Siracide ܝܫܘܥ ܒܪ ܐܣܝܪܐ 3

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51
Versetti esaminati

1ܒܢ̈ܝܐ ܕܝܢ ܠܐܒܗ̈ܐ ܫܡܥܘ ܘܥܒܕܘ ܡܛܠ ܕܬܚܘܢ ܚ̈ܝܐ ܕܠܥܠܡ ܥܠܡܝܢ2ܡܪܝܐ ܓܝܪ ܫܒܚ ܠܐܒܐ ܥܠ ܒܢ̈ܝܐ ܘܕܝܢܐ ܕܐܡܐ ܥܠ ܝܠܕ̈ܝܗ̇ ܫܪܪ3ܕܡܝܩܪ ܠܐܒܘܗܝ ܡܫܬܒܩܝܢ ܚܘܒ̈ܘܗܝ4ܘܣܐܡ ܣܝܡ̈ܬܐ ܡܢ ܕܡܝܩܪ ܠܐܡܗ5ܕܡܝܩܪ ܠܐܒܘܗܝ ܢܚܕܐ ܡܢ ܒܪܗ ܘܟܕ ܡܨܠܐ ܢܫܬܡܥ ܘܢܬܥܢܐ6ܕܡܝܩܪ ܠܐܒܘܗܝ ܢܣܓܘܢ ܝܘܡ̈ܬܗ ܘܪܡܐ ܚܘ̈ܒܠܐ ܛܒ̈ܐ ܥܠ ܐܠܗܐ ܡܢ ܕܡܝܩܪ ܠܐܡܗ8ܒܪܝ ܒܥܒܕܐ ܘܒܡܠܬܐ ܝܩܪ ܠܐܒܘܟ ܡܛܠ ܕܢܐܬܝܢ ܥܠܝܟ ܟܠܗܝܢ ܒܘܪ̈ܟܬܗ9ܒܘܪܟܬܐ ܕܐܒܐ ܬܩܝܡ ܡܕܝܪ̈ܐ ܘܠܘܛܬܐ ܕܐܡܐ ܬܥܩܘܪ ܥܩܪܐ10ܠܐ ܬܬܝܩܪ ܒܨܥܪܗ ܕܐܒܘܟ ܡܛܠ ܕܠܐ ܗܘܐ ܐܝܩܪܐ ܗܘܐ ܠܟ11ܐܝܩܪܗ ܓܝܪ ܕܓܒܪܐ ܐܝܩܪܗ ܗܘ ܕܐܒܘܗܝ ܘܚܘܒ̈ܐ ܪ̈ܘܪܒܐ ܡܢ ܕܡܨܥܪ ܠܐܡܗ12ܒܪܝ ܐܬܥܫܢ ܒܐܝܩܪܗ ܕܐܒܘܟ ܘܠܐ ܬܫܒܘܩ ܐܝܩܪܗ ܟܠ ܝܘ̈ܡܝ ܚܝ̈ܝܟ13ܐܦܢ ܒܛܠ ܡܕܥܗ ܫܒܘܩ ܠܗ ܘܠܐ ܬܒܗܬܝܘܗܝ ܟܠ ܝܘܡ̈ܝ ܚܝ̈ܘܗܝ14ܙܕܩܬܐ ܕܐܒܐ ܠܐ ܡܬܛܥܝܐ ܘܚܠܦ ܚܘ̈ܒܐ ܗܝ ܡܬܢܨܒܐ15ܒܝܘܡܐ ܕܥܩܬܐ ܗܝ ܬܬܕܟܪ ܠܟ ܐܝܟ ܚܘܡܐ ܥܠ ܓܠܝܕܐ ܠܡܒܛܠܘ ܚܛܗ̈ܝܟ16ܡܛܠ ܕܡܓܕܦ ܡܢ ܕܫܐܛ ܠܐܒܘܗܝ ܘܠܝܛ ܩܕܡ ܒܪܝܗ ܡܢ ܕܡܨܥܪ ܠܐܡܗ17ܒܪܝ ܒܥܘܬܪܟ ܒܡܟܝܟܘܬܐ ܗܠܟ ܘܡܢ ܓܒܪܐ ܕܝܗܒ ܡܘܗ̈ܒܬܐ ܢܪܚܡܘܢܟ18ܒܟܠ ܕܐܝܬ ܕܪܒ ܒܥܠܡܐ ܐܙܥܪ ܢܦܫܟ ܘܩܕܡ ܐܠܗܐ ܬܫܟܚ ܪ̈ܚܡܐ19ܡܛܠ ܕܣܓܝܐ̈ܝܢ ܐܢܘܢ ܪ̈ܚܡܘܗܝ ܕܐܠܗܐ ܘܠܡܟ̈ܝܟܐ ܪ̈ܐܙܐ ܡܬܓܠܝܢ21ܕܩ̈ܫܝܢ ܡܢܟ ܠܐ ܬܒܥܐ ܘܕܬܩ̈ܝܦܢ ܡܢܟ ܠܐ ܬܥܩܒ22ܒܡܐ ܕܐܫܠܛܘܟ ܐܣܬܟܠ ܘܠܝܬ ܠܟ ܬܘܟܠܢܐ ܥܠ ܟܣܝ̈ܬܐ23ܘܒܫܪܟܐ ܕܥܒ̈ܕܘܗܝ ܠܐ ܬܬܥܣܩ ܡܛܠ ܕܕܣܓܝ ܡܢܟ ܐܬܚܘܝ ܠܟ24ܡܛܠ ܕܣܓܝܐ̈ܝܢ ܐܢܘܢ ܪ̈ܥܝܢܝܗܘܢ ܕܒܢܝܢ̈ܫܐ ܘܕܡ̈ܘܬܐ ܒܝܫ̈ܬܐ ܡ̈ܛܥܝܢ25ܡܢ ܕܠܝܬ ܠܗ ܒܒ̈ܬܐ ܕܥܝܢܐ ܚܣܝܪ ܢܘܗܪܐ ܗܘ ܘܡܐ ܕܓܗܪ ܐܢܬ ܡܢ ܝܕܥܬܐ ܠܐ ܬܗܘܐ ܡܠܟ ܠܡܦܣܘ26ܠܒܐ ܩܫܝܐ ܬܒܐܫ ܚܪܬܗ ܘܡܢ ܕܪܚܡ ܛܒܬ̈ܐ ܒܗܝܢ ܢܕܪܘܟ27ܠܒܐ ܩܫܝܐ ܢܣܓܘܢ ܟܐ̈ܒܘܗܝ ܘܕܡܪܚ ܢܘܣܦ ܚܛܗ̈ܐ ܥܠ ܚܛܗ̈ܐ28ܠܡܚܘܬܗ ܕܡܡܝܩܢܐ ܠܝܬ ܠܗ ܐܣܝܘܬܐ ܡܛܠ ܕܡܢ ܢܨܒܬܐ ܒܝܫܬܐ ܢܨܒܬܗ29ܠܒܐ ܚܟܝܡܐ ܢܣܬܟܠ ܒܡ̈ܬܠܠܐ ܕܚܟܝܡ̈ܐ ܘܐܕܢܐ ܕܫܡܥܐ ܬܚܕܐ ܒܚܟܝ̈ܡܐ30ܢܘܪܐ ܕܝܩܕܐ ܢܕܥܟܘܢ ܡ̈ܝܐ ܗܟܢܐ ܙܕܩܬܐ ܫܒܩܐ ܚܛܗ̈ܐ31ܕܥܒܕ ܕܫܦܝܪ ܥܬܝܕ ܒܐܘܪܚܗ ܘܒܥܕܢܐ ܕܢܦܠ ܡܫܟܚ ܠܗ ܣܡܟܐ