Giobbe ܐܝܘܒ 20

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

¹ܘܥܢܐ ܨܘܦܪ ܢܥܡܬܝܐ ܘܐܡܪ²ܡܛܠ ܗ̈ܠܟܬܝ ܐܬܝܒܘܢܝ ܘܡܛܘܠܬܝ ܟܬܪܘ ܠܝ³ܡܪܕܘܬܐ ܕܡܟܣܢܘܬܝ ܐܫܡܥ ܘܪܘܚܐ ܕܣܘܟܠܝ ܢܥܢܝܢܝ⁴ܗܕܐ ܝܕܥܬ ܡܢ ܥܠܡܐ ܡܢ ܕܐܬܒܪܝ ܐܕܡ ܥܠ ܐܪܥܐ ܡܢܘ ܥܒܕ ܠܐܢܫܐ ܥܠ ܐܪܥܐ⁵ܡܛܠ ܕܬܫܒܘܚܬܗܘܢ ܕܪ̈ܫܝܥܐ ܡܢ ܓܘܗܘܢ ܘܚܕܘܬܗ ܕܚܢܦܐ ܥܕܡܐ ܗܝ ܠܙܒܢ ܙܥܘܪ⁶ܐܢ ܢܣܩ ܠܫܡܝܐ ܪܘܡܗ ܘܪܝܫܗ ܠܥܢ̈ܢܐ ܢܡܛܐ⁷ܐܝܟ ܥܠܥܠܐ ܠܥܠܡ ܢܐܒܕ ܚ̈ܙܝܘܗܝ ܢܐܡܪܘܢ ܐܝܟܘ⁸ܘܐܝܟ ܚܠܡܐ ܢܦܪܚ ܘܠܐ ܢܫܬܟܚ ܘܢܦܪܕ ܐܝܟ ܚܙܘܐ ܕܠܠܝܐ⁹ܥܝܢܐ ܕܚܙܬܗ ܬܘܒ ܠܐ ܬܘܣܦ ܠܡܚܙܝܗ ܘܠܐ ܬܘܒ ܢܚܘܪܘܢ ܐܬܪܗ¹⁰ܒ̈ܢܘܗܝ ܢܬܬܒܪܘܢ ܒܡܣܟܢܘܬܐ ܘܐ̈ܝܕܘܗܝ ܢܘܫ̈ܛܢ ܒܝܠܕܗ¹¹ܓܪ̈ܡܘܗܝ ܡܠܝܢ ܡܘܚܐ ܘܥܡܗ ܥܠ ܐܪܥܐ ܢܫܟܒܘܢ¹²ܐܢ ܬܒܣܡ ܒܦܘܡܗ ܒܝܫܬܗ ܘܢܟܠܐ ܬܚܝܬ ܠܫܢܗ ܢܛܫܝܘܗܝ¹³ܢܚܘܣ ܥܠܘܗܝ ܘܠܐ ܢܫܒܩܝܘܗܝ ܘܢܟܠܝܘܗܝ ܒܓܘ ܚܫܟܗ¹⁴ܠܚܡܗ ܒܡ̈ܥܘܗܝ ܢܬܗܦܟ ܘܡܪܬܐ ܕܬܢܝܢܐ ܒܓܘܗ¹⁵ܘܡܐܟܘܠܬܐ ܕܒܠܥ ܢܬܝܒܝܗ̇ ܡܢ ܟܪܣܗ ܘܢܘܒܕܝܘܗܝ ܐܠܗܐ¹⁶ܡܪܬܐ ܕܦܬܢܐ ܢܐܢܩ ܘܠܫܢܐ ܕܐܣܦܣ ܢܩܛܠܝܘܗܝ¹⁷ܠܐ ܢܚܙܐ ܒܦܘܠܓܐ ܕܢܗܪ̈ܘܬܐ ܘܕܪ̈ܓܠܬܐ ܕܕܒܫܐ ܘܕܚܐܘܬܐ¹⁸ܢܗܦܘܟ ܠܠܐܘܬܐ ܘܠܐ ܢܒܠܥ ܒܚܝܠ ܚܠܦܗ ܠܐ ܢܬܗܢܐ¹⁹ܕܐܬܪܥܝ ܠܡܫܒܩ ܠܡܣܟܢܐ ܘܒܝܬܐ ܕܚܛܘܦܝܐ ܠܐ ܢܬܒܢܐ²⁰ܡܛܠ ܕܠܐ ܝܕܥ ܕܝܢܗ ܒܟܪܣܗ ܘܒܪ̈ܓܝܓܬܗ ܠܐ ܢܬܦܠܛ²¹ܠܝܬ ܕܦ̇ܠܛ ܡܢ ܬ̈ܘܠܕܬܗ ܡܛܠ ܗܢܐ ܠܐ ܬܟܬܪ ܛܒܬܗ²²ܒܟܝܠܬܐ ܕܐܟܝܠ ܢܬܦܪܥ ܘܟܠܗ̇ ܐܝܕܐ ܕܥ̇ܘ̈ܠܐ ܬܐܬܐ ܥܠܘܗܝ²³ܘܢܗܘܐ ܠܐܒܕܢܐ ܒܛܢܗ ܘܢܓܪܐ ܒܗ ܚܡܬܐ ܕܪܘܓܙܗ ܘܢܡܛܪ ܥܠܘܗܝ ܒܩܪܒܬܢܘܬܗ²⁴ܕܥ̇ܪܩ ܡܢ ܫܪܝܢܐ ܕܦܪܙܠܐ ܬܥܒܪ ܥܠܘܗܝ ܩܫܬܐ ܕܢܚܫܐ²⁵ܬܫܡܘܛ ܘܬܦܩ ܓܘܝܗ ܘܡܫܟܐ ܕܡܪܪܬܗ ܢܬܒܙܥ ܥܠܘܗܝ ܐܡܝܢ ܬܘܩܦܐ²⁶ܘܟܠ ܚܫܘܟܐ ܛܡܝܪ ܠܬܘ̈ܠܕܬܗ ܬܐܟܠܝܘܗܝ ܢܘܪܐ ܕܠܐ ܢܦܝܚܐ ܘܢܐܒܫ ܣܪܝܕܐ ܒܡܫܟܢܗ²⁷ܢܓܠܘܢ ܫܡܝܐ ܚ̈ܛܗܘܗܝ ܘܐܪܥܐ ܬܬܢܩܡ ܡܢܗ²⁸ܢܬ̈ܓܠܝܢ ܫ̈ܬܐܣܐ ܕܒܝܬܗ ܘܢܬܢܓܕ ܒܝܘܡܐ ܕܪܘܓܙܐ²⁹ܗܕܐ ܗܝ ܡܢܬܗ ܕܒܪܢܫܐ ܪܫܝܥܐ ܡܢ ܩܕܡ ܐܠܗܐ ܘܝܪܬܘܬܐ ܕܡ̈ܠܘܗܝ ܡܢ ܡܪܘܡܐ

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

Altre sezioni del sito

Utility

SCRUTATIO

Giobbe ܐܝܘܒ 20

Confronta con un'altra Bibbia

Cambia Bibbia