Tobia ܛܘܒܝܛ 7

1 2 3 4 5 6 7 8 9 10 11 12 13 14
Versetti esaminati

1ܘܟܕ ܐܬܘ ܠܐܩܒܐܛܢܘܣ ܘܐܬܘ ܠܒܝܬܗ ܕܪܥܘܐܝܠ. ܘܣܪܐ ܒܗ ܦܓ̣ܥܬ. ܘܚܕܝܬܗ ܘܗ̣ܘ ܠܗ̇. ܘܐܥܠܬ ܐܢܘܢ ܠܒܝܬܐ2ܘܐܡܪ ܪܥܘܐܝܠ ܠܐܕܢܐ ܐܢܬܬܐ ܕܝܠܗ. ܟܡܐ ܕܡ̇ܐ ܝܢܣܩܐ ܗܢܐ̇. ܠܛܘܒܝܛ ܗ̇ܘ ܐܚܝܢܐ ܕܝܠܝ3ܘܫܐܠ ܐܢܘܢ ܪܥܘܐܝܠ̣. ܡܢ ܐܝܟܐ ܐܝܬܝܟܘܢ ܐܚ̈ܝܢ. ܘܐܡܪ ܠܗ. ܡܢ ܒܢ̈ܝܐ ܕܢܦܬܠܝ ܗ̇ܢܘܢ ܫܒ̈ܝܐ ܕܡܢ ܢܝܢܘܐ̣4ܘܐܡܪ ܠܗܘܢ. ܝܕܥܝܢ ܐܢܬܘܢ ܠܛܘܒܝܛ ܗ̇ܘ ܐܚܐ ܕܝܠܢ5ܗܢܘܢ ܕܝܢ ܐܡܪܘ ܝܕܥܝܢܢ. ܘܐܡܪ ܠܗܘܢ. ܚܠܝܡ̣. ܘܐܡܪ ܛܘܒܝܐ̣. ܐܒܐ ܕܝܠܝ ܐܝܬܘܗܝ6ܘܫܘܪ ܪܥܘܐܝܠ ܘܢܫܩܗ7ܘܒܪܟܗ ܘܐܡܪ ܠܗ. ܐܘ ܕܒܪܢܫܐ ܝܐܝܐ ܘܛܒܐ.. ܘܟܕ ܫܡܥ ܕܛܘܒܝܛ ܐܘܒܕ ܠܥܝܢܘ̈ܗܝ̣. ܐܬܬܥܝܩ ܘܒܟ̣ܐ8ܘܐܕܢܐ ܐܢܬܬܗ. ܘܣܪܐ ܒܪܬܐ ܕܝܠܗܘܢ ܒܟ̣ܬ. ܘܩܒܠ ܐܢܘܢ ܚܘܝܚܐܝܬ̣9ܘܕܒܚ̣ ܕܟܪܐ ܕܥܪ̈ܒܐ̣. ܘܣܡܘ ܛܥܘ̈ܡܐ ܝܬܝ̈ܪܐ. ܐܡܪ ܕܝܢ ܛܘܒܝܐ ܠܪܦܐܝܠ. ܥܙܪܝܐ ܐܚܝ̣. ܡܠܠ ܡܛܠ ܗܠܝܢ ܕܐܡ̇ܪ ܗܘܝܬ ܒܡܪܕܝܬܐ. ܘܢܫܬܡܠܐ ܣܘܥܪܢܐ10ܘܐܘܫܛ ܡܠܬܐ ܠܪܥܘܐܝܠ.. ܘܐܡܪ ܪܥܘܐܝܠ ܠܘܬ ܛܘܒܝܐ. ܐܟܘܠ ܘܐܫܬܝ ܘܗܢܝܐܝܬ ܗܘܝ. ܠܟ ܓܝܪ ܙܕܩܐ ܒܪܬܐ ܕܝܠܝ ܠܡ̇ܣܒ. ܒܪܡ̣. ܐܚܘܐ ܠܟ ܫܪܪܐ11ܝܗ̇ܒܬ ܒܪܬܐ ܕܝܠܝ ܠܫܒܥܐ ܓܒܪ̈ܐ. ܘܐܡܬܝ ܕܥܐܠܝܢ ܗܘܘ ܠܘܬܗ̣̇. ܡܝ̈ܬܝܢ ܗܘܘ ܒܗ ܒܠܠܝܐ ܐܠܐ ܟܕ ܗܫܐ ܐܝܬ ܠܟ ܗܢܝܐܝܬ ܗ̣ܘܝ.. ܘܐܡܪ ܛܘܒܝܐ. ܠܐ ܛܥܡ ܐܢܐ ܘܠܐ ܡܕܡ ܗܪܟܐ̇. ܥܕܡܐ ܕܡܩܝܡܝ̈ܢ ܐܢܬܘܢ ܘܬܩܘܡ ܠܘܬܝ.. ܘܐܡܪ ܪܥܘܐܝܠ. ܣܒܝܗ̇ ܠܟ ܡܢ ܗܫܐ ܐܝܟ ܕܝ̣ܢܐ. ܐܢܬ ܕܝܢ ܐܚܐ ܐܝܬܝܟ ܕܝܠܗ̇. ܘܗ̣ܝ ܠܟ ܐܝܬܝܗ̇. ܐܠܗܐ ܕܝܢ ܗ̇ܘ ܡܪܚܡܢܐ̣. ܢܨܠܚ ܠܟܘܢ ܫܦܝܪ̈ܬܐ12ܘܩ̣ܪܐ ܠܣܪܐ ܒܪܬܐ ܕܝܠܗ̣. ܘܟܕ ܐܚܕܗ̇ ܒܐܝܕܗ̇ ܐܫܠܡܗ̇ ܠܛܘܒܝܐ ܐܢܬܬܐ̣ ܘܐܡ̣ܪ. ܗܐ ܐܝܟ ܢܡܘܣܐ ܕܡܘܫܐ ܣܒܝܗ̇. ܘܐܘܒܠܝܗ̇ ܠܘܬ ܐܒܐ ܕܝܠܟ. ܘܒ̇ܪܟ ܐܢܘܢ13ܘܩ̣̇ܪܐ ܠܐܕܢܐ ܐܢܬܬܐ ܕܝܠܗ̣. ܘܟܕ ܢܣܒ ܟܬܒܐ̣. ܟܬܒܘ ܡܟܬܒܢܘܬܐ ܘܚ̇ܬܡܘ̣. ܘܝܗ̣ܒ ܠܗ̇ ܠܗ ܐܢܬܬܐ ܐܝܟ ܕܝ̣ܢܐ ܕܥܠܡܐ14ܡܢ ܗܝܕܝܢ ܫܪܝ ܠܡܐܟܠ15ܘܩ̣ܪܐ ܪܥܘܐܝܠ ܠܐܕܢܐ ܐܢܬܬܐ ܕܝܠܗ ܘܐܡܪ ܠܗ̇. ܚܬܝ̣. ܛܝ̇ܒܝ ܐܚܪܢܐ ܬܘܢܐ ܘܐܥܠܝܗ̇16ܘܥܒ̣ܕܬ ܐܝܟ ܕܐܡ̣ܪ ܘܐܥܠܬܗ̇ ܠܬܡܢ. ܘܒܟ̣ܬ.. ܘܩܒ̣ܠܬ ܕܡ̈ܥܐ ܕܝܠܗ̣̇ ܘܐܡܪܬ ܠܗ̇17ܐܬܠܒܒܝ ܒܪܬܝ.. ܡܪܝܐ ܕܫܡܝܐ ܘܕܐܪܥܐ̣. ܢܬܠ ܠܟܝ ܛܝܒܘܬܐ ܚܠܦ ܥܩܬܐ ܕܝܠܟܝ ܗܕܐ. ܐܬܠܒܒܝ ܒܪܬܝ