Siracide ܝܫܘܥ ܒܪ ܐܣܝܪܐ 18

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Ez Dn

¹ܥܠܡܐ ܟܠܗ ܡܬܒܩܐ ܐܟܚܕܐ²ܘܡܪܝܐ ܒܠܚܘܕܘܗܝ ܙܟܝ⁴ܡܢܘ ܡܫܟܚ ܠܡܚܘܝܘ ܥܒܕܘ̈ܗܝ⁵ܐܘ ܡܢܘ ܢܡܢܐ ܓܒܪ̈ܘܬܗ⁷ܒܫܘܠܡܗܘܢ ܕܒ̈ܢܝ ܐܢܫܐ ܗܢܘܢ ܡ̇ܫܪܝܢ ܘܐܢ ܢܬܘܒܘܢ ܢܬܡܗܘܢ⁸ܡܢܐ ܐܢܘܢ ܒܢܝܢ̈ܫܐ ܘܡܢܐ ܚܘܣܪܢܗܘܢ ܘܡܢܐ ܝܘܬܪܢܗܘܢ ܘܡܢܐ ܛܒܘܬܗܘܢ ܘܡܢܐ ܒܝܫܘܬܗܘܢ⁹ܡܢܝܢܐ ܕܝܘܡ̈ܘܗܝ ܕܒܪܢܫܐ ܟܕ ܢܣܓܐ ܠܡܚܐ ܡܐܐ ܫ̈ܢܝܢ¹⁰ܐܝܟ ܕܠܡܡܠܐ ܓܘܕ̇ܐ ܡܢ ܝܡܐ ܘܐܝܟ ܦܪܕܬܐ ܡܢ ܚܠܐ ܐܠܦ ܫ̈ܢܝܢ ܡܢ ܥܠܡܐ ܗܢܐ ܠܐ ܐܝܬܝܗܝܢ ܐܝܟ ܚܕ ܝܘܡܐ ܒܥܠܡܐ ܕܙܕܝ̈ܩܐ¹¹ܡܛܠ ܗܢܐ ܡܓܪ ܪܘܚܗ ܥܡܗܘܢ ܘܐ̇ܫܕ ܥܠܝܗܘܢ ܪ̈ܚܡܘܗܝ¹²ܡܛܠ ܕܝ̇ܕܥ ܕܚܪܬܗܘܢ ܒܝܫܐ ܗܝ ܡܛܠ ܗܢܐ ܐܣܓܝ ܫܘܒܩܢܗܘܢ¹³ܪ̈ܚܡܐ ܕܒܪܢܫܐ ܥܠ ܩܪܝܒ ܒ̇ܣܪܗ ܘܪ̈ܚܡܘܗܝ ܕܐܠܗܐ ܥܠ ܟܠܗܘܢ ܥܒ̈ܕܘܗܝ ܡܚ̇ܟܡ ܘܪ̇ܕܐ ܘܡ̇ܠܦ ܠܗܘܢ ܘܡ̇ܗܦܟ ܠܗܘܢ ܐܝܟ ܪ̇ܥܝܐ ܛܒܐ ܕܪ̇ܥܐ ܠܓܙܪܗ¹⁴ܛܘܒܝܗܘܢ ܠܐܝܠܝܢ ܕܡܣܒܪܝܢ ܠܪ̈ܚܡܘܗܝ ܘܐܝܠܝܢ ܕܡܩ̇ܒܠܝܢ ܠܕܝ̈ܢܘܗܝ¹⁵ܒܪܝ ܠܡ̇ܢ ܕܡܛܐܒ ܠܚܒܪܗ ܠܐ ܬܟܠܐ ܘܒܡ̇ܢ ܕܝܗܒ ܠܐ ܬܒܐܫ ܥܝܢܟ¹⁶ܐܝܟ ܡܛܪܐ ܓܝܪ ܕܡܒܛܠ ܠܫܘܒܐ ܗܟܢܐ ܡܠܬܐ ܡܗܦܟܐ ܡܘܗܒܬܐ¹⁷ܐܝܬ ܓܝܪ ܡܠܬܐ ܛܒܬܐ ܕܡܢ ܡܘܗܒܬܐ ܛܒܐ ܗܝ ܘܬܪ̈ܬܝܗܝܢ ܥܠ ܐܢܫܐ ܟܫܪ̈ܐ¹⁸ܣܟܠܐ ܓܝܪ ܡܚܣܕ ܥܕ ܠܐ ܥ̇ܒܕ ܛܝܒܘܬܐ ܘܡܘܗܒܬܗ ܕܪܫܝܥܐ ܡܬܝܟܐ ܥܝ̈ܢܐ¹⁹ܥܕ ܠܐ ܬܬܟܬܫ ܒܥܝ ܠܟ ܥ̇ܕܘܪܐ ܘܥܕ ܠܐ ܬܬܟܪܗ ܒܥܝ ܠܟ ܐܣܝܐ²⁰ܥܕ ܠܐ ܬܡܛܝܟ ܥܩܬܐ ܨ̇ܠܐ ܘܠܙܒܢܐ ܕܥܩܬܐ ܬܫܟܚܝܗ̇ ܘܬܥܢܝܟ²¹ܥܕ ܠܐ ܬܬܩܠ ܨܠܐ ܘܒܥܝ ܘܥܕ ܠܐ ܬܚܛܐ ܗܒ ܙܕܩܬܐ²²ܠܐ ܬܬܟܠܐ ܠܡܥܒܪܘ ܚܘ̈ܒܝܟ ܘܠܐ ܬܗܘܐ ܡ̇ܕܫ ܥܕܡܐ ܕܬܥܘܩ ܠܟ ܠܐ ܬܬܠ ܙܒܢܐ ܠܡܬܒ ܡܢ ܚܛܗ̈ܝܟ ܐܬܕܟܪ ܕܡܘܬܐ ܠܐ ܡܫܬ̇ܘܚܪ²³ܥܕ ܠܐ ܬܕܘܪ ܛܝܒ ܢܕܪܝܟ ܘܠܐ ܬܗܘܐ ܐܝܟ ܓܒܪܐ ܕܡܢܣܐ ܡܪܗ ܠܐ ܬܘܣܦ ܠܡܚܛܐ ܚܛܗ̈ܐ ܡܛܠ ܕܒܩܕܡ̈ܝܐ ܠܐ ܙܟܝܬ²⁴ܐܬܕܟܪ ܕܪܘܓܙܐ ܒܚܪܬܐ ܗܘ ܕܟܠܗܘܢ ܚܛܗ̈ܐ ܘܒܙܒܢܐ ܕܥܩܬܐ ܠܐ ܢܗܦܟ ܡܢܟ ܐܦ̈ܐ²⁵ܗܘܝܬ ܕܟܝܪ ܠܟܦܢܐ ܒܝܘܡ̈ܝ ܣܒܥܐ ܘܡܣܟܢܘܬܐ ܘܥܢܘܝܘܬܐ ܒܝܘܡ̈ܝ ܥܘܬܪܐ²⁶ܡܢ ܨܦܪܐ ܠܪܡܫܐ ܡܫܢܐ ܥܕܢܐ ܘܟܘܠܗܝܢ ܗ̈ܠܝܢ ܫܦܝܪ̈ܢ ܐ̈ܢܝܢ ܩܕܡ ܐܠܗܐ²⁷ܓܒܪܐ ܚܟܝܡܐ ܠܗܠܝܢ ܟܠܗܝܢ ܢܐܨܦ ܘܒܝܘܡ̈ܬܐ ܕܪܘܫܥܐ ܠܐ ܢܕܚܠ ܡܢ ܒܝܫܐ²⁸ܠܟܠ ܕܚܟܝܡ ܠܡ̇ܠܦܘ ܚܟܡܬܐ ܘܠܝܕܘܥܝܗ̇ ܠܡܬܠ ܬܘܕܝܬܐ²⁹ܚܟ̈ܝܡܝ ܝܘܠܦܢܐ ܐܦ ܗܢܘܢ ܢܬܚܟܡܘܢ ܘܢܕܥܘܢ ܥܕܡܐ ܠܐܚܪܝܬܐ ܡ̈ܠܐ ܕܡܬ̈ܠܐ ܘܡ̈ܠܐ ܕܚܟܡܬܐ ܘܝܘܠܦܢܐ ܕܢܦܫܐ³⁰ܒܪܝ ܒܬܪ ܫܐܠܬ ܢܦܫܟ ܠܐ ܬܐܙܠ ܘܡܢ ܪܓܬܗ̇ ܟܠܝܗ̇³¹ܐܢ ܓܝܪ ܬܥܒܕ ܨܒܝܢܐ ܕܢܦܫܟ ܐܝܟ ܗ̇ܘ ܗܘ ܕܥ̇ܒܕ ܨܒܝܢܐ ܕܣܢܐܗ³²ܠܐ ܬܚܕܐ ܒܣܘܓܐܐ ܕܬܦ̈ܢܝܩܐ ܕܠܐ ܚܕܬܪܝܢ ܬܗܘܐ ܡܣܟܝܢ³³ܠܐ ܬܗܘܐ ܡܣܟܝܢ ܘܪܘܝ ܘܙܠܝܠ ܘܦܩܩ ܟܕ ܡܕܡ ܒܟܝܣܟ ܠܝܬ

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Ez Dn

Altre sezioni del sito

Utility

SCRUTATIO

Siracide ܝܫܘܥ ܒܪ ܐܣܝܪܐ 18

Confronta con un'altra Bibbia

Cambia Bibbia