2 Samuele ܫܡܘܐܝܠ 12

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

¹ܘܫܕܪ ܡܪܝܐ ܠܢܬܢ ܢܒܝܐ ܠܘܬ ܕܘܝܕ ܘܐܬܐ ܠܘܬܗ ܘܐܡܪ ܠܗ ܬܪ̈ܝܢ ܐܢܫ̈ܝܢ ܐܝܬ ܗܘܘ ܒܩܪܝܬܐ ܚܕܐ ܚܕ ܥܬܝܪ ܘܚܕ ܡܣܟܝܢ²ܠܥܬܝܪܐ ܐܝܬ ܗܘܐ ܠܗ ܥܢܐ ܘܬܘܪ̈ܐ ܣܘܓܐܐ ܕܛܒ³ܘܠܡܣܟܢܐ ܠܝܬ ܗܘܐ ܠܗ ܡܕܡ ܐܠܐ ܐܢ ܦܪܬܐ ܚܕܐ ܙܥܘܪܬܐ ܕܩܢܐ ܗܘܐ ܘܚܝܐ ܗܘܬ ܥܡܗ ܘܥܡ ܒܢ̈ܘܗܝ ܐܟܚܕܐ ܡܢ ܠܚܡܗ ܐܟܠܐ ܗܘܬ ܘܡܢ ܟܣܗ ܫܬܝܐ ܗܘܬ ܘܒܥܘܒܗ ܕܡܟܐ ܗܘܬ ܘܐܝܟ ܒܪܬܐ ܥܒܝܕܐ ܗܘܬ ܠܗ⁴ܐܬܐ ܐܪܚܐ ܠܓܒܪܐ ܥܬܝܪܐ ܘܚܣ ܕܢܣܒ ܡܢ ܬܘܪ̈ܘܗܝ ܘܡܢ ܥܢܗ ܘܢܥܒܕ ܠܐܪܚܐ ܕܐܬܐ ܠܗ ܘܢܣܒ ܦܪܬܗ ܕܗ̇ܘ ܡܣܟܢܐ ܘܥܒܕ ܠܐܪܚܐ ܕܐܬܐ ܠܗ⁵ܗܝܕܝܢ ܐܬܚܡܬ ܕܘܝܕ ܥܠܘܗܝ ܥܠ ܓܒܪܐ ܘܐܡܪ ܚܝ ܗܘ ܡܪܝܐ ܕܚܝܒ ܡܘܬܐ ܗܘ ܓܒܪܐ ܕܥܒܕ ܗܕܐ⁶ܦܪܬܐ ܢܦܪܥܝܗ ܚܕܐ ܒܐܪ̈ܒܥ ܥܠ ܕܥܒܕ ܗܟܢܐ ܘܠܐ ܚܣ⁷ܐܡܪ ܠܗ ܢܬܢ ܠܕܘܝܕ ܐܢܬ ܗܘ ܓܒܪܐ ܗܟܢܐ ܐܡܪ ܡܪܝܐ ܐܠܗܐ ܕܐܝܣܪܝܠ ܐܢܐ ܡܫܚܬܟ ܕܬܡܠܟ ܥܠ ܥܡܝ ܐܝܣܪܝܠ ܘܐܢܐ ܦܨܝܬܟ ܡܢ ܐ̈ܝܕܘܗܝ ܕܫܐܘܠ⁸ܘܝܗܒܬ ܠܟ ܒܢ̈ܬ ܡܪܟ ܘܢܫ̈ܘܗܝ ܕܡܪܟ ܐܕܡܟܬ ܒܥܘܒܟ ܘܝܗܒܬ ܠܟ ܒܢ̈ܬ ܐܝܣܪܝܠ ܘܝܗܘܕܐ ܘܐܢ ܙܥܘܪ̈ܝܢ ܗ̈ܘܝ ܐܡܪܬ ܕܝܢ ܘܐܘܣܦܬ ܠܟ ܐܟܘܬܗܝܢ ܘܐܟܘܬܗܝܢ⁹ܠܡܢܐ ܫܛܬ ܦܘܩܕܢܗ ܕܡܪܝܐ ܘܥܒܕܬ ܕܒܝܫ ܩܕܡ ܡܪܝܐ ܠܐܘܪܝܐ ܚܬܝܐ ܩܛܠܬ ܒܚܪܒܐ ܘܐܢܬܬܗ ܢܣܒܬ ܠܟ ܐܢܬܬܐ ܘܠܗ ܩܛܠܬ ܒܚܪܒܐ ܕܒܢ̈ܝ ܥܡܘܢ¹⁰ܡܟܝܠ ܠܐ ܬܥܢܕ ܚܪܒܐ ܡܢ ܒܝܬܟ ܥܕܡܐ ܠܥܠܡ ܥܠ ܕܫܛܬܢܝ ܘܢܣܒܬ ܐܢܬܬܗ ܕܐܘܪܝܐ ܚܬܝܐ ܕܬܗܘܐ ܠܟ ܐܢܬܬܐ¹¹ܗܟܢܐ ܐܡܪ ܡܪܝܐ ܗܐ ܡܩܝܡ ܐܢܐ ܥܠܝܟ ܒܝܫܬܐ ܡܢ ܒܝܬܟ ܘܐܕܒܪ ܢܫ̈ܝܟ ܠܥܢܝ̈ܟ ܘܐܬܠ ܠܚܒܪܟ ܘܢܕܡܟ ܥܡܗܝܢ ܠܥܝܢ ܫܡܫܐ ܗܢܐ¹²ܐܢܬ ܥܒܕܬ ܡܛܫܝܐܝܬ ܘܐܢܐ ܐܥܒܕܝܗ̇ ܠܗܕܐ ܠܥܝܢ ܟܘܠܗ ܐܝܣܪܐܝܠ ܘܠܘܩܒܠ ܫܡܫܐ¹³ܘܐܡܪ ܕܘܝܕ ܠܢܬܢ ܚܛܝܬ ܩܕܡ ܡܪܝܐ ܐܡܪ ܠܗ ܢܬܢ ܠܕܘܝܕ ܐܦ ܡܪܝܐ ܐܥܒܪ ܣܟܠܘܬܟ ܠܐ ܬܡܘܬ¹⁴ܒܪܡ ܕܝܢ ܥܠ ܕܪܘܪܒܬ ܠܒ̈ܥܠܕܒܒܘܗܝ ܕܡܪܝܐ ܒܥܒܝܕܬܐ ܗܕܐ ܐܦ ܒܪܐ ܕܡܬܝܠܕ ܠܟ ܡܢܗ̇ ܡܡܬ ܢܡܘܬ¹⁵ܘܐܙܠ ܢܬܢ ܠܒܝܬܗ ܘܡܚܝܗܝ ܡܪܝܐ ܠܛܠܝܐ ܕܝܠܕܬ ܐܢܬܬܗ ܕܐܘܪܝܐ ܚܬܝܐ ܠܕܘܝܕ ܘܚܣܢ¹⁶ܘܒܥܐ ܕܘܝܕ ܡܢ ܐܠܗܐ ܥܠ ܐ̈ܦܝ ܛܠܝܐ ܘܨܡ ܕܘܝܕ ܨܘܡܐ ܘܒܬ ܒܗ ܘܕܡܟ ܥܠ ܐܪܥܐ¹⁷ܘܩܡܘ ܣܒ̈ܐ ܕܒܝܬܗ ܕܢܩܝܡܘܢܝܗܝ ܡܢ ܐܪܥܐ ܘܠܐ ܨܒܐ ܘܠܐ ܠܥܣ ܥܡܗܘܢ ܠܚܡܐ¹⁸ܘܠܝܘܡܐ ܕܫܒܥܐ ܡܝܬ ܠܗ ܛܠܝܐ ܘܕܚܠܘ ܥܒ̈ܕܘܗܝ ܕܕܘܝܕ ܕܢܚܘܘܢܝܗܝ ܕܡܝܬ ܠܗ ܛܠܝܐ ܡܛܠ ܕܐܡܪܝܢ ܟܕ ܚܝ ܗܘܐ ܛܠܝܐ ܐܡܪܝܢ ܗܘܝܢ ܠܗ ܘܠܐ ܫܡܥ ܗܘܐ ܠܢ ܐܝܟܢܐ ܢܐܡܪ ܠܗ ܗܫܐ ܕܡܝܬ ܠܗ ܛܠܝܐ ܥܒܕ ܒܝܫܬܐ¹⁹ܘܟܕ ܚܙܐ ܕܘܝܕ ܠܥܒ̈ܕܘܗܝ ܕܡܠܚܫܝܢ ܐܬܒܝܢ ܕܘܝܕ ܕܡܝܬ ܠܗ ܛܠܝܐ ܘܐܡܪ ܕܘܝܕ ܠܥܒ̈ܕܘܗܝ ܡܝܬ ܠܗ ܛܠܝܐ ܐܡܪܝܢ ܠܗ ܡܝܬ ܠܗ²⁰ܘܩܡ ܕܘܝܕ ܡܢ ܐܪܥܐ ܘܐܫܝܓ ܘܡܫܚ ܘܚܠܦ ܡܐ̈ܢܘܗܝ ܘܥܠ ܠܒܝܬܗ ܕܡܪܝܐ ܘܣܓܕ ܘܐܬܐ ܠܒܝܬܗ ܘܫܐܠ ܠܚܡܐ ܘܣܡܘ ܠܗ ܘܠܥܣ²¹ܐܡܪ̈ܝܢ ܠܗ ܥܒ̈ܕܘܗܝ ܗܢܐ ܡܢܐ ܥܒܕܬ ܟܕ ܚܝ ܗܘܐ ܛܠܝܐ ܨܐܡ ܗܘܝܬ ܘܒܥܐ ܘܟܕ ܡܝܬ ܩܡܬ ܠܥܣܬ ܠܚܡܐ²²ܐܡܪ ܠܗܘܢ ܕܘܝܕ ܟܕ ܛܠܝܐ ܚܝ ܨܐܡ ܗܘܝܬ ܘܒܥܐ ܡܛܠ ܕܐܡܪ ܗܘܝܬ ܡܢܘ ܝܕܥ̇ ܐܢ ܡܪܚܡ ܥܠܘܗܝ ܐܠܗܐ ܘܚܝ̇ܐ ܛܠܝܐ²³ܡܟܝܠ ܕܡܝܬ ܠܗ ܠܡܢܐ ܨܐܡ ܐܢܐ ܠܡܐ ܡܫܟܚܐ ܕܬܘܒ ܢܗܦܘܟ ܐܢܐ ܐܙܠ ܐܢܐ ܠܘܬܗ ܘܗܘ ܠܐ ܡܫܟܚ ܕܢܐܬܐ ܠܘܬܝ²⁴ܘܒܝܐ ܕܘܝܕ ܠܒܪܬ ܫܒܥ ܐܢܬܬܗ ܘܥܠ ܠܘܬܗ̇ ܘܕܡܟ ܥܡܗ̇ ܘܝܠܕܬ ܒܪܐ ܘܩܪܬ ܫܡܗ ܫܠܝܡܘܢ ܘܡܪܝܐ ܪܚܡܗ ܠܛܠܝܐ²⁵ܘܫܕܪ ܠܢܬܢ ܢܒܝܐ ܘܩܪܐ ܫܡܗ ܝܕܝܕܐ ܡܛܠ ܕܡܪܝܐ ܝܕܕܗ²⁶ܘܐܬܟܬܫ ܝܘܐܒ ܒܪܒܬ ܕܒܢ̈ܝ ܥܡܘܢ ܘܐܚܕ ܩܪܝܬܐ ܕܡܠܟܘܬܐ²⁷ܘܫܕܪ ܝܘܐܒ ܐܝ̈ܙܓܕܐ ܠܘܬ ܕܘܝܕ ܘܐܡܪ ܐܬܟܬܫܬ ܒܪܒܬ ܘܐܦ ܐܚܕܬ ܩܪܝܬܐ ܕܡܠܟܘܬܐ²⁸ܗܫܐ ܟܢܫ ܠܫܪܟܐ ܕܥܡܐ ܘܬܐ ܫܪܝ ܥܠ ܩܪܝܬܐ ܘܐܚܘܕܝܗ̇ ܕܠܡܐ ܐܚܕܝܗ̇ ܐܢܐ ܠܩܪܝܬܐ ܘܢܬܩܪܐ ܫܡܝ ܥܠܝܗ̇²⁹ܘܟܢܫ ܕܘܝܕ ܠܟܠܗ ܥܡܐ ܘܐܙܠ ܥܠ ܪܒܬ ܘܐܬܟܬܫ ܒܗ̇ ܘܐܚܕܗ̇³⁰ܘܢܣܒ ܟܠܝܠܐ ܕܡܠܟܗܘܢ ܡܢ ܪܝܫܗ ܕܬܩܠ ܗܘܐ ܟܟܪܐ ܕܕܗܒܐ ܘܐܝܬ ܗ̈ܘܝ ܒܗ ܟܐ̈ܦܐ ܛܒܬ̈ܐ ܘܐܬܬܣܝܡ ܒܪܝܫܗ ܕܕܘܝܕ ܘܒܙܬܐ ܕܩܪܝܬܐ ܐܦܩ ܣܘܓܐܐ ܕܛܒ³¹ܘܠܥܡܐ ܕܐܝܬ ܗܘܐ ܒܗ̇ ܐܦܩ ܘܐܪܡܝ ܐܢܘܢ ܒܩܘܠܪ̈ܐ ܕܦܪܙܠܐ ܘܒܫܫ̈ܠܬܐ ܘܐܥܒܪ ܐܢܘܢ ܒܡܫܘܚܬܐ ܘܗܟܢܐ ܥܒܕ ܠܟܘܠܗܝܢ ܩܘܪ̈ܝܐ ܕܒܢ̈ܝ ܥܡܘܢ ܘܗܦܟ ܕܘܝܕ ܘܟܠܗ ܥܡܐ ܠܐܘܪܫܠܡ

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

Altre sezioni del sito

Utility

SCRUTATIO

2 Samuele ܫܡܘܐܝܠ 12

Confronta con un'altra Bibbia

Cambia Bibbia