Tobia ܛܘܒܝܛ 10

1 2 3 4 5 6 7 8 9 10 11 12 13 14
Versetti esaminati

1ܘܛܘܒܝܛ ܗ̇ܘ ܐܒܐ ܕܝܠܗ̣. ܡܚܫܒ ܗ̣ܘܐ ܟܠ ܝܘܡܐ.. ܘܟܕ ܐܬܡܠܝܘ ܝܘܡ̈ܬܐ ܕܡܪܕܝܬܐ ܘܠܐ ܐܬ̇ܐ ܗܘܐ2ܐܡ̣ܪ̣. ܕܠܡܐ ܡܝܬ ܓܒܐܝܠ ܘܠܐ ܐܢܫ ܝܗ̇ܒ ܠܗ ܗ̇ܘ ܟܣܦܐ3ܘܡܬܬܥܝܩ ܗܘܐ ܣܓܝ4ܐܡܪܐ ܠܗ ܕܝܢ ܐܢܬܬܗ. ܐܒ̇ܕ ܗ̇ܘ ܛܠܝܐ ܡܛܠ ܕܡܫܬܘܚܪ . ܘܫܪܝܬ ܐ̇ܠܝܐ ܠܗ ܘܐܡܪܐ5ܐܘ ܐ ܕ . ܡܛܠ ܕܫܒܩܬܟ ܢܘܗ̇ܪܐ ܕܥ̈ܝܢܐ ܕܝܠܢ6ܘܛܘܒܝܛ ܐܡ̇ܪ ܠܗ̇. ܫܬܘܩܝ. ܠܐ ܬܗܘܐ ܠܟܝ ܡܠܬܐ. ܚܠܝܡ ܗ̣ܘ7ܘܐܡܪܬ ܠܗ. ܫܬܘܩ. ܠܐ ܬܛܥܝܢܝ. ܐܒܝܕ ܒܪܐ ܕܝܠܝ ܘܐܙܠܐ ܗܘܬ ܟܠ ܝܘܡܐ ܠܐܘܪܚܐ ܠܒ̇ܪ. ܒܗ̇ܝ ܕܐ̣ܙܠ. ܘܒܐܝܡܡܐ ܠܚܡܐ ܠܐ ܐܟܠܐ ܗܘܬ. ܒܠܝܠܘ̈ܬܐ ܕܝܢ ܠܐ ܫܠܝܐ ܗܘܬ ܕܐ̇ܠܝܐ ܠܛܘܒܝܐ ܒܪܐ ܕܝܠܗ̇. ܥܕܡܐ ܕܐܫ̇ܬܠܡܘ ܐܪܒܬܥܣܪ ܝܘܡ̈ܬܐ ܕܡܫܬܘܬܐ. ܗܠܝܢ ܕܝܡܐ ܗܘܬ ܪܥܘܐܝܠ ܕܢܥܒ̣ܕ ܬܡܢ. ܐܡܪ ܕܝܢ ܛܘܒܝܐ ܠܪܥܘܐܝܠ. ܫܕܪܝܢܝ̣. ܡܛܠ ܕܐܒܝ ܘܐܡܐ ܕܝܠܝ̣. ܠܐ ܬܘܒ ܡܣ̇ܒܪܝܢ ܠܡܚܙܝܢܝ8ܐܡ̣ܪ ܕܝܢ ܠܗ ܚܡܘܗܝ. ܩܘܐ ܠܘܬܝ̣. ܘܐܢܐ ܐܫܕܪ ܠܘܬ ܐܒܐ ܕܝܠܟ̣. ܘܢܘܕܥܘܢ ܠܗ ܗܠܝܢ ܕܡܛܠܬܟ9ܘܛܘܒܝܐ ܐܡ̣ܪ ܠܐ. ܐܠܐ ܫܕܪܝܢܝ ܠܘܬ ܐܒܐ ܕܝܠܝ10ܟܕ ܩܡ ܕܝܢ ܪܥܘܐܝܠ ܝܗܒ ܠܗ ܠܣܪܐ ܒܪܬܐ ܕܝܠܗ̣. ܘܦܠܓܐ ܕܗܠܝܢ ܕܐܝܬ ܗܘܐ ܠܗ. ܦܓܪ̈ܐ ܘܒܥܝܪ̈ܐ ܘܟܣܦܐ11ܘܟܕ ܒܪܟ ܐܢܘܢ ܫܕܪ ܐܢܘܢ ܟܕ ܐܡ̇ܪ. ܢܨܠܚ ܠܟܘܢ ܒܢ̈ܝ ܡܪܝܐ ܕܫܡܝܐ̣ ܩܕܡ ܕܐܡܘܬ12ܘܐܡܪ ܠܒܪܬܐ ܕܝܠܗ. ܝܩܪ ܠܚܡ̈ܗܐ ܕܝܠܟܝ. ܗ̣ܢܘܢ ܗܫܐ̇. ܐܒ̈ܗܐ ܕܝܠܟܝ ܐܝܬܝܗܘܢ. ܐܫܡܥ ܠܟܝ ܫܡܥܐ ܛ̇ܒܐ. ܘܢܫܩܗ̇. ܘܐܕܢܐ ܐܡܪܬ ܠܘܬ ܛܘܒܝܐ. ܐܚܝ ܚܒܝܒܐ̣. ܢܘܒܠܟ ܡܪܝܐ ܕܫܡܝܐ̣. ܘܢܬܠ ܠܝ ܠܡܚܙܐ ܠܟ ܒܢ̈ܝܐ ܡܢ ܣܪܐ ܒܪܬܐ ܕܝܠܝ̣. ܐܝܟܢܐ ܕܐܚܕܐ ܩܕܡ ܡܪܝܐ. ܘܗܐ ܡܓܥܠܐ ܐܢܐ ܠܟ ܒܪܬܐ ܕܝܠܝ̣. ܒܓܘܥܠܢܐ. ܠܐ ܬܥܝܩ ܠܗ̇