Tehillim (תהילים) - Salmi 101

Miqra 'al pi ha-Mesorah	STUTTGARTENSIA-DELITZSCH
1 לְדָוִד מִזְמוֹרחֶֽסֶד־וּמִשְׁפָּט אָשִׁירָהלְךָ יְהֹוָה אֲזַמֵּֽרָה׃	1 לְדָוִד מִזְמֹור חֶסֶד־וּמִשְׁפָּט אָשִׁירָה לְךָ יְהוָה אֲזַמֵּרָה
2 אַשְׂכִּילָה ׀ בְּדֶרֶךְ תָּמִיםמָתַי תָּבוֹא אֵלָיאֶתְהַלֵּךְ בְּתׇם־לְבָבִי בְּקֶרֶב בֵּיתִֽי׃	2 אַשְׂכִּילָה ׀ בְּדֶרֶךְ תָּמִים מָתַי תָּבֹוא אֵלָי אֶתְהַלֵּךְ בְּתָם־לְבָבִי בְּקֶרֶב בֵּיתִי
3 לֹֽא־אָשִׁית ׀ לְנֶגֶד עֵינַי דְּֽבַר־בְּלִיָּעַלעֲשֹֽׂה־סֵטִים שָׂנֵאתִילֹא יִדְבַּק בִּֽי׃	3 לֹא־אָשִׁית ׀ לְנֶגֶד עֵינַי דְּבַר־בְּלִיָּעַל עֲשֹׂה־סֵטִים שָׂנֵאתִי לֹא יִדְבַּק בִּי
4 לֵבָב עִקֵּשׁ יָסוּר מִמֶּנִּירָע לֹא אֵדָֽע׃	4 לֵבָב עִקֵּשׁ יָסוּר מִמֶּנִּי רָע לֹא אֵדָע
5 מלושני מְלׇשְׁנִי בַסֵּתֶר ׀ רֵעֵהוּאוֹתוֹ אַצְמִיתגְּֽבַהּ־עֵינַיִם וּרְחַב לֵבָבאֹתוֹ לֹא אוּכָֽל׃	5 [מְלֹושְׁנִי כ] (מְלָשְׁנִי ק) בַסֵּתֶר ׀ רֵעֵהוּ אֹותֹו אַצְמִית גְּבַהּ־עֵינַיִם וּרְחַב לֵבָב אֹתֹו לֹא אוּכָל
6 עֵינַי ׀ בְּנֶֽאֶמְנֵי־אֶרֶץ לָשֶׁבֶת עִמָּדִיהֹלֵךְ בְּדֶרֶךְ תָּמִיםהוּא יְשָׁרְתֵֽנִי׃	6 עֵינַי ׀ בְּנֶאֶמְנֵי־אֶרֶץ לָשֶׁבֶת עִמָּדִי הֹלֵךְ בְּדֶרֶךְ תָּמִים הוּא יְשָׁרְתֵנִי
7 לֹֽא־יֵשֵׁב ׀ בְּקֶרֶב בֵּיתִי עֹשֵׂה רְמִיָּהדֹּבֵר שְׁקָרִיםלֹֽא־יִכּוֹן לְנֶגֶד עֵינָֽי׃	7 לֹא־יֵשֵׁב ׀ בְּקֶרֶב בֵּיתִי עֹשֵׂה רְמִיָּה דֹּבֵר שְׁקָרִים לֹא־יִכֹּון לְנֶגֶד עֵינָי
8 לַבְּקָרִים אַצְמִית כׇּל־רִשְׁעֵי־אָרֶץלְהַכְרִית מֵעִיר־יְהֹוָה כׇּל־פֹּעֲלֵי אָֽוֶן׃	8 לַבְּקָרִים אַצְמִית כָּל־רִשְׁעֵי־אָרֶץ לְהַכְרִית מֵעִיר־יְהוָה כָּל־פֹּעֲלֵי אָוֶן