Tobia ܛܘܒܝܛ 6
Compare with another Bible
Change Bible
1ܘܫܠܝܬ ܡܢ ܕܒܟܝܐ2ܗ̣ܢܘܢ ܕܝܢ ܟܕ ܐܙܠܝܢ ܗܘܘ ܒܐܘܪܚܐ̣. ܐܬܘ ܒܪܡܫܐ ܥܠ ܕܩܠܬ ܢܗܪܐ̣. ܘܒܝܬܝܢ ܗܘܘ ܬܡܢ3ܛܠܝܐ ܕܝܢ ܢܚ̣ܬ ܠܡܫܓܘ. ܘܫܘܪ ܢܘܢܐ ܡܢ ܢܗܪܐ̣. ܘܒܥܐ ܠܡܒܠܥܗ ܠܛܠܝܐ4ܡܠܐܟܐ ܕܝܢ ܐܡܪ ܠܗ. ܐܚܘܕܝܗܝ ܠܢܘܢܐ. ܘܐܚܕܗ ܠܢܘܢܐ ܗ̣ܘ ܛܠܝܐ̣. ܘܫܩܠܗ ܥܠ ܐܪܥܐ5ܘܐܡܪ ܠܗ ܡܠܐܟܐ. ܨܪܝܘܗܝ ܠܢܘܢܐ̣. ܘܟܕ ܢ̇ܣܒ ܐܢܬ ܠܠܒܐ ܘܠܟܒܕܐ ܘܠܡܪܪܬܐ ܣܝܡ ܙܗܝܪܐܝܬ6ܘܥܒܕ ܛܠܝܐ ܐܝܟ ܕܐܡܪ ܠܗ ܡܠܐܟܐ. ܠܢܘܢܐ ܕܝܢ ܟܕ ܛܘܝܘ̣. ܐܟܠܘ. ܘܚܙܩܝܢ ܗܘܘ ܬܪܝܗܘܢ̣. ܥܕܡܐ ܕܩܪܒܘ ܠܐܩܒܐܛܢܣ7ܘܐܡܪ ܛܠܝܐ ܠܡܠܐܟܐ. ܥܙܪܝܐ ܐܚܝ̣. ܡܢܐ ܐܝܬܝܗ̇ ܟܒܕܐ ܘܠܒܐ ܘܡܪܪܬܐ ܕܢܘܢܐ8ܘܐܡܪ ܠܗ. ܠܒܐ ܘܟܒܕܐ ܐܢ ܐܢܫ ܡܬܬܠܙ ܡܢ ܫܐܕܐ ܐܘ ܪܘܚܐ ܒܝܫܐ̣. ܗܠܝܢ ܐܬܬܢ ܩܕܡ ܒܪܢܫܐ ܐܘ ܐܢܬܬܐ̣. ܘܠܐ ܬܘܒ ܡܬܬܠܙ9ܡܪܪܬܐ ܕܝܢ ܛܘܫ ܠܒܪܢܫܐ ܗ̇ܘ ܕܐܝܬ ܠܗ ܚܘܪ̈ܘܪܐ ܒܥ̈ܝܢܘܗܝ ܘܡܬܐܣܐ10ܟܕ ܕܝܢ ܐܬܩܪܒܘ ܠܪܐܓܝܐ̣11ܐܡܪ ܡܠܐܟܐ ܠܛܠܝܐ. ܐܚܝ̣. ܝܘܡܢܐ ܒܝܬܝܢܢ ܠܘܬ ܪܥܘܐܝܠ. ܘܗ̣ܘ ܫܘܐ ܒܓܢܣܐ ܕܝܠܟ ܐܝܬܘܗܝ. ܘܐܝܬ ܠܗ ܒܪܬܐ ܠܚܘܕܝܗ̇. ܕܫܡܗ̇ ܣܪܐ12ܡܛܠ ܕܠܟ ܡܛܝܐ ܝܪܬܘܬܐ ܕܝܠܗ̇. ܘܐܢܬ ܒܠܚܘܕܝܟ ܐܝܬܝܟ ܡܢ ܓܢܣܗ̇. ܘܛܠܝܬܐ ܫܦܝܪܬܐ ܘܥܪܝܡܬܐ ܐܝܬܝܗ̇13ܘܗܫܐ ܫܡܥܝܢܝ ܘܐܡܠܠ ܠܐܒܐ ܕܝܠܗ̇. ܘܡܐ ܕܗܦܟܢܢ ܡܢ ܪ̈ܐܓܝܐ̣. ܢܥܒܕ ܡܫܬܘܬܐ. ܡܛܠ ܕܝܕܥܢܐ ܠܪܥܘܐܝܠ̣. ܕܠܐ ܝܗ̇ܒ ܠܗ̇ ܠܒܪܢܫܐ ܐܟܣܢܝܐ ܐܝܟ ܢܡܘܣܐ ܕܡܘܫܐ̇. ܐܘ ܚܐܒ ܡܘܬܐ. ܡܛܠ ܕܐܝܟ ܝܪܬܘܬܐ ܠܟ ܙܕܩܐ ܠܡܣܒ. ܐܘ ܠܟܠܒܪܢܫܐ14ܗܝܕܝܢ ܐܡܪ ܛܠܝܐ ܠܡܠܐܟܐ . ܥܙܪܝܐ ܐܚܝ̣. ܫܡܥܬ ܐܢܐ̣. ܕܛܠܝܬܐ ܐܬܝܗܒܬ ܠܫܒܥܐ ܓܒܪ̈ܐ̣. ܘܟܠܗܘܢ ܟܕ ܥܒܕܘ ܫܠܡܘܬܐ ܥܡܗ̇ ܐܒܕܘ15ܘܗܫܐ̣. ܐܢܐ ܠܚܘܕܝ ܐܝܬܝ ܠܐܒܐ ܕܝܠܝ̣. ܘܕܚܠ ܐܢܐ ܕܠܐ ܟܕ ܐܥܘܠ ܐܡܘܬ ܐܝܟܢܐ ܕܐܦ ܗ̇ܢܘܢ ܩܕ̈ܡܝܐ̣. ܡܛܠ ܕܫܐܕܐ ܪܚܡ ܠܗ̇. ܗ̇ܘ ܕܠܐ ܡܟܐ ܘܠܐ ܠܐܢܫ ܣܛܪ ܡܢ ܗ̇ܢܘܢ ܕܩܪܒܝܢ ܠܘܬܗ̇. ܘܗܫܐ ܐܢܐ ܕܚܠ ܐܢܐ ܕܠܐ ܐܡܘܬ ܘܐܚܬ ܠܚ̈ܝܐ ܕܐܒܝ ܘܕܐܡܐ ܕܝܠܝ̇. ܥܡ ܟܐܒܐ ܥܠܝ ܠܩܒܪܐ ܕܝܠܗܘܢ̣̇ ܘܒܪܐ ܐܚܪܢܐ ܠܐ ܐܝܬ ܠܗܘܢ ܗ̇ܘ ܕܢܩܒܘܪ ܐܢܘܢ16ܐܡܪ ܕܝܢ ܠܗ ܗ̣ܘ ܡܠܐܟܐ. ܠܐ ܥܗܝܕ ܐܢܬ ܠܡ̈ܠܐ ܗ̈ܢܝܢ ܕܦܩܕܟ ܐܒܐ ܕܝܠܟ ܚܠܦ ܗ̇ܝ ܕܬܣܒ ܠܟ ܐܢܬܬܐ ܡܢ ܓܢܣܐ ܕܝܠܟ̣. ܘܗܫܐ ܫܡܥܝܢܝ ܐܚܝ̇ ܡܛܠ ܗ̇ܝ ܕܠܟ ܬܗܘܐ ܠܐܢܬܬܐ̣. ܘܕܗ̇ܘ ܫܐܕܐ ܘܠܐ ܚܕܐ ܡܠܬܐ ܬܗܘܐ ܠܟ. ܡܛܠ ܕܒܠܠܝܐ ܗܢܐ ܬܬܝܗܒ ܠܟ ܗ̣ܝ ܠܐܢܬܬܐ17ܘܐܢ ܬܥܘܠ ܠܒܝܬ ܓܢܘܢܐ ܬܣܒ ܩܛܡܐ ܕܒܣ̈ܡܐ̣. ܘܬܣܝܡ ܥܠܘܗܝ ܡܢ ܠܒܗ ܘܟܒܕܗ ܕܗ̇ܘ ܢܘܢܐ̣. ܘܬܬܢ18ܘܢܪܝܚ ܗ̇ܘ ܫܐܕܐ̣. ܘܢܥܪܘܩ ܘܠܐ ܢܦܢܐ ܠܥܠܡ ܕܥ̈ܠܡܐ. ܡܐ ܕܝܢ ܕܩܪܒ ܐܢܬ ܠܘܬܗ̣̇. ܩܘܡܘ ܬܪܝܟܘܢ ܘܓܥܘ ܠܘܬ ܐܠܗܐ ܡܪܚܡܢܐ̣. ܘܢܫܘܙܒܟܘܢ ܘܢܪܚܡ ܥܠܝܟܘܢ. ܠܐ ܗܟܝܠ ܬܕܚܠ̣. ܡܛܠ ܕܗܝ ܠܟ ܡܛܝܒܬܐ ܐܝܬܝܗ ܗܘܬ ܡܢ ܥܠܡ. ܘܡܣܒܪ ܐܢܐ ܕܠܟ ܡܢܗ̇ ܢܗܘܘܢ ܒ̈ܢܝܐ.. ܘܟܕ ܫܡܥ ܛܘܒܝܐ ܗܠܝܢ̣. ܪܚܡܗ̇. ܘܢܦܫܐ ܕܝܠܗ ܕܒܝܩܐ ܗܘܬ ܠܗ̇ ܣܓܝ
1234567891011121314
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
