Salmi תהילים (Tehillim) 132

Miqra 'al pi ha-Mesorah	Sacra Bibbia Ricciotti
¹ שִׁיר הַֽמַּעֲלוֹתזְכוֹר־יְהֹוָה לְדָוִדאֵת כׇּל־עֻנּוֹתֽוֹ׃	¹ - Cantico de' gradini. Di David. Oh! Com'è bello e giocondoche de' fratelli abitino insieme!
² אֲשֶׁר נִשְׁבַּע לַֽיהֹוָהנָדַר לַאֲבִיר יַעֲקֹֽב׃	² È come l'olio odoroso [sparso] sul capo, che scorre giù sulla barba, sulla barba d'Aronne, che scorre giù sino all'orlo della sua veste.
³ אִם־אָבֹא בְּאֹהֶל בֵּיתִיאִם־אֶעֱלֶה עַל־עֶרֶשׂ יְצוּעָֽי׃	³ E come la rugiada dell'Hermon, che scende sui monti di Sion. Poichè là il Signore ha destinato la benedizione e la vita in perpetuo!
⁴ אִם־אֶתֵּן שְׁנַת לְעֵינָילְֽעַפְעַפַּי תְּנוּמָֽה׃
⁵ עַד־אֶמְצָא מָקוֹם לַיהֹוָהמִשְׁכָּנוֹת לַאֲבִיר יַעֲקֹֽב׃
⁶ הִנֵּֽה־שְׁמַעֲנוּהָ בְאֶפְרָתָהמְצָאנוּהָ בִּשְׂדֵי־יָֽעַר׃
⁷ נָבוֹאָה לְמִשְׁכְּנוֹתָיונִשְׁתַּחֲוֶה לַהֲדֹם רַגְלָֽיו׃
⁸ קוּמָה יְהֹוָה לִמְנוּחָתֶךָאַתָּה וַאֲרוֹן עֻזֶּֽךָ׃
⁹ כֹּהֲנֶיךָ יִלְבְּשׁוּ־צֶדֶקוַחֲסִידֶיךָ יְרַנֵּֽנוּ׃
¹⁰ בַּֽעֲבוּר דָּוִד עַבְדֶּךָאַל־תָּשֵׁב פְּנֵי מְשִׁיחֶֽךָ׃
¹¹ נִשְׁבַּֽע־יְהֹוָה ׀ לְדָוִד אֱמֶתלֹא־יָשׁוּב מִמֶּנָּהמִפְּרִי בִטְנְךָאָשִׁית לְכִסֵּא־לָֽךְ׃
¹² אִֽם־יִשְׁמְרוּ בָנֶיךָ ׀ בְּרִיתִיוְעֵדֹתִי זוֹ אֲלַמְּדֵםגַּם־בְּנֵיהֶם עֲדֵי־עַדיֵשְׁבוּ לְכִסֵּא־לָֽךְ׃
¹³ כִּי־בָחַר יְהֹוָה בְּצִיּוֹןאִוָּהּ לְמוֹשָׁב לֽוֹ׃
¹⁴ זֹאת־מְנוּחָתִי עֲדֵי־עַדפֹּה־אֵשֵׁב כִּי אִוִּתִֽיהָ׃
¹⁵ צֵידָהּ בָּרֵךְ אֲבָרֵךְאֶבְיוֹנֶיהָ אַשְׂבִּיעַֽ לָֽחֶם׃
¹⁶ וְֽכֹהֲנֶיהָ אַלְבִּישׁ יֶשַׁעוַחֲסִידֶיהָ רַנֵּן יְרַנֵּֽנוּ׃
¹⁷ שָׁם אַצְמִיחַ קֶרֶן לְדָוִדעָרַכְתִּי נֵר לִמְשִׁיחִֽי׃
¹⁸ אוֹיְבָיו אַלְבִּישׁ בֹּשֶׁתוְעָלָיו יָצִיץ נִזְרֽוֹ׃