Siracide ܝܫܘܥ ܒܪ ܐܣܝܪܐ 22

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51
Versetti esaminati

1ܐܝܟ ܟܐܦܐ ܨܚܢܬܐ ܕܪܡܝܐ ܒܫܘܩܐ ܘܟܠܢܫ ܥ̇ܪܩ ܡܢ ܪܝܚܗ ܗܟܢܐ ܐܝܬܘܗܝ ܣܟܠܐ ܘܟܠ ܐܢܫ ܡܬܪܚܩ ܡܢܗ2ܥܕ ܢ̇ܦܩ ܐܢܫ ܠܒܪ ܠܫܘܩܐ ܘܡܨܥܪ ܢܦܫܗ ܘܟܠ ܡ̇ܢ ܕܚ̇ܙܐ ܠܗ ܡ̇ܛܪܦ ܐܝܕ̈ܘܗܝ3ܒܗܬܬܐ ܗܘ ܠܐܒܐ ܒܪܐ ܣܟܠܐ ܘܢܩܒܬܐ ܠܚܘܣܪܢܐ ܗܘ ܡܬܝܠܕܐ5ܐܒܘܗ ܘܐܡܗ ܬܒܗܬ ܣܟܠܬܐ ܘܡܢ ܬܪ̈ܝܗܘܢ ܗܝ ܬܨܛܥܪ6ܐܝܟ ܙܡܪܐ ܒܝܬ ܒ̇ܟ̈ܐ ܗܟܢܐ ܫܘܥܝܬܐ ܕܠܐ ܒܥܕܢܗ̇ ܘܡܪܕܘܬܐ ܘܝܘܠܦܢܐ ܒܟܠ ܥܕܢ ܚܟܡܬܐ ܗܝ9ܐܝܟ ܐܢܫ ܕܡܕܒܩ ܚܨ̈ܦܐ ܗܟܢܐ ܡ̇ܢ ܕܡ̇ܠܦ ܠܣܟܠܐ ܘܐܝܟ ܐܢܫ ܕܡܥܝܪ ܕܡܟܐ ܡܢ ܫܢܬܐ ܥܡܝܩܬܐ10ܘܐܝܟ ܐܢܫ ܕܐ̇ܟܠ ܠܚܡܐ ܟܕ ܠܐ ܟܦܢ ܗܟܢܐ ܡ̇ܢ ܕܡ̇ܠܦ ܠܣܟܠܐ ܘܡܐ ܕܓܡܪ ܡ̈ܠܝܟ ܐܡ̣ܪ ܠܟ ܡܢܐ ܐܡܪܬ11ܥܠ ܡܝܬܐ ܠܡܒܟܐ ܕܐܬܟܠܝ ܡܢ ܢܘܗܪܐ ܘܥܠ ܣܟܠܐ ܕܐܬܟܠܝ ܡܢ ܚܟܡܬܐ ܠܝܬ ܠܡܒܟܐ ܥܠ ܡܝܬܐ ܕܡܬܬܢܝܚ ܒܝܫ̈ܝܢ ܐܢܘܢ ܓܝܪ ܡܢ ܡܘܬܐ ܚ̈ܝܐ ܒܝ̈ܫܐ12ܒܝܬ ܒܟ̈ܐ ܓܝܪ ܕܡܝܬܐ ܫܒܥܐ ܝܘܡ̈ܝܢ ܘܒܝܬ ܒ̇ܟ̈ܐ ܕܣܟܠܐ ܟܠ ܝܘܡ̈ܝ ܚܝܘ̈ܗܝ13ܥܡ ܣܟܠܐ ܠܐ ܬܫܦܪ ܫܘ̈ܥܝܬܐ ܘܥܡ ܚܙܝܪܐ ܠܐ ܬܐܙܠ ܒܐܘܪܚܐ ܐܪܚܩ ܡܢܗ ܕܠܐ ܢܥܝܩ ܠܟ ܘܠܐ ܢܛܢܦܟ ܟܕ ܗ̣ܘ ܡܬܢ̇ܦܨ ܐܪܚܩ ܡܢܗ ܘܬܫܟܚ ܢܝܚܐ ܘܠܐ ܢܠܐܝܟ ܒܣܘܓܐܐ ܕܫܘ̈ܥܝܬܗ14ܡܢ ܐܒܪܐ ܓܝܪ ܣܓܝ ܝܩܝܪ ܘܡ̇ܢܘ ܫܡܗ ܐܠܐ ܣܟܠܐ15ܚܠܐ ܘܡܠܚܐ ܘܛܥܢܐ ܕܦܪܙܠܐ ܢܝܚ ܠܡܫܩܠ ܡܢ ܕܠܡܥܡܪ ܥܡ ܓܒܪܐ ܣܟܠܐ16ܐܝܟ ܥܪܩܬܐ ܕܩܝܣܐ ܕܐܣܝܪܐ ܒܐܣ̈ܐ ܕܙܘ̈ܝܬܐ ܕܒܝܬܐ ܗܟܢܐ ܗܘ ܠܒܐ ܡܗܘܢܐ ܒܡ̣ܠܟܐ ܕܪܥܝܢܗ ܘܟܠ ܕܚܠܐ ܠܐ ܬܙܝܥܝܘܗܝ17ܠܒܐ ܚܟܝܡܐ ܒܡܚܫܒܬܐ ܕܪܥܝܢܗ ܐܝܟ ܨܒܬܐ ܕܓ̈ܠܦܐ ܥܠ ܐܣ̈ܐ ܡܨܒܬ̈ܬܐ18ܨܪܪܐ ܙܥܘܪܐ ܥܠ ܟܐܦܐ ܕܪܡ̇ܐ ܘܕܩܠܝܠ ܛܒ ܩܕܡ ܪܘܚܐ ܠܐ ܡ̇ܫܟܚ ܠܡܩܡ ܐܝܟ ܡܐܢܐ ܕܟܬܢܐ ܘܥܡܪܐ ܚܘܪܐ ܩܕܡ ܥܠܥܠܐ ܠܐ ܢܬܩܝܡܘܢ ܗܟܢܐ ܠܒܗ ܕܣܟܠܐ ܒܡܥ̈ܘܗܝ ܬܒܝܪ ܘܩܕܡ ܥܩܬܐ ܠܐ ܡܫܟܚ ܠܡܩܡ19ܡܚܘܬܐ ܕܥܝ̈ܢܐ ܡܚܬܐ ܕܡ̈ܥܐ ܘܡܚܘܬܐ ܕܠܒܐ ܡܥܒܪܐ ܪܚܡܘܬܐ20ܥܠ ܪܚܡܟ ܠܐ ܬܫܬܚܠܦ ܘܐܢ ܐܫܬܚܠܦܬ ܠܐ ܬܣܒܪ ܕܐܝܬ ܠܟ ܥܡܗ ܪܚܡܘܬܐ21ܥܠ ܪܚܡܐ ܐܦܢ ܬܫܡܘܛ ܣܝܦܐ ܠܐ ܬܘܚܠ ܐܝܬ ܠܗ ܓܝܪ ܡ̇ܦܩܢܐ22ܘܐܢ ܥܠ ܪܚܡܟ ܬܦܬܚ ܦܘܡܟ ܠܐ ܬܕܚܠ ܡܛܠ ܕܐܝܬ ܠܗ ܓܝܪ ܬܪܥܘܬܐ ܒܪ ܚܣ̈ܕܐ ܡ̇ܢ ܕܓ̣ܠܐ ܪܐܙܐ ܘܡܚܘܬܐ ܕܣܬܪܐ ܡܥܒܪܐ ܪܚܡܘܬܐ23ܣܡܘܟ ܪܚܡܟ ܒܡܣܟܢܘܬܗ ܕܐܦ ܒܛܒ̈ܬܗ ܬܫܬܘܬܦ ܒܥܕܢ ܥܩܬܗ ܗܘܝ ܠܗ ܚܒܪܐ ܕܐܦ ܒܝܘܬܪܢܗ ܬܐܪܬ24ܩܕܡ ܢܘܪܐ ܥ̇ܛܪ ܬܢܢܐ ܘܩܕܡ ܐ̇ܫܕ ܕܡܐ ܨܥܪܐ25ܐܢ ܐܬܡܣܟܢ ܪܚܡܟ ܠܐ ܬܒܗܬܝܘܗܝ ܘܡܢ ܩܕܡܘܗܝ ܠܐ ܬܬܛܫܐ26ܐܢ ܓܠܐ ܠܟ ܚܒܪܟ ܪܐܙܐ ܠܐ ܬܦܩܝܘܗܝ ܕܠܐ ܟܠ ܕܢܫܡܥܟ ܢܙܕܗܪ ܡܢܟ ܘܐܝܟ ܣܪܘܚܐ ܢܚܫܒܟ27ܡ̇ܢ ܕܝܢ ܐܩܝܡ ܥܠ ܦܘܡܝ ܢܛܘ̈ܪܐ ܘܥܠ ܣܦܘ̈ܬܝ ܚܬܡܐ ܕܐܝܩܪܐ ܕܠܐ ܐܡ̇ܪ ܒܗܘܢ ܢܟܠܐ ܘܠܫܢܝ ܠܐ ܢܘܒܕܢܝ