܐܝܟ ܣܗܪܐ ܒܝܘܡ̈ܝ ܢܝܣܢ
7 ܘܐܝܟ ܫܡܫܐ ܕܕܢܝܚ ܥܠ ܐܦܕ̈ܢܐ ܘܐܝܟ ܩܫܬܐ ܒܥܢ̈ܢܐ
8 ܘܐܝܟ ܫܒ̈ܠܐ ܕܚܩܠܐ ܘܐܝܟ ܫܘܫܢܬ ܡܠܟܐ ܒܡܒܘ̈ܥܝ ܡܝ̈ܐ ܘܐܝܟ ܐܝ̈ܠܢܐ ܕܠܒܢܢ ܒܝܘܡ̈ܝ ܩܛܦܐ
9 ܘܐܝܟ ܪܝܚܐ ܕܠܒܘܢܬܐ ܥܠ ܦܝܪܡܐ ܘܐܝܟ ܥܩܐ ܕܕܗܒܐ ܕܡܦܬܟ ܫܦܝܪ ܘܡܨܒܬ ܒܟܐ̈ܦܐ ܛܒ̈ܬܐ
10 ܘܐܝܟ ܙܝܬܐ ܗܕܝܪܐ ܕܪ̈ܘܪܒܢ ܣܘ̈ܟܘܗܝ ܘܐܝܟ ܐܝܠܢܐ ܕܡܫܚܐ ܕܡܣܒܥ ܒܥܘ̈ܦܘܗܝ
11 ܒܡܠܒܫܗ ܡܐ̈ܢܐ ܕܩܘܕܫܐ ܘܒܡܥܛܦܗ ܡܐ̈ܢܐ ܕܐܝܩܪܐ ܒܡܦܩܗ ܠܡܩܒܠܘ ܬܫܒ̈ܚܬܐ ܒܝܐܝܘܬܐ ܕܬܘܩܦܐ ܕܡܩܕܫܐ
12 ܒܡܩܒܠܘܬܗ ܗܕܡ̈ܐ ܕܒܣܪܐ ܡܢ ܐܝܕܐ ܕܐܚ̈ܘܗܝ ܘܗ̣ܘ ܩܐܡ ܠܥܠ ܡܢ ܣܕܪ̈ܐ ܘܟܪܝܟܝܢ ܠܗ̣ ܐܝܟ ܟܠܝܠܐ ܐܚ̈ܘܗܝ
13 ܟܠܗܘܢ ܒ̈ܢܝ ܐܗܪܘܢ ܒܐܝܩܪܗܘܢ ܩܘܪ̈ܒܢܐ ܒܐܝ̈ܕܝܗܘܢ ܠܘܩܒܠ ܟܘܠܗ ܥܡܐ ܕܐܝܣܪܝܠ
14 ܥܕܡܐ ܕܫܠܡ ܠܡܫܡܫܘ ܡܕܒܚܐ ܘܠܡܫܡܫܘ ܒܚܕܘܬܐ ܕܩܘܕܫܐ
15 ܐܘܫܛ ܥܠ ܩܣܛܐ ܐܝܕܗ ܘܢܣܒ ܚܡܪܐ ܥܬܝܩܐ ܘܢܣܟ ܥܠ ܓܢܒ ܡܕܒܚܐ ܠܪܝܚܐ ܕܢܝܚܐ
16 ܘܗ̇ܝܕܝܢ ܝܒ̇ܒܘ ܒ̈ܢܝ ܐܗܪܘܢ ܒܩܪ̈ܢܬܐ ܩܕܡ ܟܠܗ ܥܡܐ ܕܝܣܪܝܠ ܘܐܫܡܥܘ ܩܠܐ ܬܩܝܦܐ ܠܡܒܪܟܘ ܩܕܡ ܟܘܠܗ ܥܡܐ
17 ܘܢܦܠܘ ܥܠ ܐܦܝ̈ܗܘܢ ܥܠ ܐܪܥܐ ܐܟܚܕܐ ܟܠܗ ܥܡܐ ܠܡܣܓܕ ܠܐܠܗܐ
18 ܘܝܗܒܘ ܠܬܘܕܝܬܐ ܩܠܗܘܢ ܘܐܬܒܣܡܘ ܐܟܚܕܐ ܒܨܠܘܬܐ
19 ܘܫܒܚܘ ܥܡܐ ܕܐܪܥܐ ܠܐܠܗܐ
22 ܕܥܒܕ ܦܪ̈ܝܫܬܐ ܒܐܪܥܐ ܕܒܪܐ ܒܢܝܢ̈ܫܐ ܡܢ ܟܪܣܐ ܕܐܡܗܘܢ ܘܡܕܒܪ ܠܗܘܢ ܐܝܟ ܨܒܝܢܗ
23 ܠܡܬܠ ܠܗܘܢ ܚܟܡܬܐ ܕܠܒܐ ܘܢܗܘܐ ܫܠܡܐ ܒܝܢܬܗܘܢ
24 ܘܢܬܩܝܡ ܥܡ ܫܡܥܘܢ ܚܣܕܐ ܘܥܡ ܙܪܥܗ ܐܝܟ ܝܘܡ̈ܬܐ ܕܫܡܝܐ
25 ܒܬܪܝܢ ܥܡܡ̈ܝܢ ܐܬܬܥܝܩܬ ܢܦܫܝ ܘܕܬܠܬܐ ܠܐ ܗܘܐ ܥܡܐ
26 ܝܬ̈ܒܝ ܓܒܠ ܘܦܠܫ̈ܬܝܐ ܘܥܡܐ ܣܟܠܐ ܕܝܬܒ ܒܫܟܝܡ
27 ܟܘܠ ܡܬܠܐ ܕܚܟܝܡ̈ܐ ܘܐܘܚ̈ܕܬܗܘܢ ܟܬܝܒܝܢ ܒܣܦܪܐ ܗܢܐ