Siracide ܝܫܘܥ ܒܪ ܐܣܝܪܐ 26
Confronta con un'altra Bibbia
Cambia Bibbia
1ܐܢܬܬܐ ܛܒܬܐ ܛܘܒܘܗܝ ܠܒܥܠܗ̇ ܡܛܠ ܕܝܘܡ̈ܬܐ ܕܚܝܘ̈ܗܝ ܐܥܝܦܝܢ ܐܢܘܢ2ܐܢܬܬܐ ܚܝܠܬܢܝܬܐ ܬܒܣܡ ܒܥܠܗ̇ ܘܫ̈ܢܝ ܚܝ̈ܘܗܝ ܒܚܕܘܬܐ ܢܫ̇ܠܡ3ܐܢܬܬܐ ܛܒܬܐ ܬܬܝܗܒ ܠܓܒܪܐ ܕܕܚ̇ܠ ܡܢ ܡܪܝܐ ܚܠܦ ܥܒ̈ܕܘܗܝ ܛܒ̈ܐ4ܐܢ ܥܬܝܪ ܘܐܢ ܡܣܟܝܢ ܠܒܗ ܛܒ ܒܟܘܠ ܥܕܢ ܘܐܦ̈ܘܗܝ ܢܗܝܪ̈ܢ5ܡܢ ܬܠܬ ܙܥ ܠܒܝ ܘܡܢ ܐܪ̈ܒܥ ܣܓܝ ܕܚܠܬ ܪܛܘܢܝܐ ܕܟܢܘܫܬܐ ܒܣܘܓܐܐ ܕܥܡܐ6ܘܡܚܘܬܐ ܕܠܫܢܐ ܟܠܗܝܢ ܐܟܚܕܐ7ܢܝܪܐ ܩܫܝܐ ܐܢܬܬܐ ܒܝܫܬܐ ܘܡ̇ܢ ܕܡܣܝܒܪ ܠܗ ܐ̇ܚܕ ܥܩܪܒܐ8ܪܘܓܙܐ ܪܒܐ ܐܢܬܬܐ ܪܘܝܬܐ ܘܦܗܝܬܐ ܗܝ ܨܥܪܗ̇ ܠܐ ܡܟܣܝܐ9ܙܢܝܘܬܗ ܕܐܢܬܬܐ ܒܡܪܡܘܬ ܥܝܢ̈ܝܗ̇ ܘܡܢ ܓܒܝ̈ܢܝܗ ܬܬܝܕܥ10ܥܠ ܚܨܝܦܬܐ ܐܣܓܐ ܢܛܘܪ̈ܐ ܡܛܠ ܕܠܝܬ ܠܗ̇ ܢܝܚܐ ܐܠܐ ܐܢ ܓܢܒܬ11ܒܬܪ ܚܨܝܦܬ ܥ̈ܝܢܐ ܗܪܛ ܘܠܐ ܬܫܬܘܚܪ ܕܠܡܐ ܬܕܓܠ ܒܟ12ܐܝܟ ܨܗܝܐ ܕܥܐܠ ܡܢ ܐܘܪܚܐ ܘܦܘܡܗ ܦܬܝܚ ܠܡ̈ܝܐ ܩܪܝܪ̈ܐ ܘܡܢ ܟܠ ܡ̈ܝܢ ܫܬܐ ܘܥܠ ܟܠ ܩܝܣ ܡܣܬܡܟ ܘܩܕܡ ܟܠ ܓܐܪܐ ܦܬܝܚ ܩܛܪܩܗ ܗܟܢܐ ܗܝ ܐܢܬܬܐ ܓܝܪܬܐ ܕܠܟܠ ܐܢܫ ܦܬܝܚ ܪܚܡܗ14ܡܘܗܒܬܗ ܕܡܪܝܐ ܐܢܬܬܐ ܛܒܬܐ ܘܠܝܬ ܕܡ̈ܝܐ ܠܒܨܝܪܘܬ ܓܓܪܬܐ15ܛܝܒܘܬܐ ܥܠ ܛܝܒܘܬܐ ܐܢܬܬܐ ܒܗܘܬܬܢܝܬܐ ܘܠܝܬ ܡܬܩܠܐ ܠܒܨܝܪܘܬ ܦܘܡܐ16ܐܝܟ ܫܡܫܐ ܕܕܢܚ ܒܪܩܝܥܐ ܕܫܡܝܐ ܗܟܢܐ ܫܘܦܪܗ̇ ܕܐܢܬܬܐ ܛܒܬܐ ܒܡܘܬܒ ܒܝܬܗ̇17ܐܝܟ ܫܪܓܐ ܕܡܢܗܪ ܥܠ ܡܢܪܬܐ ܕܩܘܕܫܐ ܫܘܦܪܗ̇ ܕܐܢܬܬܐ ܒܡܩܡ ܒܝܬܗ̇18ܐܝܟ ܚܘܡܪ̈ܐ ܕܕܗܒܐ ܥܠ ܐܣܛܘܢܐ ܕܣܐܡܐ ܝܐ̈ܝܢ ܥܩ̈ܒܬܗ̇ ܒܡܬܩܢ ܒܝܬܗ̇19ܒܪܝ ܐܙܕܗܪ ܒܙܒܢܐ ܕܥܠܝܡܘܬܟ ܘܠܐ ܬܬܠ ܠܢܘܟܪ̈ܝܐ ܚܝܠܟ20ܒܥܝ ܦܨܬܟ ܡܢ ܟܘܠ ܐܪܥ ܦܩܥܬܐ ܛܒܬܐ ܠܡܙܪܥ ܙܪܥܟ ܒܬܘܠܕܬܟ ܬܟܝܠܐܝܬ21ܘܗܟܢܐ ܗ̇ܘܝܢ ܥ̈ܠܠܬܟ ܘܠܐ ܟܪ ܕܗ̣ܘ ܬܗܘܐ ܫܪܒܬܟ22ܐܢܬܬܐ ܓܝܪܬܐ ܠܠܐ ܡܕܡ ܬܬܚܫܒ ܐܢܬܬ ܓܒܪܐ ܕܝܢ ܐܝܟ ܡܓܕܠܐ ܗܝ ܕܡܘܬܐ ܠܐܝܠܝܢ ܕܡܬܕܒܩܝܢ ܠܗ̇ ܬܬܚܫܒ23ܐܢܬܬܐ ܕܝܢ ܪܫܝܥܬܐ ܒܡܢܬܗ ܕܓܒܪܐ ܥ̇ܘܠܐ ܬܬܝܗܒ ܐܢܬܬܐ ܕܝܢ ܙܕܝܩܬܐ ܠܐܝܢܐ ܕܕܚܠ ܠܡܪܝܐ ܬܬܝܗܒ24ܠܐܢܬܬܐ ܕܠܐ ܒܗܬܐ ܨܥܪܐ ܢܒܠܝܗ̇ ܒܪܬܐ ܕܝܢ ܐܣܟܡܬܢܝܬܐ ܐܦ ܡܢ ܒܥܠܗ̇ ܬܬܟܚܕ25ܐܢܬܬܐ ܕܝܢ ܕܠܐ ܒܗܬܐ ܐܝܟ ܟܠܒܐ ܬܬܚܫܒ ܘܐܝܕܐ ܕܕܚܠܐ ܡܢ ܡܪܝܐ ܐܝܬ ܒܗ̇ ܒܗܬܬܐ26ܐܢܬܬܐ ܕܡܝܩܪܐ ܒܥܠܗ̇ ܠܟܠܢܫ ܚܟܝܡܬܐ ܬܬܚܫܒ ܪܫܝܥܬܐ ܕܝܢ ܕܡܨܥܪܐ ܒܓܐܝܘܬܗ̇ ܠܟܠܢܫ ܬܬܝܕܥ ܐܢܬܬܐ ܕܝܢ ܛܒܬܐ ܛܘܒܘܗܝ ܠܒܥܠܗ̇ ܡܢܝܢܐ ܓܝܪ ܕܫܢ̈ܝܐ ܕܚܝ̈ܘܗܝ ܐܥܝܦܝܢ ܐܢܘܢ ܚܪܝܢܗ̇ ܕܐܢܬܬܐ ܡܟܝܟܘܬܐ ܗܘ ܘܐܝܟ ܐܫܬܐ ܕܩܝܩܬܐ ܗܟܢܐ ܬܬܚܙܐ27ܐܢܬܬܐ ܩܗܠܢܝܬܐ ܘܦܟܢܝܬܐ ܐܝܟ ܩܪܢܐ ܡܠܒܛܢܝܬܐ ܕܩܪܒܐ ܬܬܚܫܒ ܢܦܫܐ ܕܝܢ ܕܟܠܒܪܢܫ ܕܐܝܬ ܠܗܠܝܢ ܟܠܗܝܢ ܬܬܪܡܐ ܒܫܓܘܫܝܐ ܕܩܪܒܐ ܚܝ̈ܐ ܒܐܘܠܨܢܐ ܢܬܕܒܪܘܢ28ܥܠ ܬܪ̈ܬܝܢ ܨ̈ܒܘܢ ܬܘܪ ܠܒܝ ܘܥܠ ܬܠܬ ܣܓܝ ܐܬܒܐܫ ܠܝ ܥܠ ܓܒܪܐ ܒܪܚܐܪ̈ܐ ܕܐܬܡܣܟܢ ܘܐܨܛܪܟ ܘܥܠ ܐܢ̈ܫܐ ܡܪ̈ܝ ܫܡܐ ܕܐܬܒܨܪܘ ܡܢ ܐܝܩܪܗܘܢ ܘܥܠ ܡ̇ܢ ܕܗ̇ܦܟ ܡܢ ܕܚܠܬܗ ܕܐܠܗܐ ܠܥܒܕ ܥܘܠܐ ܐܫܠܡܝܗܝ ܠܝܘܡܐ ܕܩܛܠܐ29ܒܩܫܝܘܬܐ ܪܒܬܐ ܡܬܦܨܐ ܬܓܪܐ ܡܢ ܚܛܗ̈ܐ ܐܠܐ ܒܗܕܐ ܒܗܕܐ ܡܬܬܩܠ ܚܢܘܝܐ ܕܝܢ ܠܐ ܡܙܕܕܩ ܡܢ ܚܛܗ̈ܐ
123456789101112131415161718192021222324252627282930313233343536373839404142434445464748495051
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
