Siracide ܝܫܘܥ ܒܪ ܐܣܝܪܐ 48
Confronta con un'altra Bibbia
Cambia Bibbia
1ܥܕܡܐ ܕܩܡ ܢܒܝܐ ܕܕܡ̇ܐ ܠܢܘܪܐ ܘܡܠܬܗ ܝܩܕܐ ܐܝܟ ܬܢܘܪܐ ܕܡܫܬܓܪ2ܘܐܝܬܝ ܥܠܝܗܘܢ ܟܦܢܐ ܘܒܛܢܢܗ ܒܙܥ ܐܢܘܢ3ܒܡܠܬܗ ܕܡܪܝܐ ܟ̣ܠܐ ܫܡܝܐ ܘܐܚܬ ܬܠܬ ܙܒ̈ܢܝܢ ܢܘܪܐ ܡܢ ܫܡܝܐ ܥܠ ܡܕܒܚܐ ܘܥܠ ܐܢܫܐ ܪ̈ܫܝܥܐ4ܡܐ ܕܚܝܠ ܐܢܬ ܐܠܝܐ ܘܡ̇ܢ ܕܐܟܘܬܟ ܗܘ̣ ܢܫܬܒܚ5ܕܐܚܝ ܡܝܬܐ ܡܢ ܫܝܘܠ ܐܝܟ ܨܒܝܢܗ ܕܡܪܝܐ6ܡ̇ܣܚܦ ܝܩܝܪ̈ܐ ܡܢ ܟܘܪ̈ܣܘܬܗܘܢ7ܘܐܫܡܥ ܒܢܣܝܘܢܗ ܡܟܣܢܘܬܗܘܢ8ܕܡܫܚ ܡ̈ܠܟܐ ܠܡܪܡܝܘ ܚܘ̈ܒܠܐ ܘܢܒܝܐ ܕܗܘܐ ܒܬܪܗ9ܘܐܬܚܛܦ ܒܥܠܥܠܐ ܠܥܠ ܒܪ̈ܟܫܐ ܕܢܘܪܐ ܠܫܡܝܐ10ܘܗܘ ܥܬܝܕ ܕܢܐܬܐ ܩܕܡ ܕܢܐܬܐ ܝܘܡܗ ܕܡܪܝܐ ܠܡܗܦܟܘ ܒܢ̈ܝܐ ܥܠ ܐܒ̈ܗܐ ܘܠܡܣܒܪܘ ܠܫ̈ܒܛܝ ܝܥܩܘܒ11ܛܘܒܘܗܝ ܠܕܚܙܟ ܘܡܝܬ ܒܪܡ ܠܐ ܡܐ̇ܬ̇ ܐܠܐ ܡܚܐ ܚ̇ܝܐ12ܐܠܝܐ ܒܐܘܨܪ̈ܐ ܐܬ̇ܟܢܫ ܠܫܡܝܐ ܘܩ̇ܒܠ ܢܒܝܘܬܐ ܐܥܦܐ ܐܠܝܫܥ ܘܣ̇ܓܝ ܢܣܝܘܢ̈ܐ ܘܐܬ̈ܘܬܐ ܡܠܠ ܦܘܡܗ ܡܢ ܝܘܡ̈ܘܗܝ ܠܐ ܙܥ ܡܢ ܒܪܢܫܐ ܘܠܐ ܫܠܛ ܒܗ ܟܠ ܒܣܪ13ܘܟܠ ܡܠܐ ܠܐ ܐܬܟܣܝܬ ܡܢܗ14ܒܚ̈ܝܘܗܝ ܥ̣ܒܕ ܦܪ̈ܝܫܬܐ ܘܒܡܘܬܗ ܐܚܝ ܡܝܬܐ15ܘܒܟܠܗܝܢ ܗܠܝܢ ܠܐ ܬܒ ܥܡܐ ܘܠܐ ܦܪܩܘ ܡܢ ܥܒ̈ܕܝܗܘܢ ܒܝܫ̈ܐ ܥܕܡܐ ܕܓ̇ܠܝܘ ܡܢ ܐܬܪܗܘܢ ܘܐܬܒܕܪܘ ܒܟܠ ܡܕܝܢ̈ܬܐ ܘܝܬܪ ܝܗܘܕܐ ܒܠܚܘܕܘܗܝ ܙܥܘܪ ܫܘܠܛܢܐ ܠܕܒܝܬ ܕܘܝܕ16ܐܝܬ ܡܢܗܘܢ ܕܥܒܕܘ ܬܝܒܘܬܐ ܘܐܝܬ ܡܢܗܘܢ ܕܐܘܣܦܘ ܚ̈ܛܗܐ17ܚܙܩܝܐ ܒ̇ܢܝ ܡܕܝܢܬܐ ܘܐܥܠ ܠܓܘܗ̇ ܡܝ̈ܐ18ܒܝܘ̈ܡܘܗܝ ܣܠܩ ܥܠܝܗܘܢ ܣܢܚܪܝܒ ܘܫ̇ܕܪ ܥܠܝܗܘܢ ܠܪܒ ܫܩ̈ܐ ܘܐܪܝܡ ܐܝܕܗ ܥܠ ܨܗܝܘܢ ܘܓܕܦ ܒܡܪܚܘܬܐ ܥܠ ܐܠܗܐ20ܘܦܪܣ ܚܙܩܝܐ ܩܕܡ ܡܪܝܐ ܐܝܕ̈ܘܗܝ ܘܐܦ ܐܠܗܐ ܒܥܓܠ ܫܡܥ ܨܠܘܬܗ ܘܦ̣ܪܩ ܐܢܘܢ ܒܝܕ ܐܫܥܝܐ ܢܒܝܐ21ܘܬܒܪ ܡܫܪܝܬܗ ܕܐܬܘܪܝܐ ܘܡܚܐ ܐܢܘܢ ܡܚܘܬܐ ܪܒܬܐ22ܡܛܠ ܕܥܒܕ ܚܙܩܝܐ ܕܛܒ ܘܗ̇ܠܟ ܒܐܘܪ̈ܚܬܗ ܕܕܘܝܕ ܕܦܩܕܗ ܐܫܥܝܐ ܢܒܝܐ ܡܫܒܚܐ ܕܢܒ̈ܝܐ23ܡܛܠ ܕܒܐܝܕܗ ܩܡ ܫܡܫܐ ܘܐܬܬܘܣܦܘ ܥܠ ܚܝ̈ܘܗܝ ܕܡܠܟܐ24ܘܒܪܘܚܐ ܕܓܢܒܪܘܬܐ ܚܙܐ ܐܚܪ̈ܝܬܐ ܘܢܚ̇ܡ ܠܐܒ̈ܝܠܐ ܕܨܗܝܘܢ25ܘܟܕ ܒܥܠܡܐ ܗܘܐ ܚܙܐ ܐܬܘܬ̈ܐ ܘܢܣܝܘ̈ܢܐ ܥܕ ܠܐ ܢܐܬܘܢ
123456789101112131415161718192021222324252627282930313233343536373839404142434445464748495051
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
