Siracide ܝܫܘܥ ܒܪ ܐܣܝܪܐ 50

¹ܪܒ ܐܚ̈ܘܗܝ ܘܟܠܝܠܐ ܕܥܡܗ ܫܡܥܘܢ ܒܪ ܢܬܢܝܐ ܟܗܢܐ ܪܒܐ ܕܒܝܘܡ̈ܘܗܝ ܐܬܒܢܝ ܒܝܬܐ ܘܐܬܬܩܦ ܗܝܟܠܐ²ܘܐܬܬܣܝܡ ܫܘܪܐ ܥܥ̈ܝܬܐ ܘܐܬܒܢܝܬ ܚܕܪܬܐ³ܘܚ̣ܦܪ ܡܒܘܥܐ⁴ܘܦܨܝ ܠܥܡܗ ܡܢ ܣܢܐ̈ܐ⁵ܡܐ ܝܐܐ ܒܡܦܩܗ ܡܢ ܗܝܟܠܐ ܟܕ ܡܬܚܙܐ ܡܢ ܬܚܝܬ ܦܪܝܣܐ⁶ܐܝܟ ܟܘܟܒ ܢܘܓܗܐ ܡܢ ܒܝܢܬ ܥܢ̈ܢܐ ܘܐܝܟ ܣܗܪܐ ܒܝܘܡ̈ܝ ܢܝܣܢ⁷ܘܐܝܟ ܫܡܫܐ ܕܕܢܝܚ ܥܠ ܐܦܕ̈ܢܐ ܘܐܝܟ ܩܫܬܐ ܒܥܢ̈ܢܐ⁸ܘܐܝܟ ܫܒ̈ܠܐ ܕܚܩܠܐ ܘܐܝܟ ܫܘܫܢܬ ܡܠܟܐ ܒܡܒܘ̈ܥܝ ܡܝ̈ܐ ܘܐܝܟ ܐܝ̈ܠܢܐ ܕܠܒܢܢ ܒܝܘܡ̈ܝ ܩܛܦܐ⁹ܘܐܝܟ ܪܝܚܐ ܕܠܒܘܢܬܐ ܥܠ ܦܝܪܡܐ ܘܐܝܟ ܥܩܐ ܕܕܗܒܐ ܕܡܦܬܟ ܫܦܝܪ ܘܡܨܒܬ ܒܟܐ̈ܦܐ ܛܒ̈ܬܐ¹⁰ܘܐܝܟ ܙܝܬܐ ܗܕܝܪܐ ܕܪ̈ܘܪܒܢ ܣܘ̈ܟܘܗܝ ܘܐܝܟ ܐܝܠܢܐ ܕܡܫܚܐ ܕܡܣܒܥ ܒܥܘ̈ܦܘܗܝ¹¹ܒܡܠܒܫܗ ܡܐ̈ܢܐ ܕܩܘܕܫܐ ܘܒܡܥܛܦܗ ܡܐ̈ܢܐ ܕܐܝܩܪܐ ܒܡܦܩܗ ܠܡܩܒܠܘ ܬܫܒ̈ܚܬܐ ܒܝܐܝܘܬܐ ܕܬܘܩܦܐ ܕܡܩܕܫܐ¹²ܒܡܩܒܠܘܬܗ ܗܕܡ̈ܐ ܕܒܣܪܐ ܡܢ ܐܝܕܐ ܕܐܚ̈ܘܗܝ ܘܗ̣ܘ ܩܐܡ ܠܥܠ ܡܢ ܣܕܪ̈ܐ ܘܟܪܝܟܝܢ ܠܗ̣ ܐܝܟ ܟܠܝܠܐ ܐܚ̈ܘܗܝ¹³ܟܠܗܘܢ ܒ̈ܢܝ ܐܗܪܘܢ ܒܐܝܩܪܗܘܢ ܩܘܪ̈ܒܢܐ ܒܐܝ̈ܕܝܗܘܢ ܠܘܩܒܠ ܟܘܠܗ ܥܡܐ ܕܐܝܣܪܝܠ¹⁴ܥܕܡܐ ܕܫܠܡ ܠܡܫܡܫܘ ܡܕܒܚܐ ܘܠܡܫܡܫܘ ܒܚܕܘܬܐ ܕܩܘܕܫܐ¹⁵ܐܘܫܛ ܥܠ ܩܣܛܐ ܐܝܕܗ ܘܢܣܒ ܚܡܪܐ ܥܬܝܩܐ ܘܢܣܟ ܥܠ ܓܢܒ ܡܕܒܚܐ ܠܪܝܚܐ ܕܢܝܚܐ¹⁶ܘܗ̇ܝܕܝܢ ܝܒ̇ܒܘ ܒ̈ܢܝ ܐܗܪܘܢ ܒܩܪ̈ܢܬܐ ܩܕܡ ܟܠܗ ܥܡܐ ܕܝܣܪܝܠ ܘܐܫܡܥܘ ܩܠܐ ܬܩܝܦܐ ܠܡܒܪܟܘ ܩܕܡ ܟܘܠܗ ܥܡܐ¹⁷ܘܢܦܠܘ ܥܠ ܐܦܝ̈ܗܘܢ ܥܠ ܐܪܥܐ ܐܟܚܕܐ ܟܠܗ ܥܡܐ ܠܡܣܓܕ ܠܐܠܗܐ¹⁸ܘܝܗܒܘ ܠܬܘܕܝܬܐ ܩܠܗܘܢ ܘܐܬܒܣܡܘ ܐܟܚܕܐ ܒܨܠܘܬܐ¹⁹ܘܫܒܚܘ ܥܡܐ ܕܐܪܥܐ ܠܐܠܗܐ²²ܕܥܒܕ ܦܪ̈ܝܫܬܐ ܒܐܪܥܐ ܕܒܪܐ ܒܢܝܢ̈ܫܐ ܡܢ ܟܪܣܐ ܕܐܡܗܘܢ ܘܡܕܒܪ ܠܗܘܢ ܐܝܟ ܨܒܝܢܗ²³ܠܡܬܠ ܠܗܘܢ ܚܟܡܬܐ ܕܠܒܐ ܘܢܗܘܐ ܫܠܡܐ ܒܝܢܬܗܘܢ²⁴ܘܢܬܩܝܡ ܥܡ ܫܡܥܘܢ ܚܣܕܐ ܘܥܡ ܙܪܥܗ ܐܝܟ ܝܘܡ̈ܬܐ ܕܫܡܝܐ²⁵ܒܬܪܝܢ ܥܡܡ̈ܝܢ ܐܬܬܥܝܩܬ ܢܦܫܝ ܘܕܬܠܬܐ ܠܐ ܗܘܐ ܥܡܐ²⁶ܝܬ̈ܒܝ ܓܒܠ ܘܦܠܫ̈ܬܝܐ ܘܥܡܐ ܣܟܠܐ ܕܝܬܒ ܒܫܟܝܡ²⁷ܟܘܠ ܡܬܠܐ ܕܚܟܝܡ̈ܐ ܘܐܘܚ̈ܕܬܗܘܢ ܟܬܝܒܝܢ ܒܣܦܪܐ ܗܢܐ²⁸ܛܘܒܘܗܝ ܠܓܒܪܐ ܕܒܗܠܝܢ ܢܪܢܐ ܘܢܐܠܦ ܐ̈ܢܝܢ ܘܢܚܟܡ ܐ̈ܢܝܢ ܘܢܥܒܕ ܐ̈ܢܝܢ²⁹ܪܘܡܐ ܕܕܚܠܬܗ ܕܡܪܝܐ ܥܠ ܟܠܡܕܡ ܐܬܬܪܝܡܬ ܚܙܝܗ ܒܪܝ ܘܠܐ ܬܫܒܩܝܗ̇

Cambia Bibbia

Confronta con un'altra Bibbia

Versetti esaminati