Tobia ܛܘܒܝܛ 2
Confronta con un'altra Bibbia
Cambia Bibbia
1ܟܕ ܕܝܢ ܢܚܬܬ ܠܒܝܬܐ ܕܝܠܝ ܘܐܬܝܗܒܬ ܠܝ ܚܢܢܐ ܐܢܬܬܐ ܕܝܠܝ ܘܛܘܒܝܐ ܗ̇ܘ ܒܪܐ ܕܝܠܝ ܒܥܐܕܐ ܕܦܢܛܐܩܘܣܛܐ ܗ̇ܘ ܕܐܝܬܘܗܝ ܩܕܝܫܐ ܕܫܒܥܐ ܫܒܘ̈ܥܐ̣. ܗܘܬ ܫܪܘܬܐ ܛܒܬܐ ܠܝ ܘܟܕ ܐܣܬܡܟܬ ܕܝܢ ܠܡܐܟܠ̣2ܚܙܝܬ ܛܥܘܡ̈ܐ ܣܓ̈ܝܐܐ. ܘܐܡܪܬ ܠܒܪܐ ܕܝܠܝ. ܗܠܟ ܘܐܝܬܐ ܡܢ ܐܚ̈ܐ ܕܝܠܢ̇. ܠܗ̇ܘ ܕܐܢ ܬܫܟܚ ܣܢܝܩܐ̇. ܗ̇ܘ ܕܥܗܝܕ ܠܡܪܝܐ. ܘܗܐ ܡܩܘܐ ܐܢܐ ܠܟ3ܘܟܕ ܐܬܐ ܐܡ̣ܪ. ܐܒܝ̣. ܚܕ ܡܢ ܓܢܣܐ ܕܝܠܢ ܟܕ ܚܢܝܩ ܫܕܐ ܒܫܘܩܐ4ܘܐܢܐ ܩܕܡ ܕܐܛܥܡ ܟܕ ܫܘܪܬ̣. ܐܪܝܡܬܗ ܠܒܝܬܐ ܥܕܡܐ ܕܥܪܒ ܫܡܫܐ5ܘܟܕ ܗܦܟܬ ܣܚܬ̣. ܘܠܥܣܬ ܠܚܡܐ ܕܝܠܝ ܒܥܩܬܐ̣6ܘܐܬܕܟܪܬ ܠܢܒܝܘܬܐ ܕܥܡܘܣ ܐܝܟܢܐ ܕܐܡ̇ܪ ܢܬܗܦܟܘܢ ܥܐ̈ܕܐ ܕܝܠܢ ܠܐܒܠܐ̇. ܘܟܠܗܝܢ ܚܕܘ̈ܬܐ ܕܝܠܟܘܢ ܠܐܘ̈ܠܝܬܐ̣7ܘܒܟܝܬ. ܘܟܕ ܥܪܒ ܫܡܫܐ ܐܙܠܬ̣. ܘܟܕ ܚܦܪܬ ܩܒܪܬܗ8ܘܩܪ̈ܝܒܐ ܓܚܟܝܢ ܗܘܘ ܟܕ ܐܡܪܝܢ. ܠܐ ܬܘܒ ܕܚ̇ܠ ܠܡܬܩܛܠܘ ܡܛܠ ܣܘܥܪܢܐ ܗܢܐ ܘܥܪܩ ܘܗܐ ܬܘܒ܈ ܩܒܪ ܠܡ̈ܝܬܐ̣9ܘܒܗ ܒܠܠܝܐ̇· ܦܢܝܬ ܟܕ ܩܒܪܬ̣. ܘܕܡܟܬ ܡܣܝܒܐ ܠܘܬ ܐܣܬܐ ܕܕܪܬܐ̣. ܘܦܪܨܘܦܐ ܕܝܠܝ ܠܐ ܡܚܦܝܐ ܐܝܬܘܗܝ ܗܘܐ10ܘܠܐ ܝܕܥ ܗܘܝܬ ܕܨ̈ܦܪܐ ܒܐܣܬܐ ܐܝܬ ܗܘܐ. ܘܟܕ ܥܝ̈ܢܐ ܕܝܠܝ ܦܬ̈ܝܚܢ ܗ̈ܘܝ̣. ܚܪ̈ܝ ܗܠܝܢ ܨܦܪ̈ܐ ܫܚ̈ܝܢܐ ܒܥ̈ܝܢܝ̣. ܘܗܘܘ ܚܘܪ̈ܘܪܐ ܒܥ̈ܝܢܐ ܕܝܠܝ. ܘܐܙܠܬ ܠܘܬ ܐܣܘ̈ܬܐ̣. ܘܠܐ ܐܘܬܪܘܢܝ. ܐܚܝܘܪ ܕܝܢ ܡܬܪܣܐ ܗ̣ܘܐ ܠܝ̣. ܥܕܡܐ ܕܐܙܠܬ ܠܐܠܘܡܘܐܝܕܐ11ܘܐܢܬܬܐ ܕܝܠܝ ܚܢܢܐ̣. ܒܟܬܐ ܗܘܬ ܒܝܬ ܢܫ̈ܐ̣12ܘܡܫܕܪܐ ܠܡܪ̈ܘܗܝ. ܘܝܗܒܘ ܠܗ̇ ܐܦ ܗܢܘܢ ܐܓܪܐ̣. ܟܕ ܐܘܣܦܘ ܓܕܝܐ13ܟܕ ܕܝܢ ܐܬܬ ܠܘܬܝ̣. ܫܪܝ ܠܡܩܥܐ. ܘܐܡܪܬ ܠܗ̇. ܡܢ ܐܝܟܐ ܗ̣ܘ ܓܕܝܐ. ܕܠܡܐ݃ ܓܢܝܒܐ ܐܝܬܘܗܝ. ܦܢܝܘܗܝ ܠܡܪ̈ܘܗܝ. ܠܘ ܓܝܪ ܢܡܘܣܝܬܐ ܐܝܬܝܗ̇ ܠܡܐܟܠ ܓܢܝܒܐ14ܗ̣ܝ ܕܝܢ ܐܡܪܬ. ܡܘܗܒܬܐ ܐܬܝܗܒ ܠܝ ܥܠ ܐܓܪܐ. ܘܠܐ ܡܗܝܡܢ ܗܘܝܬ ܠܗ̇. ܘܐܡ̇ܪ ܗܘܝܬ ܕܢܬܦܢܐ ܠܡܪ̈ܘܗܝ. ܘܡܬܟ̇ܚܕ ܗܘܝܬ ܠܘܬܗ̇. ܗ̣ܝ ܕܝܢ ܟܕ ܦܢ̣ܝܬ ܐܡܪܬ ܠܝ. ܐܝܟܐ ܐܝ̈ܬܝܗܝܢ ܡܪ̈ܚܡܢܘܬܐ ܕܝܠܟ ܘܙܕܝ̈ܩܘܬܐ. ܗܐ ܐܝܕܝ̈ܥܢ ܟܠܗܝ̣ܢ ܥܡܟ
1234567891011121314
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
