Siracide ܝܫܘܥ ܒܪ ܐܣܝܪܐ 51

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml

¹ܐܘܕܐ ܠܟ ܡܪܝܐ ܡܠܟܐ ܘܐܫܒܚ ܫܡܟ ܡܪܝܐ ܒܟܠܝܘܡ ܘܐܫܬܥܐ ܫܡܟ ܒܬܫ̈ܒܚܬܐ²ܬܘܟܠܢܝ ܕܡܢ ܥܠܡ ܡܪܝܡܐ ܕܦܪܩܬ ܢܦܫܝ ܡܢ ܡܘܬܐ ܘܚܣܟܬ ܒܣܪܝ ܡܢ ܚܒܠܐ ܡܢ ܝܕ ܫܝܘܠ ܦܪܩܬ ܪ̈ܓܠܝ³ܘܦܪܩܬܢܝ ܒܣܓܝܐܘܬܐ ܕܪ̈ܚܡܝܟ ܡܢ ܬܘܩܠܬܐ ܘܐܒܕܢܐ ܫܘܙܒܬܢܝ ܘܡܢ ܐܝܕܐ ܕܒ̇ܥܐ ܢܦܫܝ ܦܪܩܬܢܝ ܘܡܢ ܣܘܓܐܐ ܕܥܩ̈ܬܝ ܫܘܙܒܬܢܝ⁴ܘܡܢ ܫܠܗܒܝܬܐ ܕܢܘܪܐ ܕܚܕܪܬܢܝ⁶ܘܡܛܬ ܠܫܝܘܠ ܢܦܫܝ ܘܪܘܚܝ ܠܡܘܬܐ ܐܬܩܪܒܬ⁷ܘܐܬܦܢܝܬ ܠܒܣܬܪܝ ܕܐܬܥܕܪ ܘܣܟܝܬ ܠܕܣ̇ܡܟ ܘܠܝܬ⁸ܘܐܬܕܟܪܬ ܚܣ̈ܕܘܗܝ ܕܡܪܝܐ ܘܛܝܒ̈ܘܬܗ ܕܡܢ ܥܠܡ ܕܡܫܘܙܒ ܠܟܠ ܕܬܟܝܠܝܢ ܥܠܘܗܝ ܘܦ̇ܪܩ ܠܗܘܢ ܡܢ ܡ̇ܢ ܕܬܩܝܦ ܡܢܗܘܢ⁹ܘܐܪܝܡܬ ܡܢ ܐܪܥܐ ܩܠܝ ܘܨܠܝܬ¹⁰ܘܩܪܝܬ ܠܐܒܝ ܡܢ ܡܪܘܡܐ ܡܪܝܐ ܓܢܒܪܐ ܘܦܪܘܩܐ ܠܐ ܬܫܒܘܩܝܢܝ ܒܝܘܡܐ ܕܥܩܬܐ ܕܡܥܝܩܐ¹¹ܐܫܒܚ ܫܡܟ ܒܟܠܙܒܢ ܘܐܬܕܟܪܟ ܒܬܫܒ̈ܚܬܐ ܗ̇ܝܕܝܢ ܫܡܥ ܡܪܝܐ ܒܩܠܝ ܘܨܬ ܠܬܚܢܢܬܝ¹²ܘܫܘܙܒܢܝ ܡܢ ܟܠ ܒܝܫܐ ܘܦܪܩܢܝ ܡܢ ܟܠ ܥܩܐ ܡܛܠ ܗܢܐ ܐܘܕܐ ܘܐܫܒܚ ܘܐܒܪܟ ܫܡܗ ܩܕܝܫܐ¹³ܐܢܐ ܛܠܐ ܘܐܨܛܒܝܬ ܒܗ ܘܒܥܝܬܗ¹⁵ܕܪܟܬ ܪܓܠܝ ܒܩܘܫܬܐ ܡܪܝ ܘܡܢ ܛܠܝܘܬܝ ܝܕܥܬ ܝܘܠܦܢܐ¹⁶ܘܨܠܝܬ ܨܠܘܬܗ ܟܕ ܙܥܘܪ ܐܢܐ ܘܣܓܝ ܐܫܟܚܬ ܝܘܠܦܢܐ¹⁷ܢܝܪܗ ܗܘܐ ܠܝ ܠܐܝܩܪܐ ܘܠܡܠܦܢܝ ܐܬܠ ܬܘܕܝܬܐ¹⁸ܐܬܚܫܒܬ ܠܡܛܐܒܘ ܘܠܐ ܐܗܦܘܟ ܟܕ ܐܫܟܚܝܘܗܝ¹⁹ܐܬܕܒܩܬ ܢܦܫܝ ܒܗ ܘܐ̈ܦܝ ܠܐ ܐܗ̇ܦܟ ܡܢܗ ܝܗܒܬ ܢܦܫܝ ܒܬܪܗ̣ ܘܠܥܠܡ ܥܠܡܝܢ ܠܐ ܐܛܥܝܘܗܝ ܐܝܕܝ ܦܬܚܬ ܬܪܥܗ ܘܐܬܚܕܪܬ ܠܗ ܘܐܣܬܟܠܬ ܒܗ²⁰ܘܒܕܟܝܘܬܐ ܐܫܟܚܬܗ ܘܠܒܐ ܩܢܝܬ ܠܝ ܡܢ ܪܫܝܬܐ ܡܛܠ ܗܢܐ ܠܐ ܐܫܒܩܝܘܗܝ²¹ܡ̈ܥܝ ܝܩܕܝܢ ܐܝܟ ܬܢܘܪܐ ܠܡܕܩܘ ܒܗ ܡܛܠ ܗܢܐ ܩܢܝܬܗ ܩܢܝܢܐ ܛܒܐ²²ܝܗܒ ܡܪܝ ܠܠܫܢܝ ܐܓܪܐ ܘܒ̈ܣܦܘܬܝ ܐܫܒܚܝܘܗܝ²³ܣܛܘ ܠܘܬܝ ܣ̈ܟܠܐ ܘܒܘܬܘ ܒܝܬ ܝܘܠܦܢܐ²⁴ܥܕ ܐܡܬܝ ܬܚܣܪܘܢ ܡܢ ܗܠܝܢ ܘܢܦܫܟܘܢ ܬܗܘܐ ܨܗܝܐ ܠܚܕܐ²⁵ܦܬܚܬ ܦܘܡܝ ܘܡܠܠܬ ܒܗ ܣܒܘ ܠܟܘܢ ܚܟܡܬܐ ܕܠܐ ܟܣܦܐ²⁶ܘܨܘܪܟܘܢ ܐܥܠܘ ܒܢܝܪܗ̇ ܘܬܩܒܠ ܢܦܫܟܘܢ ܡܪܕܘܬܐ ܩܪܝܒܐ ܗܝ ܠܡ̇ܢ ܕܒ̇ܥܐ ܠܗ̇ ܘܕܝܗ̇ܒ ܢܦܫܗ̣ ܡܫܟܚ ܠܗ̇²⁷ܚܙܘ ܒܥ̈ܝܢܝܟܘܢ ܡܛܠ ܕܙܥܘܪ ܗܘ ܥܡܠܬ ܒܗ ܘܐܫܟܚܬܗ ܣܓܝ²⁸ܫܡܥܘ ܝܘܠܦܢܝ ܟܕ ܙܥܘܪ ܘܣܐܡܐ ܘܕܗܒܐ ܬܩܢܘܢ ܒܝ²⁹ܬܚܕܐ ܢܦܫܟܘܢ ܒܬܝܒܘܬܝ ܘܠܐ ܬܒܗܬܘܢ ܒܬܫܒܘܚܬܝ³⁰ܥܒܕܘ ܥܒܕܟܘܢ ܕܠܐ ܒܥܕܢܗ ܘܢܬܝܗܒ ܐܓܪܟܘܢ ܒܥܕܢܗ ܒܪܝܟ ܐܠܗܐ ܠܥܠܡ ܘܡܫܒܚ ܫܡܗ ܠܕܪ ܕܪܝܢ ܫܠܡ ܟܬܒܐ ܕܒܪ ܐܣܝܪܐ

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml

Altre sezioni del sito

Utility

SCRUTATIO

Siracide ܝܫܘܥ ܒܪ ܐܣܝܪܐ 51

Confronta con un'altra Bibbia

Cambia Bibbia