Sapienza ܚܟܡܬܐ 4
Confronta con un'altra Bibbia
Cambia Bibbia
1ܛܒ ܗܘ ܕܠܐ ܒܢܝ̈ܢ ܒܬܫܒܘܚܬܐ ܚ̈ܝܐ ܓܝܪ ܗ̈ܘܝܢ ܒܕܘܟܪܢܗ̇ ܡܛܠ ܕܠܘܬ ܐܠܗܐ ܗܝ ܝܕܝܥܐ ܘܠܘܬ ܒܢ̈ܝ ܐܢܫܐ2ܟܕ ܩܝܡܐ ܡܬܕܡܝܢ ܠܗ̇ ܘܡܐ ܕܫܢܝܬ ܡܬܪܓܪܓܝܢ ܠܗ̇ ܘܒܥܠܡܐ ܗܢܐ ܬܨܒܝܬܐ ܘܟܠܝܠܐ ܠܒܝܫܐ ܘܡܬܚܘܝܐ ܗܝ ܕܙܟܬ ܐܓܘܢܐ ܕܗܢܘܢ ܕܕܠܐ ܡܘܡ ܐܢܘܢ3ܣܘܓܐܐ ܕܝܢ ܕܝܠܕܐ ܕܪ̈ܫܝܥܐ ܠܝܬ ܒܗ ܚܫܚܘ ܘܐܝܠܝܢ ܕܡܢ ܙܪܥܐ ܐܢܘܢ ܢܘܟܪܝܐ ܠܐ ܢܬܠܘܢ ܥܩܪܐ ܒܥܘܡܩܐ ܘܠܝܬ ܠܗܘܢ ܩܝܡܐ ܫܪܝܪܐ4ܘܐܢ ܢܦܩܘܢ ܥܘܦܝܐ ܘܥ̈ܢܦܐ ܡܣܬ ܙܒܢܐ ܢܨܡܚܘܢ ܘܠܐ ܢܗܠܟܘܢ ܬܟܝܠܐܝܬ ܘܡܢ ܪܘܚܐ ܢܙܘܥܘܢ ܘܡܢ ܪܘܚܐ ܬܩܝܦܬܐ ܢܬܥܩܪܘܢ5ܘܢܬܬܒܪ̈ܢ ܥܢ̈ܦܝܗܘܢ ܠܣܘܦܐ ܘܦܐܪ̈ܝܗܘܢ ܡܚܒܠܝܢ ܘܠܡܐܟܘܠܬܐ ܠܐ ܟܫܪ̈ܝܢ ܘܠܡܕܡ ܠܐ ܐܙܠܝܢ6ܘܡܢ ܡܕܡܟܐ ܕܥܒܪ ܢܡܘܣܐ ܒ̈ܢܝܐ ܕܡܬܝܠܕܝܢ ܣܗ̈ܕܐ ܐܢܘܢ ܒܝܫ̈ܐ ܥܠ ܐ̈ܒܗܝܗܘܢ ܒܫܘܐܠܗܘܢ7ܙܕܝܩܐ ܕܝܢ ܐܢ ܡܣܪܗܒܐܝܬ ܢܡܘܬ ܒܢܝܚܐ ܢܗܘܐ ܘܐܢ ܒܢܓܝܪܘܬ ܝܘܡܬ̈ܐ ܢܡܘܬ ܒܐܝܩܪܐ ܢܫܬܟܚ8ܣܝܒܘܬܐ ܘܐܝܩܪܐ ܠܐ ܗܘܐ ܡܢ ܣܓܝܐܘܬ ܙܒܢܐ ܐܦ ܠܐ ܡܢܝܢܐ ܕܫܢܝ̈ܗܘܢ ܒܟܝܠܬܐ9ܚܘܪ̈ܬܐ ܕܝܢ ܐܝܬܝܗܝܢ ܣܘܟܠܐ ܕܐܢܫܐ ܩܘܡܬܐ ܕܝܢ ܕܣܝܒܘܬܐ ܥܘܡܪܐ ܢܝܚܐ10ܘܒܕܫܦܪ ܠܐܠܗܐ ܐܬܪܚܡ ܡܛܠ ܕܥܡܪ ܗܘܐ ܒܝܢܬ̈ ܚ̈ܛܝܐ ܫܢܝܗ11ܐܬܚܛܦ ܡܛܠ ܕܠܐ ܬܚܠܦ ܒܝܫܬܐ ܡܚܫܒܬܗ ܘܠܐ ܢܛܥܐ ܢܟܠܐ ܠܫܢܗ12ܛܢܢܐ ܓܝܪ ܒܝܫܐ ܡܚܒܠ ܛܒ̈ܬܐ ܘܫܓܝܫܘܬܗ̇ ܕܪܓܬܐ ܣܪܚܐ ܪܥܝܢܐ ܛܒܐ13ܕܐܫܬܟܠܠ ܩܠܝܠ ܡܠܐ ܙܒܢܐ ܣܓܝܐܐ14ܫܦܪܬ ܓܝܪ ܢܦܫܗ ܠܐܠܗܐ ܘܡܛܠ ܕܗܘܐ ܟܐܝܢ ܒܥܓܠ ܐܪܝܡܗ ܡܢ ܓܘܗ̇ ܕܒܝܫܬܐ ܥܡ̈ܡܐ ܕܝܢ ܚܙܘ ܘܠܐ ܐܣܬܟܠܘ ܘܠܐ ܣܡܘ ܒܪܥܝܢܗܘܢ ܕܡܛܠ ܡܢܐ ܗܟܢܐ ܕܝܢܗ15ܘܛܝܒܘܬܗ ܘܪ̈ܚܡܘܗܝ ܕܐܠܗܐ ܒܚܣ̈ܝܘܗܝ ܘܣܘܥܪܢܗ ܕܐܠܗܐ ܥܠ ܓܒ̈ܘܗܝ16ܕܐܢ ܠܙܕܝܩ̈ܐ ܘܡܘܒܕ ܠܪ̈ܫܝܥܐ ܟܕ ܚܝܝ̈ܢ ܘܛ̈ܠܝܐ ܕܢܦܩܝܢ ܠܙܒܢܐ ܙܥܘܪܐ ܛܒ ܡܢ ܙܒܢܐ ܣܓܝܐܐ ܕܣ̈ܒܐ ܕܫܘܩܪܐ17ܢܚܙܘܢ ܓܝܪ ܡܘܬܗ ܕܙܕܝܩܐ ܘܠܐ ܢܣܬܟܠܘܢ ܕܡܢܐ ܐܬܡܠܟ ܥܠܘܗܝ ܐܠܗܐ ܘܠܡܢܐ ܐܙܕܗܪ ܒܗ ܡܪܝܐ18ܘܢܚܙܘܢ ܘܢܣܠܘܢܗ ܗܘ ܕܝܢ ܡܪܝܐ ܢܓܚܟ ܥܠܝܗܘܢ19ܘܡܢ ܒܬܪ ܗܠܝܢ ܢܗܘܘܢ ܠܡܦܘܠܬܐ ܕܨܥܪܐ ܘܒܝܬ ܡܝܬ̈ܐ ܠܩܠܠܐ ܕܠܥܠܡ ܡܛܠ ܕܢܒܙܥܘܢ ܐܢܘܢ ܡܣܪ̈ܐ ܕܠܐ ܩܠܐ ܘܢܙܥܙܥܘܢ ܐܢܘܢ ܡܢ ܫܬܐ̈ܣܝܗܘܢ ܘܥܕܡܐ ܠܐܚܪܝܬܐ ܢܒܘܪܘܢ ܘܢܗܘܘܢ ܠܚܒܠܐ ܘܕܘܟܪܢܗܘܢ ܢܐܒܕ20ܘܢܥܘܠ ܠܡܚܫ̈ܒܬܐ ܕܣ̈ܟܠܘܬܗܘܢ ܢܟܠܐ ܘܬܟܣ ܐܢܘܢ ܥܝܢ ܒܓܠܐ ܡܣܛܝܢܘܬܗܘܢ
12345678910111213141516171819
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
