Siracide ܝܫܘܥ ܒܪ ܐܣܝܪܐ 41

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51
Versetti esaminati

1ܝܐ ܡܘܬܐ ܡܐ ܒܝܫ ܐܢܬ ܠܓܒܪܐ ܥܬܝܪܐ ܕܝܬ̇ܒ ܥܠ ܢܟܣ̈ܘܗܝ ܓܒܪܐ ܕܥܫܝܢ ܘܡܨܠܚ ܒܟܠܥܕܢ ܘܬܘܒ ܐܝܬ ܒܗ ܚܝܠܐ ܠܡܩ̇ܒܠܘ ܬܦܢܝܩ̈ܐ2ܐܘ ܡܘܬܐ ܡܐ ܟܫܝܪ ܐܢܬ ܠܓܒܪܐ ܕܬܒܝܪ ܘܚܣܝܪ ܢܦܫ ܓܒܪܐ ܣ̇ܒܐ ܕܡܬܬܩܠ ܒܟܠܥܕܢ ܘܚܣܝܪ ܡܡܘܢܐ ܘܠܝܬ ܒܗ ܚܝܠܐ ܠܡܦܠܚ3ܠܐ ܬܕܚܠ ܡܢ ܡܘܬܐ ܡܛܠ ܕܗܘܝܘ ܡܢܬܟ ܐܬܕܟܪ ܕܩܕܡ̈ܝܐ ܘܐܚܪ̈ܝܐ ܠܘܬܟ ܐܢܘܢ4ܡܛܠ ܕܗܕܐ ܗܝ ܚܪܬܐ ܕܟܠܗܘܢ ܒܢ̈ܝܢܫܐ ܩܕܡ ܐܠܗܐ5ܙܪܥܐ ܡܣܠܝܐ ܬܘܠܕܬܐ ܕܥܘ̈ܠܐ ܘܫܪܒܬܐ ܕܘܝ ܠܗ̇ ܬܘܠܕܬܐ ܕܚ̈ܛܝܐ6ܡܢ ܒܪܐ ܥ̇ܘܠܐ ܢܐܒܕ ܫܘܠܛܢܐ ܘܥܡ ܙܪܥܗ ܢܥܡܪ ܚܘܣܪܢܐ7ܠܐܒܐ ܥ̇ܘܠܐ ܒܢܘܗ̈ܝ ܟܐ̈ܢܐ ܢܠܘܛܘܢܗ ܕܡܛܠܬܗ ܗܘܘ ܒܣܝܪ̈ܐ ܒܥܠܡܐ8ܘܝ ܠܗܘܢ ܠܐܢܫܐ ܥܘ̈ܠܐ ܕܕܘܘܢܐ ܡܠܘܐ ܠܗܘܢ ܥܕܡܐ ܠܝܘܡܐ ܕܡܘܬܗܘܢ9ܐܢܬܬܐ ܝܠܕܬܐ ܠܚܕܘܬܐ ܕܥܡܗ̇ ܘܐܢ ܢܡܘܬ ܐܒܐ ܥ̇ܘܠܐ ܒܢܘ̈ܗܝ ܟܐ̈ܢܐ ܠܐ ܢܬܐܒܠܘܢ ܥܠܘܗܝ11ܪܫܝܥܐ ܓܝܪ ܚܪܬܗ ܠܐܒܕܢܐ ܗܝ ܘܫܡܐ ܕܥܒ̈ܕܝ ܛܒ̈ܬܐ ܠܐ ܢܬܛܥܐ ܠܥܠܡ12ܓܘܥܠܢܐ ܕܝܗ̇ܒ ܐܢܬ ܠܗ ܐܝܟܢܐ ܡܦ̇ܢܐ ܠܟ