Salmi תהילים (Tehillim) 81

Miqra 'al pi ha-Mesorah	תנ"ך - מקרא על פי המסורה
¹ לַמְנַצֵּחַ ׀ עַֽל־הַגִּתִּית לְאָסָֽף׃	¹ לַמְנַצֵּחַ ׀ עַל־הַגִּתִּית לְאָסָף
² הַרְנִינוּ לֵאלֹהִים עוּזֵּנוּהָרִיעוּ לֵאלֹהֵי יַעֲקֹֽב׃	² הַרְנִינוּ לֵאלֹהִים עוּזֵּנוּ הָרִיעוּ לֵאלֹהֵי יַעֲקֹב
³ שְֽׂאוּ־זִמְרָה וּתְנוּ־תֹףכִּנּוֹר נָעִים עִם־נָֽבֶל׃	³ שְׂאוּ־זִמְרָה וּתְנוּ־תֹף כִּנֹּור נָעִים עִם־נָבֶל
⁴ תִּקְעוּ בַחֹדֶשׁ שׁוֹפָרבַּכֵּסֶה לְיוֹם חַגֵּֽנוּ׃	⁴ תִּקְעוּ בַחֹדֶשׁ שֹׁופָר בַּכֵּסֶה לְיֹום חַגֵּנוּ
⁵ כִּי חֹק לְיִשְׂרָאֵל הוּאמִשְׁפָּט לֵאלֹהֵי יַעֲקֹֽב׃	⁵ כִּי חֹק לְיִשְׂרָאֵל הוּא מִשְׁפָּט לֵאלֹהֵי יַעֲקֹב
⁶ עֵדוּת ׀ בִּיהוֹסֵף שָׂמוֹבְּצֵאתוֹ עַל־אֶרֶץ מִצְרָיִםשְׂפַת לֹא־יָדַעְתִּי אֶשְׁמָֽע׃	⁶ עֵדוּת ׀ בִּיהֹוסֵף שָׂמֹו בְּצֵאתֹו עַל־אֶרֶץ מִצְרָיִם שְׂפַת לֹא־יָדַעְתִּי אֶשְׁמָע
⁷ הֲסִירוֹתִי מִסֵּבֶל שִׁכְמוֹכַּפָּיו מִדּוּד תַּעֲבֹֽרְנָה׃	⁷ הֲסִירֹותִי מִסֵּבֶל שִׁכְמֹו כַּפָּיו מִדּוּד תַּעֲבֹרְנָה
⁸ בַּצָּרָה קָרָאתָ וָאֲחַלְּצֶךָּאֶעֶנְךָ בְּסֵתֶר רַעַםאֶבְחׇנְךָ עַל־מֵי מְרִיבָה סֶֽלָה׃	⁸ בַּצָּרָה קָרָאתָ וָאֲחַלְּצֶךָּ אֶעֶנְךָ בְּסֵתֶר רַעַם אֶבְחָנְךָ עַל־מֵי מְרִיבָה סֶלָה
⁹ שְׁמַע עַמִּי וְאָעִידָה בָּךְיִשְׂרָאֵל אִם־תִּֽשְׁמַֽע־לִֽי׃	⁹ שְׁמַע עַמִּי וְאָעִידָה בָּךְ יִשְׂרָאֵל אִם־תִּשְׁמַע־לִי
¹⁰ לֹא־יִהְיֶה בְךָ אֵל זָרוְלֹא תִשְׁתַּחֲוֶה לְאֵל נֵכָֽר׃	¹⁰ לֹא־יִהְיֶה בְךָ אֵל זָר וְלֹא תִשְׁתַּחֲוֶה לְאֵל נֵכָר
¹¹ אָֽנֹכִי ׀ יְהֹוָה אֱלֹהֶיךָהַֽמַּעַלְךָ מֵאֶרֶץ מִצְרָיִםהַרְחֶב־פִּיךָ וַאֲמַלְאֵֽהוּ׃	¹¹ אָנֹכִי ׀ יְהוָה אֱלֹהֶיךָ הַמַּעַלְךָ מֵאֶרֶץ מִצְרָיִם הַרְחֶב־פִּיךָ וַאֲמַלְאֵהוּ
¹² וְלֹֽא־שָׁמַע עַמִּי לְקוֹלִיוְיִשְׂרָאֵל לֹא־אָבָה לִֽי׃	¹² וְלֹא־שָׁמַע עַמִּי לְקֹולִי וְיִשְׂרָאֵל לֹא־אָבָה לִי
¹³ וָאֲשַׁלְּחֵהוּ בִּשְׁרִירוּת לִבָּםיֵלְכוּ בְּֽמוֹעֲצוֹתֵיהֶֽם׃	¹³ וָאֲשַׁלְּחֵהוּ בִּשְׁרִירוּת לִבָּם יֵלְכוּ בְּמֹועֲצֹותֵיהֶם
¹⁴ לוּ עַמִּי שֹׁמֵעַֽ לִייִשְׂרָאֵל בִּדְרָכַי יְהַלֵּֽכוּ׃	¹⁴ לוּ עַמִּי שֹׁמֵעַ לִי יִשְׂרָאֵל בִּדְרָכַי יְהַלֵּכוּ
¹⁵ כִּמְעַט אוֹיְבֵיהֶם אַכְנִיעַוְעַל צָרֵיהֶם אָשִׁיב יָדִֽי׃	¹⁵ כִּמְעַט אֹויְבֵיהֶם אַכְנִיעַ וְעַל צָרֵיהֶם אָשִׁיב יָדִי
¹⁶ מְשַׂנְאֵי יְהֹוָה יְכַחֲשׁוּ־לוֹוִיהִי עִתָּם לְעוֹלָֽם׃	¹⁶ מְשַׂנְאֵי יְהוָה יְכַחֲשׁוּ־לֹו וִיהִי עִתָּם לְעֹולָם
¹⁷ וַֽיַּאֲכִילֵהוּ מֵחֵלֶב חִטָּהוּמִצּוּר דְּבַשׁ אַשְׂבִּיעֶֽךָ׃	¹⁷ וַיַּאֲכִילֵהוּ מֵחֵלֶב חִטָּה וּמִצּוּר דְּבַשׁ אַשְׂבִּיעֶךָ