Secondo libro dei Maccabei ܡܩܒܝ̈ܐ 14

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

¹ܡܢ ܒܬܪ ܕܝܢ ܬܠܬ ܫ̈ܢܝܢ ܐܬܐ ܥܠ ܕܒܝܬ ܝܗܘܕܐ ܕܡܛܪܝܘܣ ܒܪ ܣܠܘܩܘܣ ܥܠ ܠܡܐܢܐ ܕܐܠܣ ܟܕ ܐܝܬ ܥܡܗ ܚܝܠܐ ܣܓܝܐܐ ܘܥܫܝܢܐ ܟܕ ܡܙܝܢ ܪܘܪܒܐܝܬ²ܕܢܐܚܕܝܗ ܠܟܘܠܗ ܐܪܥܐ ܡܛܠ ܕܩܛܠܗ ܗܘܐ ܠܐܢܛܝܟܣ ܘܠܠܘܣܝܐܣ ܪܒ ܒܝܬܗ³ܐܠܩܝܡܘܣ ܕܝܢ ܕܡܢ ܩܕܝܡ ܗܘܐ ܗܘܐ ܪܒ ܟܗ̈ܢܐ ܕܛܡܐ ܗܘܐ ܡܫܠܡܢܐܝܬ ܒܙܒ̈ܢܐ ܕܚܘܠܛܢܐ ܐܬܚܫܒ ܘܚܙܐ ܕܡܢ ܟܠܦܪܘܣ ܠܐ ܐܝܬ ܠܗ ܣܒܪܐ ܐܦܠܐ ܕܢܬܩܪܒ ܠܘܬ ܡܕܒܚܐ ܡܫܟܚ⁴ܐܙܠ ܠܘܬ ܕܡܛܪܝܘܣ ܡܠܟܐ ܒܫܢܬ ܡܐܐ ܘܚܡܫܝܢ ܘܚܕܐ ܘܐܘܒܠ ܠܗ ܟܠܝܠܐ ܕܕܗܒܐ ܘܫܒܠܬܐ ܕܕܗܒܐ ܘܥܡܗܘܢ ܣܘ̈ܟܐ ܕܕܩ̈ܠܐ ܡܢ ܕܗܝܟܠܐ ܘܒܗܘ ܝܘܡܐ ܕܝܢ ܗܘܐ ܒܫܠܝܐ⁵ܘܟܕ ܐܫܟܚ ܠܗ ܐܬܪܐ ܐܠܩܝܡܣ ܠܡܪܚܘܬܗ ܘܠܥܘܠܘܬܗ ܩܪܝܗܝ ܕܡܛܪܝܘܣ ܠܡܘܬܒܐ ܘܫܐܠܗ ܗܘܐ ܘܐܡܪ ܠܗ ܕܒܐܝܕܐ ܬܪܥܝܬܐ ܐܘ ܡܚܫܒܬܐ ܡܬܥܫܢܝܢ ܝܗܘ̈ܕܝܐ ܗܟܢܐ ܥܢܐ ܗܘ ܘܐܡܪ ܠܗ⁶ܗܢܘܢ ܕܡܬܩܪܝܢ ܡܫܒ̈ܚܐ ܕܝܗܘ̈ܕܝܐ ܕܥܠܝܗܘܢ ܥܒܝܕ ܝܗܘܕܐ ܡܩܒܝ ܗܢܘܢ ܡܪܕܝܢ ܘܡܓܪܓܝܢ ܘܡܥܫܢܝܢ ܩܪܒܐ ܘܠܐ ܫܒܩܝܢ ܠܗ ܠܡܠܟܘܬܐ ܕܢܗܘܐ ܒܗ ܫܠܡܐ⁷ܡܛܠ ܗܢܐ ܐܦ ܐܢܐ ܫܒܩܬ ܬܫܒܘܚܬܐ ܕܐܒܗ̈ܝ ܕܐܝܬܝܗ ܪܒܘܬ ܟܗܢܘܬܐ ܘܗܐ ܐܬܝܬ ܬܪܬܝܢ ܙܒ̈ܢܝܢ ܩܕܡܝܟ⁸ܡܛܠ ܕܝܨܦ ܐܢܐ ܘܫܩܝܠ ܐܢܐ ܛܥܢܐ ܕܨܒ̈ܘܬܗ ܕܡܠܟܐ ܘܕܬܪܬܝܢ ܕܝܢ ܡܛܠ ܒܢ̈ܝ ܥܡܢ ܕܝܠܢ ܚܙܐ ܐܢܐ ܓܝܪ ܪܡܘܬܗܘܢ ܘܫܘܒܗܪܗܘܢ ܕܗܠܝܢ ܕܡܢ ܩܕܝܡ ܐܡܪܬ ܥܠܝܗܘܢ ܕܐܝܟܢܐ ܫܚܩܝܢ ܠܗ ܠܥܡܢ ܘܠܐ ܫܒܩܝܢ ܠܗ ܐܦܠܐ ܩܠܝܠ ܕܢܗܘܐ ܒܢܝܚܐ⁹ܐܢܬ ܕܝܢ ܡܠܟܐ ܕܝܠܦܬ ܗܠܝܢ ܣܒ ܛܥܢܐ ܕܐܪܥܢ ܘܕܒܢ̈ܝ ܥܡܢ ܕܘ̈ܝܐ ܘܒܝ̈ܫܐ ܐܝܟ ܡܐ ܕܐܝܬ ܠܟ ܡܪܚܡܢܘܬܐ ܠܘܬ ܟܠܗܘܢ ܒܢܝ̈ܢܫܐ¹⁰ܟܠ ܟܡܐ ܓܝܪ ܕܝܗܘܕܐ ܚܝ ܕܢܗܘܐ ܫܠܡܐ ܒܐܪܥܢ ܠܐ ܡܫܟܚ¹¹ܘܟܕ ܫܡܥ ܡܢܗ ܡܠܟܐ ܗܠܝܢ ܡ̈ܠܐ ܒܪܫܥܬܗ ܐܦ ܪ̈ܚܡܘܗܝ ܕܡܠܟܐ ܡܛܠ ܕܐܝܬ ܗܘܐ ܠܗܘܢ ܒܥܠܕܒܒܘܬܐ ܥܡ ܝܗܘܕܐ ܓܘܙܠܘܗ ܠܚܡܬܗ ܕܕܡܛܪܝܣ ܥܠܘܗܝ¹²ܘܒܪܫܥܬܗ ܩܪܐ ܡܠܟܐ ܕܡܛܪܝܘܣ ܠܢܝܩܢܘܪ ܗܘ ܕܥܒܝܕ ܗܘܐ ܪܒܐ ܥܠ ܦܝ̈ܠܐ ܘܪܫܐ ܘܡܕܒܪܢܐ¹³ܘܝܗܒ ܠܗ ܐܓܪ̈ܬܐ ܘܫܕܪܗ ܘܦܩܕܗ ܕܠܗ ܠܝܗܘܕܐ ܢܩܛܠܝܘܗܝ ܘܠܐܝܠܝܢ ܕܐܝܬ ܗܘܘ ܥܡܗ ܢܒܕܪ ܐܢܘܢ ܘܠܐܠܩܝܡܘܣ ܕܝܢ ܢܩܝܡ ܒܪܒܘܬ ܟܗܢܘܬܐ ܕܗܝܟܠܐ ܪܒܐ ܘܡܫܒܚܐ¹⁴ܥܡ̈ܡܐ ܕܝܢ ܐܝܠܝܢ ܕܥܪܩܘ ܗܘܘ ܡܢ ܐܪܥܐ ܕܝܗܘܕܐ ܐܬܝܢ ܗܘܘ ܘܚܠܛܝܢ ܥܡ ܢܝܩܢܘܪ ܘܡܬܒܣܡܝܢ ܗܘܘ ܘܚܕܝܢ ܥܠ ܐܘܠܨܢܐ ܘܥܩܬܐ ܕܐܝܬ ܗܘܐ ܠܕܒܝܬ ܝܗܘܕܐ¹⁵ܘܟܕ ܫܡܥܘ ܕܒܝܬ ܝܗܘܕܐ ܥܠ ܡܐܬܝܬܗ ܕܢܝܩܢܘܪ ܘܥܠ ܡܪܡܝܢܘܬܐ ܕܥܡ̈ܡܐ ܐܪܡܝܘ ܥܦܪܐ ܥܠ ܪ̈ܫܝܗܘܢ ܘܓܥܝܢ ܗܘܘ ܘܡܨܠܝܢ ܩܕܡ ܗܘ ܕܒܟܘܠ ܙܒܢ ܗܘ ܗܘܐ ܠܗܘܢ ܡܥܕܪܢܐ ܘܒܟܠܙܒܢ ܓܠܝܐܝܬ ܦܪܩ ܝܪܬܘܬܗ¹⁶ܘܦܩܕ ܝܗܘܕܐ ܕܢܬܚܙܩܘܢ ܒܙܝܢܗܘܢ ܘܒܪܫܥܬܗ ܫܩܠܘ ܘܐܪܥܘ ܐܢܘܢ ܒܩܪܝܬܐ ܕܫܡܗ ܕܫܘ¹⁷ܫܡܥܘܢ ܕܝܢ ܐܚܘܗܝ ܕܝܗܘܕܐ ܡܢ ܫܠܝܐ ܐܪܡܝ ܗܘܐ ܥܠ ܢܝܩܢܘܪ ܘܡܛܠ ܕܡܣܪܗܒܐܝܬ ܐܙܠܘ ܥܠܘܗܝ ܐܬܪܗܒܘ ܡܢܗ¹⁸ܢܝܩܢܘܪ ܕܝܢ ܟܕ ܫܡܥ ܗܘܐ ܥܠ ܓܢܒܪܘܬܗܘܢ ܕܒܝܬ ܝܗܘܕܐ ܘܥܠ ܢܨܚܢܝ̈ܗܘܢ ܘܕܐܝܟܢܐ ܡܫܠܡܐ ܢܦܫܗܘܢ ܥܠ ܐ̈ܦܝ ܥܡܗܘܢ ܘܐܬܪܗܘܢ ܠܐ ܨܒܐ ܗܘܐ ܕܒܩܛܠܐ ܘܕܡܐ ܢܥܒܕ ܕܝܢܐ¹⁹ܐܠܐ ܫܕܪ ܠܦܣܝܕܢܝܣ ܘܠܬܐܕܛܣ ܘܠܡܬܝܬܐ ܠܡܬܠ ܘܠܡܣܒ ܝܡܝܢܐ²⁰ܘܟܕ ܕܝܢ ܫܡܥ ܝܗܘܕܐ ܐܬܡܠܟ ܥܡ ܥܡܐ ܘܐܬܚܫܒܘ ܐܟܚܕܐ ܘܚܙܘ ܕܡ̈ܠܘܗܝ ܕܫܠܡܐ ܐ̈ܢܝܢ ܘܐܬܪܡܝ ܕܢܥܒܕ ܥܡܗ ܫܠܡܐ²¹ܘܐܩܝܡܘ ܕܒܐܝܢܐ ܝܘܡܐ ܢܚܙܘܢ ܚܕ ܠܚܕ ܘܠܚܕ ܚܕ ܡܢܗܘܢ ܟܪܝܟܝܢ ܗܘܘ ܠܗ ܠܒܫ̈ܐ ܟܕ ܡܙܝܢܝܢ²²ܦܩܕ ܕܝܢ ܝܗܘܕܐ ܠܚܝܠܗ ܕܢܬܚܙܩܘܢ ܒܙܝܢܗܘܢ ܘܗܘܘ ܩܝܡܝܢ ܘܡܛܝܒܝܢ ܒܐܬܪ̈ܘܬܐ ܐܝܠܝܢ ܕܩܢܝܛܝܢ ܗܘܘ ܡܢܗܘܢ ܕܕܠܡܐ ܡܡܬܘܡ ܡܢ ܫܠܝܐ ܢܟܠܐ ܡܕܡ ܢܗܘܐ ܘܚܙܘ ܚܕ ܠܚܕ ܒܫܠܡܐ ܣܓܝܐܐ ܘܡܠܠܘ ܡ̈ܠܐ ܕܫܝܢܐ²³ܘܐܝܬܘܗܝ ܗܘܐ ܢܝܩܢܘܪ ܒܐܘܪܫܠܡ ܘܡܕܡ ܕܒܝܫ ܠܐ ܥܒܕ ܗܘܐ ܘܠܥܡ̈ܡܐ ܐܝܠܝܢ ܕܐܬܟܢܫܘ ܗܘܘ ܠܘܬܗ ܫܪܐ ܐܢܘܢ²⁴ܘܐܚܝܕ ܗܘܐ ܠܗ ܠܝܗܘܕܐ ܒܚܘܒܐ ܣܓܝܐܐ ܘܐܝܬܘܗܝ ܗܘܐ ܥܡܗ ܒܟܠܙܒܢ ܒܐ̈ܦܐ ܢܗܝܪ̈ܬܐ²⁵ܘܒܥܐ ܡܢܗ ܘܐܦܝܣܗ ܕܢܣܒ ܐܢܬܬܐ ܘܢܥܒܕ ܒܢ̈ܝܐ ܘܢܣܒ ܐܢܬܬܐ ܘܐܫܬܘܬܦ ܒܥܠܡܐ²⁶ܐܠܩܝܡܣ ܕܝܢ ܟܕ ܚܙܐ ܚܘܒܐ ܘܫܠܡܘܬܐ ܕܐܝܬ ܠܗܘܢ ܚܕ ܥܡ ܚܕ ܠܢܝܩܢܘܪ ܘܠܝܗܘܕܐ ܐܙܠ ܠܗ ܠܘܬ ܕܡܛܪܝܣ ܡܠܟܐ ܘܐܡܪ ܠܗ ܥܠ ܢܝܩܢܘܪ ܕܗܘܐ ܠܗ ܢܘܟܪܝܐ ܠܡܠܟܘܬܟ ܘܠܟܠܗܝܢ ܨܒܘ̈ܬܟ ܠܝܗܘܕܐ ܓܝܪ ܗܘ ܕܐܝܬܘܗܝ ܒܥܠܕܒܒܐ ܕܡܠܟܘܬܟ ܫܘܬܦܐ ܘܚܒܪܐ ܥܒܕܗ ܠܗ²⁷ܘܟܕ ܫܡܥ ܡܠܟܐ ܡܐܟܠ ܩܪܨܗ ܕܒܥܠܕܒܒܐ ܐܬܚܡܬ ܒܪܘܓܙܐ ܣܓܝܐܐ ܘܟܬܒ ܠܢܝܩܢܘܪ ܩܫܝܐܝܬ ܡܛܠ ܪܚܡܘܬܗ ܕܥܡ ܝܗܘܕܐ ܘܦܩܕ ܕܠܗ ܠܡܩܒܝ ܟܕ ܦܟܝܪ ܢܐܚܘܕ ܘܢܫܕܪܝܘܗܝ ܒܥܓܠ ܠܐܢܛܝܘܟܝܐ²⁸ܘܟܕ ܫܡܥ ܕܝܢ ܢܝܩܢܘܪ ܐܓܪܬܐ ܐܫܬܪܝ ܗܘܐ ܘܐܬܥܝܩ ܣܓܝ ܘܠܐ ܨܒܐ ܗܘܐ ܕܢܫܬܚܠܦ ܥܠ ܝܗܘܕܐ ܓܒܪܐ ܕܡܕܡ ܠܐ ܐܣܟܠ²⁹ܘܕܢܥܨܐ ܕܝܢ ܦܘܩܕܢܗ ܕܡܠܟܐ ܠܐ ܡܫܟܚ ܗܘܐ ܘܡܬܪܥܐ ܗܘܐ ܕܒܐܝܕܐ ܥܠܬܐ ܢܐܚܕܝܘܗܝ³⁰ܡܩܒܝ ܕܝܢ ܟܕ ܚܙܝܗܝ ܠܢܝܩܢܘܪ ܕܠܐ ܐܝܬܝܗܝܢ ܐ̈ܦܘܗܝ ܠܘܬܗ ܐܝܟ ܕܡܢ ܩܕܝܡ ܐܠܐ ܟܡܝܪ̈ܢ ܘܡܫܚ̈ܠܦܢ ܡܢ ܕܒܟܠ ܙܒܢ ܐܣܬܟܠ ܕܡܫܬܚܠܦܘ ܐܫܬܚܠܦ ܥܠܘܗܝ ܘܟܢܫ ܥܡܗ ܡܢ ܒܢ̈ܝ ܥܡܗ ܠܐ ܙܥܘܪܝܢ ܘܫܢܝ ܠܗ ܡܢܗ ܡܢ ܢܝܩܢܘܪ³¹ܘܟܕ ܕܝܢ ܝܕܥ ܕܐܬܛܝܒ ܝܗܘܕܐ ܘܐܬܚܙܩ ܒܚܝܠܗ ܥܠ ܠܗܝܟܠܐ ܪܒܐ ܘܩܕܝܫܐ ܟܕ ܩܝܡܝܢ ܟܗ̈ܢܐ ܘܡܩܪܒܝܢ ܩܘܪ̈ܒܢܐ ܘܐܡܪ ܠܗܘܢ ܗܒܘ ܠܝ ܠܝܗܘܕܐ³²ܘܗܢܘܢ ܕܝܢ ܝܡܝܢ ܗܘܘ ܘܐܡܪܝܢ ܠܗ ܕܠܐ ܚܙܐ ܠܢ ܘܠܐ ܝܕܥܝܢܢ ܐܝܟܐ ܐܝܬܘܗܝ³³ܘܐܪܝܡ ܐܝܕܗ ܠܘܩܒܠ ܗܝܟܠܐ ܘܝܡܐ ܠܗܘܢ ܗܟܢܐ ܕܐܠܐ ܬܫܠܡܘܢܝܗܝ ܠܝܗܘܕܐ ܟܕ ܦܟܝܪ ܠܗܢܐ ܗܝܟܠܐ ܕܐܠܗܐ ܐܥܒܕܝܘܗܝ ܐܝܟ ܡܕܒܪܐ ܘܠܡܕܒܚܐ ܐܣܚܘܦ ܘܐܒܢܐ ܒܕܘܟܬܗ ܠܕܝܘܢܣܘܣ ܗܝܟܠܐ ܝܕܝܥܐ³⁴ܘܟܕ ܐܡܪ ܗܠܝܢ ܟܠܗܝܢ ܫܢܝ ܟܗ̈ܢܐ ܕܝܢ ܦܪܣܘ ܐܝܕܝ̈ܗܘܢ ܠܘܬ ܥܡܘܪܐ ܕܫܡܝܐ ܘܒܥܝܢ ܗܘܘ ܘܡܨܠܝܢ ܡܢ ܗܘ ܕܗܘ ܗܘܐ ܒܟܠܙܒܢ ܡܥܕܪܢܐ ܠܥܡܗ ܘܐܡܪܝܢ ܗܘܘ³⁵ܐܢܬ ܡܪܝܐ ܕܟܠ ܕܥܠ ܡܕܡ ܠܐ ܣܢܝܩ ܐܢܬ ܐܢܬ ܐܨܛܒܝܬ ܕܬܓܒܐ ܠܟ ܐܬܪܐ ܠܗܝܟܠܟ ܕܬܫܪܐ ܫܟܝܢܬܟ ܒܝܢܬܢ³⁶ܘܗܫܐ ܡܪܝܐ ܩܕܝܫܐ ܕܟܠ ܩܕܝܫ̈ܐ ܐܢܬ ܢܛܪ ܠܥܠܡ ܠܗܢܐ ܐܬܪܐ ܘܠܒܝܬܐ ܕܠܐ ܛܘܠܫܐ ܕܒܗܢܐ ܙܒܢܐ ܐܬܕܟܝ ܘܣܟܘܪ ܕܝܢ ܟܘܠ ܦܘܡܐ ܕܥܘ̈ܠܐ³⁷ܓܒܪܐ ܕܝܢ ܚܕ ܕܫܡܗ ܗܘܐ ܪܓܫ ܡܢ ܣܒ̈ܐ ܕܐܘܪܫܠܡ ܐܬܐܡܪ ܗܘܐ ܥܠܘܗܝ ܠܢܝܩܢܘܪ ܕܓܒܪܐ ܗܘ ܕܪܚܡ ܡܕܝܢܬܗ ܘܝܬܝܪܐܝܬ ܫܦܝܪ ܗܘܐ ܫܡܗ ܘܡܛܠ ܬܪܥܝܬܗ ܛܒܬܐ ܘܒܣܝܡܬܐ ܡܬܩܪܐ ܗܘܐ ܐܒܐ ܕܝܗܘ̈ܕܝܐ³⁸ܐܝܬܘܗܝ ܗܘܐ ܓܝܪ ܡܢ ܩܕܝܡ ܒܕܝܢܐ ܘܠܐ ܫܒܩ ܗܘܐ ܕܢܗܘܐ ܚܘܠܛܢܐ ܒܥܡܐ ܕܝܗܘ̈ܕܝܐ ܡܫܠܡܐ ܗܘܬ ܓܝܪ ܢܦܫܗ ܘܦܓܪܗ ܒܟܘܠ ܨ̈ܠܘܢ ܘܒܥ̈ܘܢ ܥܠ ܐ̈ܦܝ ܕܘܒܪ̈ܐ ܕܝܗܘܕܝܘܬܐ³⁹ܢܝܩܢܘܪ ܕܝܢ ܡܛܠ ܕܨܒܐ ܗܘܐ ܕܢܘܕܥ ܣܢܐܬܐ ܕܐܝܬ ܗܘܬ ܠܗ ܥܡ ܝܗܘ̈ܕܝܐ ܫܕܪ ܐܝܟ ܚܡܫܡܐܐ ܡܢ ܦܠܚܘ̈ܗܝ ܕܢܐܚܕܘܢܝܗܝ⁴⁰ܐܡܪ ܗܘܐ ܓܝܪ ܕܟܕ ܠܗܢܐ ܐܚܘܕ ܥܩܬܐ ܪܒܬܐ ܐܥܒܕ ܠܝܗܘ̈ܕܝܐ⁴¹ܟܕ ܕܝܢ ܐܬܐ ܟܢܫܐ ܘܚܕܪܘܗ ܠܕܪܬܗ ܒܥܝܢ ܗܘܘ ܕܢܦܬܚܘܢ ܬܪ̈ܥܐ ܘܢܘܩܕܘܢ ܐܢܘܢ ܒܢܘܪܐ ܘܗܘ ܕܝܢ ܟܕ ܚܙܐ ܕܩܪܒܘ ܕܢܐܚܕܘܢܝܗܝ ܫܩܠ ܣܝܦܐ ܘܡܚܐ ܒܟܪܣܗ⁴²ܡܛܠ ܕܨܒܐ ܗܘܐ ܕܚܐܪܐܝܬ ܢܡܘܬ ܘܠܐ ܢܫܬܠܡ ܠܪ̈ܫܝܥܐ ܘܠܥܘ̈ܠܐ ܘܢܨܥܪܘܢ ܐܝܩܪܐ ܕܣܝܒܘܬܗ⁴³ܘܠܐ ܥܢܬ ܡܚܘܬܗ ܡܛܠ ܣܘܪܗܒܐ ܘܪܗܝܒܘܬܐ ܘܟܕ ܥܠܘ ܟܢܫ̈ܐ ܠܓܘ ܡܢ ܬܪ̈ܥܐ ܕܕܪܬܐ ܫܘܪ ܘܣܠܩ ܠܗ ܠܫܘܪܐ ܓܢܒܪܐܝܬ ܘܚܝܠܬܢܐܝܬ ܘܫܕܐ ܢܦܫܗ ܡܨܥܬ ܟܢܫ̈ܐ⁴⁴ܘܗܢܘܢ ܕܝܢ ܒܪܫܥܬܗ ܟܕ ܚܙܘ ܫܢܝܘ ܘܝܗܒܘ ܐܬܪܐ⁴⁵ܘܟܕ ܥܕܟܝܠ ܚܝ ܗܘܐ ܘܡܬܓܘܙܠ ܗܘܐ ܒܚܡܬܐ ܕܛܢܢܐ ܫܘܪ ܘܩܡ ܟܕ ܪܕܐ ܗܘܐ ܡܢܗ ܕܡܐ ܣܓܝܐܐ ܡܛܠ ܕܩ̈ܫܝܢ ܗ̈ܘܝ ܡܚܘ̈ܬܗ ܘܪܗܛ ܘܥܒܪܗ ܠܟܠܗ ܗܘ ܟܢܫܐ ܘܩܡ ܥܠ ܟܐܦܐ ܚܕܐ ܪܡܬܐ⁴⁶ܟܕ ܡܦܠܦܠ ܗܘܐ ܟܠܗ ܒܕܡܐ ܘܐܦܩ ܡܥܘ̈ܗܝ ܘܐܚܕ ܐܢܘܢ ܒܬܪ̈ܬܝܗܝܢ ܐܝܕܘ̈ܗܝ ܘܚܘܝ ܠܥܡܐ ܘܨܠܝ ܘܒܥܐ ܘܩܪܐ ܠܗܘ ܕܫܠܝܛ ܥܠ ܚܝ̈ܐ ܘܥܠ ܪܘܚܐ ܕܬܘܒ ܢܬܠ ܘܢܦܢܐ ܐܢܘܢ ܠܗ ܘܗܝܕܝܢ ܢܦܩ ܡܢ ܥܠܡܐ

1 2 3 4 5 6 7 8 9 10 11 12 13 14 15

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

Altre sezioni del sito

Utility

SCRUTATIO

Secondo libro dei Maccabei ܡܩܒܝ̈ܐ 14

Confronta con un'altra Bibbia

Cambia Bibbia