Siracide ܝܫܘܥ ܒܪ ܐܣܝܪܐ 25

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51
Versetti esaminati

1ܠܬܠܬ ܨܒ̈ܘܢ ܐܬܪܓܪܓܬ ܢܦܫܝ ܘܗ̣ܢ̈ܝܢ ܝܐ̈ܝܢ ܩܕܡ ܐܠܗܐ ܘܩܕܡ ܒܢܝܢܫܐ ܐܚܘܬ ܐ̈ܚܝܢ ܘܪܚܡܘܬ ܪ̈ܚܡܝܢ ܘܓܒܪܐ ܘܐܢܬܬܗ ܟܕ ܢܗܘܘܢ ܫ̇ܠܡܝܢ2ܬܠܬܐ ܓܢܣ̈ܢܝܢ ܣܢܬ ܢܦܫܝ ܘܥܩܬ ܠܝ ܛܒ ܒܚ̈ܝܝܗܘܢ ܡܣܟܢܐ ܓܐܝܐ ܘܥܬܝܪܐ ܟܕܒܐ ܘܣܒܐ ܣܟܠܐ ܘܚܣܝܪ ܡܕܥܐ3ܒܛܠܝܘܬܟ ܠܐ ܟܢܫܬ ܚܟܡܬܐ ܐܝܟܢܐ ܬܫܟܚܝܗ̇ ܒܣܝܒܘܬܟ4ܡܐ ܝܐܐ ܠܣ̈ܒܐ ܕܝܢܐ ܘܠܥ̈ܬܝܩܝ ܝܘܡ̈ܬܐ ܣܟܘܠܬܢܘܬܐ5ܡܐ ܝܐܝܐ ܠܪ̈ܘܪܒܢܐ ܚܟܡܬܐ ܘܠܡܝܩܪ̈ܐ ܛܥܡܐ ܘܪܥܝܢܐ6ܐܝܩܪܗܘܢ ܕܩܫܝ̈ܫܐ ܣܓܝܐܘܬ ܪܥܝܢܐ ܘܕܚܠܬܗ ܕܐܠܗܐ ܬܫܒܘܚܬܗܘܢ7ܬܫܥ ܕܠܐ ܥܠ ܠܒܝ ܫܒܚܬ ܘܥܣܪ ܕܠܐ ܡܠܠܬ ܓܒܪܐ ܕܚ̇ܕܐ ܒܐܚܪܝܬܗ ܥܕ ܗ̣ܘ ܚܝ ܢܚܙܐ ܒܡܦܘܠܬܐ ܕܣܢ̈ܐܘܗܝ8ܛܘܒܘܗܝ ܠܒܥܠܗ̇ ܕܐܢܬܬܐ ܛܒܬܐ ܕܠܐ ܕܒܪ ܦܕܢܐ ܒܬܘܪܐ ܘܒܚ̇ܡܪܐ ܐܟܚܕܐ ܛܘܒܘܗܝ ܠܕܠܫܢܗ ܠܐ ܩܠܩܠܗ ܘܠܐ ܦܠܚ ܠܕܙܥܘܪ ܡܢܗ9ܛܘܒܘܗܝ ܠܓܒܪܐ ܕܐܫܟܚ ܪ̈ܚܡܐ ܘܡܫܬܥܐ ܠܐܕܢܐ ܕܫܡܥܐ ܛܘܒܘܗܝ ܠܓܒܪܐ ܕܠܐ ܬܒܪܬܗ ܡܣܟܢܘܬܐ ܘܠܐ ܬܒܪܬܗ ܥܢܘܝܘܬܐ11ܕܚܠܬܗ ܕܐܠܗܐ ܥܠ ܟܠܗܝܢ ܗܠܝܢ ܐܬܬܪܝܡܬ12ܪܝܫ ܕܚܠܬܗ ܕܡܪܝܐ ܠܡܪܚܡܗ ܘܪܝܫ ܗܝܡܢܘܬܐ ܠܡܐܙܠ ܒܬܪܗ ܐܚܘܕܝܗ̇ ܒܪܝ̈ ܘܠܐ ܬܪܦܝܗ̇ ܡܛܠ ܕܠܝܬ ܐܟܘܬܗ̇13ܟܠ ܡܚܘܐ ܘܠܐ ܐܝܟ ܡܚܘܬܐ ܕܠܒܐ ܘܟܠ ܒܝܫ̈ܢ ܘܠܐ ܐܝܟ ܒܝܫܘܬܗ̇ ܕܐܢܬܬܐ14ܟܠ ܐܘܠܨ̈ܢܝܢ ܘܠܐ ܐܝܟ ܐܘܠܨܢܐ ܕܣܢܐܐ ܘܟܠ ܦܘܪ̈ܥܢܝܢ ܘܠܐ ܐܝܟ ܦܘܪܥܢܐ ܕܒܥܠܕܒܒܐ15ܠܝܬ ܪܫܐ ܡܪܝܪܐ ܡܢ ܪܝܫܗ ܕܚܘܝܐ ܘܠܝܬ ܒܥܠܕܒܒܘܬܐ ܕܡܪܝܪܐ ܡܢ ܕܐܢܬܬܐ16ܦܩ̇ܚ ܠܡܥܡܪ ܠܘܬ ܐܪܝܐ ܘܠܘܬ ܬܢܝܢܐ ܡܢ ܕܠܡܥܡܪ ܥܡ ܐܢܬܬܐ ܒܝܫܬܐ ܒܓܘ ܒܝܬܐ17ܒܝܫܘܬܗ̇ ܕܐܢܬܬܐ ܒܝܫܬܐ ܬܘܪܩ ܐ̈ܢܝܢ ܐܦܘ̈ܗܝ ܕܒܥܠܗ ܘܬܘܟܡ ܐ̈ܢܝܢ ܐܝܟ ܓܘܢܐ ܕܣܩܐ18ܒܝܢܬ ܚܒܪ̈ܘܗܝ ܝܬ̇ܒ ܒܥܠܗ̇ ܕܣܟܠܬܐ ܘܕܠܐ ܒܨܒܝܢܗ ܡܬܬܢܚ19ܣܓܝܐܐ ܒܝܫܬܐ ܘܠܐ ܐܝܟ ܙܥܘܪܘܬ ܒܝܫܘܬܗ ܕܐܢܬܬܐ ܦܨܬܐ ܕܚܛܗ̈ܐ ܬܦܠ ܥܠܝܗ̇20ܐܝܟ ܡܣܩܬܐ ܕܚܠܐ ܒܪ̈ܓܠܘܗܝ ܕܓܒܪܐ ܩܫܝܫܐ ܗܟܢܐ ܗܝ ܐܢܬܬܐ ܕܠܫܢܗ̇ ܐܪܝܟ ܠܘܬ ܓܒܪܐ ܡܟܝܟܐ21ܠܐ ܬܫܬܕܠ ܠܫܘܦܪܗ̇ ܕܐܢܬܬܐ ܒܝܫܬܐ ܘܐܦܢ ܐܝܬ ܠܗ̇ ܢܟܣ̈ܐ ܠܐ ܬܬܪܓܪܓ ܠܗ̇22ܡܛܠ ܕܦܘܠܚܢܐ ܩܫܝܐ ܘܒܗܬܬܐ ܒܝܫܬܐ ܐܢܬܬܐ ܕܣ̇ܪܚܐ ܥܠ ܒܥܠܗ̇23ܘܠܒܐ ܕܥܡܗ̇ ܡܚܦܝܐ ܚܫܘܟܐ ܘܡܚܘܬܐ ܕܠܒܐ ܐܢܬܬܐ ܒܝܫܬܐ ܪܦܝܘܬܐ ܕܐܝ̈ܕܝܐ ܘܬܒ̇ܪܐ ܕܒܘܪ̈ܟܐ ܐܢܬܬܐ ܕܠܐ ܡܝܩܪܐ ܘܡܫܒܚܐ ܒܥܠܗ̇24ܡܢ ܐܢܬܬܐ ܫ̇ܪܝܘ ܚܛܗ̈ܐ ܘܡܛܠܬܗ ܟܠܢ ܡܝܬܝܢ ܚܢܢ25ܠܐ ܬܬܠ ܠܡ̈ܝܐ ܡܦܩܢܐ ܘܠܐܢܬܬܐ ܒܝܫܬܐ ܐ̈ܦܐ ܘܫܘܠܛܢܐ ܐܝܟ ܬܘܪܥܬܐ ܓܝܪ ܕܡ̈ܝܐ ܕܐܙܠܐ ܘܣܓܝܐ ܗܟܢܐ ܐܢܬܬܐ ܒܝܫܬܐ ܐ̇ܙܠܐ ܘܚܛܝܐ26ܘܐܠܐ ܐܝܬܝܗ̇ ܐ̇ܬܝܐ ܒܬܪܟ ܒܣܪܟ ܩܨܨ ܗܒ ܠܗ̇ ܘܫܪܝܗ̇ ܡܢ ܒܝܬܟ