Siracide ܝܫܘܥ ܒܪ ܐܣܝܪܐ 45
Confronta con un'altra Bibbia
Cambia Bibbia
| Peshitta | Miqra 'al pi ha-Mesorah |
|---|---|
| 1 ܘܪܚܝܡ ܩܕܡ ܐܠܗܐ ܘܐܦ ܒܥ̈ܝܢܝ ܒܢܝܢܫ̈ܐ ܡܘܫܐ ܕܘܟܪܢܗ ܠܒܘܪܟܬܐ | |
| 2 ܘܪܒܝܗ ܒܒܘܪ̈ܟܬܐ ܘܬܩܦܗ ܠܕܚ̈ܠܘܠܝܢ | |
| 3 ܘܐܩܝܡܗ ܩܕܡ ܡܠܟܐ ܘܦܩܕܗ ܥܠ ܥܡܐ ܘܚܘܝܗ ܐܝܩܪܗ ܘܐܫܡܥܗ ܩܠܗ | |
| 4 ܒܗܝܡܢܘܬܗ ܘܒܡܟܝܟܘܬܗ ܓܒܝܗܝ ܡܢ ܟܠܗܘܢ ܒܢ̈ܝ ܐܢܫܐ | |
| 5 ܘܩܪܒܗ ܠܥܪܦܠܗ ܘܣܕܪ ܩܕܡܘܗܝ ܢܡܘܣܐ ܕܚ̈ܝܐ ܘܒܘܪܟܬܐ ܠܡܠܦܘ ܠܕܒܝܬ ܐܝܣܪܝܠ ܢܡܘ̈ܣܘܗܝ ܘܩܝܡܘܗܝ ܘܕܝܢ̈ܘܗܝ ܠܝܥܩܘܒ | |
| 6 ܘܐܪܝܡ ܐܟܘܬܗ ܩܕܝܫܐ ܠܐܗܪܘܢ ܡܢ ܫܒܛܐ ܕܠܘܝ | |
| 7 ܘܣܡܗ ܠܫܪܪܐ ܕܥܡܐ ܘܝܗ̣ܒ ܥܠܘܗܝ ܡܢ ܐܝܩܪܗ ܘܫܘܒܚܗ ܘܓܒܝܗܝ ܒܪܘܡܐ ܕܐܝܩܪܗ | |
| 8 ܘܐܠܒܫܗ ܢܚ̈ܬܐ ܕܬܟܠܬܐ ܘܝܩܪܗ ܒܡܐ̈ܢܐ ܕܬܘܩܦܐ | |
| 15 ܘܣܡ ܥܠܘܗܝ ܡܘܫܐ ܐܝܕܗ ܘܡܫܚܗ ܡܫܚܐ ܕܩܘܕܫܐ ܘܗܘܬ ܠܗ ܠܩܝܡܐ ܕܠܥܠܡ ܘܠܙܪܥܗ ܐܝܟ ܝܘܡ̈ܬܐ ܕܫܡܝܐ ܠܡܫܡܫܘ ܘܠܡܒܪܟܘ ܠܥܡܗ ܒܫܡܗ | |
| 16 ܘܓܒܝܗܝ ܡܢ ܟܠܗܘܢ ܚ̈ܝܐ ܠܡܩܪܒܘ ܥ̈ܠܘܬܐ ܘܕܒܚ̈ܐ ܘܒܣ̈ܡܐ ܘܠܡܚܣܝܘ ܥܠ ܟܠܗ ܐܝܣܪܝܠ | |
| 17 ܘܝܗܒ ܠܗ ܦܘܩܕ̈ܢܐ ܘܐܫܠܛܗ ܒܩܝ̈ܡܐ ܘܕܝ̈ܢܐ | |
| 18 ܘܐܬܚܪܝܘ ܥܡܗ ܢܘܟܪ̈ܝܐ ܘܛܢܘ ܒܗ ܒܡܕܒܪܐ ܐ̈ܢܫܝ ܕܬܢ ܘܐܒܝܪܡ ܘܟܢܘܫܬܐ ܕܩܘܪܚ ܒܬܘܩܦܐ | |
| 19 ܘܚܙܐ ܐܠܗܐ ܘܪܓܙ ܘܐܘܩܕ ܐܢܘܢ ܒܢܘܪܐ ܘܒܪܐ ܠܗܘܢ ܡܚܘܬܐ ܘܐܣܝܦ ܐܢܘܢ ܒܬܘܩܦܐ ܕܪܘܓܙܗ |