Tobia ܛܘܒܝܛ 11

1 2 3 4 5 6 7 8 9 10 11 12 13 14
Versetti esaminati

1ܒܬܪ ܗܠܝܢ̣. ܐܙ̇ܠ ܗܘܐ ܛܘܒܝܐ ܟܕ ܡܒܪܟ ܠܐܠܗܐ̇. ܡܛܠ ܕܐܨܠܚ ܐܘܪܚܐ ܕܝܠܗ. ܘܡܒܪܟ ܗܘܐ ܠܪܥܘܐܝܠ ܘܠܐܕܢܐ ܐܢܬܬܐ ܕܝܠܗ. ܘܐܙܠܝܢ ܗܘܘ ܥܕܡܐ ܕܢܩܪܒܘܢ ܠܢܝܢܘܐ2ܘܐܡܪ ܪܦܐܝܠ ܠܘܬ ܛܘܒܝܐ. ܠܐ ܝܕ̇ܥ ܐܢܬ ܐܚܝ ܐܝܟܢܐ ܫܒܩܬ ܠܐܒܐ ܕܝܠܟ̣3ܢܪܗܛ ܩܕܡ ܐܢܬܬܐ ܕܝܠܟ ܘܢܛܝܒ ܒܝܬܐ4ܣ̣ܒ ܕܝܢ ܡܚܕܐ ܠܡܪܪܬܐ ܕܗ̇ܘ ܢܘܢܐ̣. ܘܐܙܠܘ̣. ܘܗ̇ܘ ܟܠܒܐ ܒܬܪܗܘܢ5ܘܚܢܢܐ ܝܬܝܒܐ ܗܘܬ ܟܕ ܚܝܪܐ ܒܐܘܪܚܐ ܠܒܪܐ ܕܝܠܗ̇6ܘܐܣܬܟܠܬܗ ܟܕ ܐ̇ܬܐ̣. ܘܐܡܪܬ ܠܐܒܐ ܕܝܠܗ. ܗܐ ܒܪܐ ܕܝܠܟ ܐܬ̇ܐ̣. ܘܒܪܢܫܐ ܗ̇ܘ ܕܐ̣ܙܠ ܥܡܗ7ܘܪܦܐܝܠ ܐܡ̣ܪ. ܝ̇ܕܥܢܐ ܛܘܒܝܐ ܝܕܥܢܐ ܕܦ̇ܬܚ ܥܝܢ̈ܘܗܝ ܐܒܐ ܕܝܠܟ8ܐܢܬ ܗܟܝܠ ܛܘܫܝܗ̇ ܠܡܪܪܬܐ ܒܥ̈ܝܢܐ ܕܝܠܗ̣. ܘܟܕ ܢܬܢܟܬ ܢܫܘܦ ܘܢܫ̣ܕܐ ܠܚܘܪ̈ܘܪܐ ܘܢܚܙܝܟ9ܘܟܕ ܪܗ̣ܛܬ ܚܢܢܐ̣. ܢܦ̣ܠܬ ܥܠ ܨܘܪܐ ܕܒܪܐ ܕܝܠܗ̣̇. ܘܐܡ̣ܪܬ ܠܗ. ܕܚܙܝܬܟ ܒܪܝ̣. ܡܢ ܗܫܐ ܐܡܘܬ. ܘܒܟܘ ܬܪܝܗܘܢ10ܘܛܘܒܝܛ ܐ̇ܬܐ ܗ̣ܘܐ ܘܡ̇ܬܬܩ̇ܠ. ܒܪܗ ܕܝܢ ܪܗܛ ܠܘܬܗ11ܘܐܚܕܗ ܠܐܒܐ ܕܝܠܗ̣. ܘܒܕܪܗ ܠܡܪܪܬܐ ܒܥ̈ܝܢܐ ܕܐܒܐ ܕܝܠܗ ܟܕ ܐܡ̇ܪ. ܐܬܠܒܒ ܐܒܝ12ܟܕ ܕܝܢ ܐܬܢ̈ܟܬܝܢ̣. ܫܦ ܗ̣ܘܐ ܠܥ̈ܝܢܐ ܕܝܠܗ̣13ܘܐܬܩܠܦܘ ܡܢ ܬܠܝ̈ܦܐ ܕܥܝ̈ܢܘܗܝ ܗܠܝܢ ܚܘܪ̈ܘܪܐ. ܘܟܕ ܚ̣ܙܐ ܠܒܪܐ ܕܝܠܗ̣. ܢܦܠ ܥܠ ܨܘܪܗ̣14ܘܒܟ̣ܐ ܘܐܡ̣ܪ. ܡܒܪܟܐ ܐܝܬܝܟ ܐܠܗܐ̣. ܘܡܒܪܟܐ ܗ̣ܘ ܫܡܐ ܕܝܠܟ ܠܥܠܡܝܢ. ܘܡܒܪܟܐ ܟܠܗܘܢ ܡܠܐ̈ܟܐ ܩܕ̈ܝܫܐ ܕܝܠܟ15ܡܛܠ ܕܢܓܕܬܢܝ ܘܪܚܡܬ ܥܠܝ. ܗܐ ܚܙܐ ܐܢܐ ܠܛܘܒܝܐ ܒܪܐ ܕܝܠܝ. ܘܥܠ ܒܪܐ ܕܝܠܗ ܟܕ ܚ̇ܕܐ̣. ܘܐܘܕܥ ܠܐܒܘܗܝ ܪܘܪ̈ܒܬܐ̇. ܗܢܝܢ ܕܗ̈ܘܝ ܠܗ ܒܡܕܝ̣16ܘܢܦܩ̣ ܛܘܒܝܛ ܠܐܘܪܥܐ ܕܟܠܬܐ ܕܝܠܗ ܟܕ ܚ̇ܕܐ ܘܡܒܪܟ ܠܐܠܗܐ. ܠܘܬ ܬܪܥܐ ܕܢܝܢܘܐ. ܘܬܡܗܘ ܗ̇ܢܘܢ ܕܚܙܝܢ ܗܘܘ ܠܗ ܕܐ̇ܙܠ. ܡܛܘܠ ܕܚ̣ܙܐ̣17ܘܛܘܒܝܐ ܡܘܕܐ ܗ̣ܘܐ ܩܕܡܘܗܝ ܕܐܬܪܚܡ ܥܠܝܗܘܢ ܐܠܗܐ.. ܘܟܕ ܩ̣ܪܒ ܛܘܒܝܛ ܠܣܪܐ ܟܠܬܐ ܕܝܠܗ̣. ܒܪܟܗ̇ ܟܕ ܐܡ̇ܪ̣. ܐܬ̣ܝܬܝ ܟܕ ܚܠܝܡܐ ܒܪܬܝ̈. ܡܒܪܟܐ ܗ̣ܘ ܐܠܗܐ ܗ̇ܘ ܕܐܝܬܝܟܝ ܠܘܬܢ̣. ܘܐܒܐ ܕܝܠܟܝ. ܘܗܘܬ ܚܕܘܬܐ ܠܟܠܗܘܢ ܗ̇ܢܘܢ ܕܒܢܝܢܘܐ ܐܚ̈ܐ ܕܝܠܗܘܢ18ܘܐܬܐ ܐܚܝܚܘܪ ܘܢܒܘܣ ܗ̇ܘ ܕܡܢ ܐܚ̈ܐ ܕܝܠܗ̣19ܘܗܘܬ ܡܫܬܘܬܐ ܠܛܘܒܝܐ ܥܡ ܚܕܘܬܐ ܫܒܥܐ ܝܘܡ̈ܬܐ