Sapienza ܚܟܡܬܐ 10
Confronta con un'altra Bibbia
Cambia Bibbia
1ܗܕܐ ܗܝ ܕܢܛܪܬ ܠܐܒܐ ܩܕܡܝܐ ܝܚܝܕܝܐ ܕܐܬܒܪܝ ܒܥܠܡܐ ܘܦܪܩܬܗ ܡܢ ܡܦܘܠܬܐ ܕܢܦܫܗ2ܘܝܗܒܬ ܠܗ ܚܝܠܐ ܕܢܐܚܘܕ ܟܠ3ܘܐܪܚܩ ܡܢܗ̇ ܩܐܝܢ ܛܠܘܡܐ ܠܩܛܠ ܐܚܘܗܝ ܐܘܒܕ ܪܘܓܙܐ4ܘܟܕ ܐܬܐ ܛܘܦܢܐ ܥܠ ܐܪܥܐ ܬܘܒ ܐܚܝܬ ܚܟܡܬܐ ܒܩܝܣܐ ܫܦܝܐ ܕܒܪܬ ܠܢܘܚ ܙܕܝܩܐ5ܗܕܐ ܟܕ ܐܫܬܘܝܘ ܒܢܝ̈ ܫܪ̈ܒܬܐ ܒܒܝܫܬܐ ܘܐܬܐܫܕܘ ܝܕܥܬ ܠܙܕܝܩܐ ܘܢܛܪܬܗ ܕܠܐ ܡܘܡ ܠܐܠܗܐ ܘܠܐܒܪܗܡ ܒܒܪܐ ܕܪ̈ܚܡܐ ܚܝܠܬܢܐܝܬ ܢܛܪܬܗ6ܗܕܐ ܟܕ ܐܒܕܘ ܪ̈ܫܝܥܐ ܠܙܕܝܩܐ ܠܘܛ ܦܨܝܬ ܕܥܪܩ ܟܕ ܢܚܬܬ ܢܘܪܐ ܥܠ ܚܡܫ ܡܕܝ̈ܢܢ7ܗܠܝܢ ܕܣܗܕܘܬܐ ܕܒܝܫܘܬܗܝܢ ܥܕܡܐ ܠܗܫܐ ܩܝܡܐ. ܟܕ ܡܬ̈ܢܢܢ ܘܒܝܪ̈ܢ. ܘܐܝ̈ܠܢܐ ܕܒܓܘܗܝܢ ܦܐܪ̈ܐ ܠܐ ܥܒܕܝܢ. ܘܢܦܫܐ ܕܠܐ ܗܝܡܢܬ ܥܡܘܕܐ ܕܡܠܚܐ ܩܡܬ.8ܥܠ ܚܟܡܬܐ ܓܝܪ ܥܒܪܘ ܘܠܐ ܐܬܟܢܫܘ ܠܐ ܒܠܚܘܕ ܥܠ ܕܠܐ ܥܒܕܘ ܛܒܬܐ ܐܠܐ ܕܫܒܩܘ ܫܛܝܘܬܗܘܢ ܕܘܟܪܢܐ ܒܬܒܝܠ ܕܒܡܕܡ ܕܐܪܫܥܘ ܠܐ ܐܫܟܚܘ ܕܢܬ̈ܛܥܝܢ9ܚܟܡܬܐ ܕܝܢ ܡܦܨܝܐ ܡܢ ܟܐ̈ܒܐ ܠܐܝܠܝܢ ܕܡܫܡܫܝܢ ܠܗ̇10ܗܕܐ ܦܪܩܬ ܠܙܕܝܩܐ ܝܥܩܘܒ ܟܕ ܥܪܩ ܡܢ ܩܕܡ ܚܡܬܐ ܕܐܚܘܗܝ ܛܠܘܡܐ ܘܕܒܪܬܗ ܒܫܒ̈ܝܠܐ ܬܪ̈ܝܨܐ ܘܚܘܝܬܗ ܡܠܟܘܬܗ ܕܐܠܗܐ ܘܝܗܒܬ ܠܗ ܝܕܥܬܐ ܕܩܘܫܬܐ ܘܐܣܓܝܬ ܠܗ ܒܠܐܘܬܗ ܘܐܥܬܪܬܗ ܒܥܒ̈ܕܘܗܝ11ܘܡܢ ܥܠܘܒܘܬܐ ܕܥ̈ܠܘܒܘܗܝ ܩܡܬ ܠܗ ܘܐܥܬܪܬܗ12ܘܢܛܪܬܗ ܡܢ ܒ̈ܥܠܕܒܒܘܗܝ ܘܡܢ ܐܝܠܝܢ ܕܩܡܘ ܥܠܘܗܝ ܫܪܪܬܗ ܘܒܐܓܘܢܐ ܚܝܠܬܢܐ ܙܟܝܬܗ ܕܢܕܥ ܕܚܣܝܢܐ ܗܝ ܕܚܠܬܗ ܕܐܠܗܐ ܡܢ ܟܠ ܡܕܡ13ܗܕܐ ܠܐ ܫܒܩܬܗ ܠܝܘܣܦ ܙܕܝܩܐ ܟܕ ܐܙܕܒܢ ܐܠܐ ܦܪܩܬܗ ܡܢ ܚܛܝܬܐ14ܘܢܚܬܬ ܥܡܗ ܠܓܘܒܐ ܘܒܐܣܘܪܝܐ ܠܐ ܫܒܩܬܗ ܥܕܡܐ ܕܝܗܒܬ ܠܗ ܚܘܛܪܐ ܕܡܠܟܘܬܐ ܘܫܘܠܛܢܐ ܥܠ ܐܝܠܝܢ ܕܡܬܚܣܢܝܢ ܗܘܘ ܥܠܘܗܝ ܘܚܘܝܬ ܕܕܓܠܝܢ ܐܢܘܢ ܐܝܠܝܢ ܕܣܡܘ ܒܗ ܡܘܡܐ ܘܝܗܒܬ ܠܗ ܬܫܒܘܚܬܐ ܠܥܠܡ15ܗܕܐ ܦܪܩܬ ܠܥܡܐ ܚܣܝܕܐ ܘܠܙܪܥܐ ܕܕܠܐ ܡܘܡ ܦܨܝܬ ܡܢ ܥܡܐ ܕܐܠܨ ܐܢܘܢ16ܘܥܠܬ ܠܢܦܫܐ ܕܥܒܕܗ ܕܡܪܝܐ ܘܩܡ ܠܘܩܒܠ ܡ̈ܠܟܝܢ ܕܚܝ̈ܠܝܢ ܒܐܬ̈ܘܬܐ ܘܒܬܕܡܪ̈ܬܐ17ܘܝܗܒܬ ܠܚ̈ܣܝܐ ܐܓܪܐ ܕܠܐܘܬܗܘܢ ܘܕܒܪܬ ܐܢܘܢ ܒܐܪܥܐ ܬܡܝܗܬܐ ܘܗܘܬ ܠܗܘܢ ܠܡܛܠܠܐ ܒܐܝܡܡܐ ܘܚܠܦ ܙܗܪܐ ܕܟ̈ܘܟܒܐ ܒܠܠܝܐ18ܘܕܒܪܬ ܐܢܘܢ ܒܝܡܐ ܕܚܝܠܐ ܕܣܘܦ ܘܗܠܟܬ ܐܢܘܢ ܒܡ̈ܝܐ ܥܫ̈ܝܢܐ19ܘܟܣܝܘ ܡ̈ܝܐ ܠܣ̈ܢܐܝܗܘܢ ܘܡܢ ܥܘܡܩܐ ܕܬܗܘܡܐ ܐܣܩܬ ܐܢܘܢ20ܡܛܠ ܗܢܐ ܙܕܝ̈ܩܐ ܥܟܪܘ ܠܪ̈ܫܝܥܐ ܘܫܒܚܘ ܠܫܡܟ ܩܕܝܫܐ ܡܪܝܐ ܒܚܕ ܦܘܡܐ ܘܠܐܝܕܟ ܬܩܝܦܬܐ ܐܝܟ ܚܕܐ ܫܒܚܘ21ܡܛܠ ܕܦܘܡܐ ܕܚܪ̈ܫܐ ܦܬܚܬ ܚܟܡܬܐ ܘܠܫܢܗܘܢ ܕܝ̈ܠܘܕܐ ܣܡܬ ܚܪܝܦܐܝܬ
12345678910111213141516171819
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
