Ad Corinthios I 11

VULGATA	NOVA VULGATA
1 Imitatores mei estote, sicut et ego Christi.	1 Imitatores mei estote, sicut et ego Christi.
2 Laudo autem vos fratres quod per omnia mei memores estis : et sicut tradidi vobis, præcepta mea tenetis.	2 Laudo autem vos quod omnia mei memores estis et, sicut tradidi vobis,traditiones meas tenetis.
3 Volo autem vos scire quod omnis viri caput, Christus est : caput autem mulieris, vir : caput vero Christi, Deus.	3 Volo autem vos scire quod omnis viri caput Christusest, caput autem mulieris vir, caput vero Christi Deus.
4 Omnis vir orans, aut prophetans velato capite, deturpat caput suum.	4 Omnis vir orans autprophetans velato capite deturpat caput suum;
5 Omnis autem mulier orans, aut prophetans non velato capite, deturpat caput suum : unum enim est ac si decalvetur.	5 omnis autem mulier orans autprophetans non velato capite deturpat caput suum; unum est enim atque sidecalvetur.
6 Nam si non velatur mulier, tondeatur. Si vero turpe est mulieri tonderi, aut decalvari, velet caput suum.	6 Nam si non velatur mulier, et tondeatur! Si vero turpe est mulieritonderi aut decalvari, veletur.
7 Vir quidem non debet velare caput suum : quoniam imago et gloria Dei est, mulier autem gloria viri est.	7 Vir quidem non debet velare caput, quoniam imago et gloria est Dei; mulierautem gloria viri est.
8 Non enim vir ex muliere est, sed mulier ex viro.	8 Non enim vir ex muliere est, sed mulier ex viro;
9 Etenim non est creatus vir propter mulierem, sed mulier propter virum.	9 etenim non est creatus vir propter mulierem, sed mulier propter virum.
10 Ideo debet mulier potestatem habere supra caput propter angelos.	10 Ideodebet mulier potestatem habere supra caput propter angelos.
11 Verumtamen neque vir sine muliere : neque mulier sine viro in Domino.	11 Verumtamen nequemulier sine viro, neque vir sine muliere in Domino;
12 Nam sicut mulier de viro, ita et vir per mulierem : omnia autem ex Deo.	12 nam sicut mulier de viro,ita et vir per mulierem, omnia autem ex Deo.
13 Vos ipsi judicate : decet mulierem non velatam orare Deum ?	13 In vobis ipsi iudicate: Decetmulierem non velatam orare Deum?
14 Nec ipsa natura docet vos, quod vir quidem si comam nutriat, ignominia est illi :	14 Nec ipsa natura docet vos quod vir quidem,si comam nutriat, ignominia est illi;
15 mulier vero si comam nutriat, gloria est illi : quoniam capilli pro velamine ei dati sunt.	15 mulier vero, si comam nutriat, gloriaest illi? Quoniam coma pro velamine ei data est.
16 Si quis autem videtur contentiosus esse : nos talem consuetudinem non habemus, neque ecclesia Dei.	16 Si quis autem videturcontentiosus esse, nos talem consuetudinem non habemus, neque ecclesiae Dei.
17 Hoc autem præcipio : non laudans quod non in melius, sed in deterius convenitis.	17 Hoc autem praecipio, non laudans quod non in melius sed in deteriusconvenitis.
18 Primum quidem convenientibus vobis in ecclesiam, audio scissuras esse inter vos, et ex parte credo.	18 Primum quidem convenientibus vobis in ecclesia, audio scissurasinter vos esse et ex parte credo.
19 Nam oportet et hæreses esse, ut et qui probati sunt, manifesti fiant in vobis.	19 Nam oportet et haereses inter vos esse, utet, qui probati sunt, manifesti fiant in vobis.
20 Convenientibus ergo vobis in unum, jam non est Dominicam cœnam manducare.	20 Convenientibus ergo vobis inunum, non est dominicam cenam manducare;
21 Unusquisque enim suam cœnam præsumit ad manducandum, et alius quidem esurit, alius autem ebrius est.	21 unusquisque enim suam cenampraesumit in manducando, et alius quidem esurit, alius autem ebrius est.
22 Numquid domos non habetis ad manducandum, et bibendum ? aut ecclesiam Dei contemnitis, et confunditis eos qui non habent ? Quid dicam vobis ? laudo vos ? in hoc non laudo.	22 Numquid domos non habetis ad manducandum et bibendum? Aut ecclesiam Deicontemnitis et confunditis eos, qui non habent? Quid dicam vobis? Laudabo vos?In hoc non laudo!
23 Ego enim accepi a Domino quod et tradidi vobis, quoniam Dominus Jesus in qua nocte tradebatur, accepit panem,	23 Ego enim accepi a Domino, quod et tradidi vobis, quoniam Dominus Iesus, inqua nocte tradebatur, accepit panem
24 et gratias agens fregit, et dixit : Accipite, et manducate : hoc est corpus meum, quod pro vobis tradetur : hoc facite in meam commemorationem.	24 et gratias agens fregit et dixit: “ Hocest corpus meum, quod pro vobis est; hoc facite in meam commemorationem ”;
25 Similiter et calicem, postquam cœnavit, dicens : Hic calix novum testamentum est in meo sanguine : hoc facite quotiescumque bibetis, in meam commemorationem.	25 similiter et calicem, postquam cenatum est, dicens: “ Hic calix novumtestamentum est in meo sanguine; hoc facite, quotiescumque bibetis, in meamcommemorationem ”.
26 Quotiescumque enim manducabitis panem hunc, et calicem bibetis, mortem Domini annuntiabitis donec veniat.	26 Quotiescumque enim manducabitis panem hunc et calicembibetis, mortem Domini annuntiatis, donec veniat.
27 Itaque quicumque manducaverit panem hunc, vel biberit calicem Domini indigne, reus erit corporis et sanguinis Domini.	27 Itaque, quicumquemanducaverit panem vel biberit calicem Domini indigne, reus erit corporis etsanguinis Domini.
28 Probet autem seipsum homo : et sic de pane illo edat, et de calice bibat.	28 Probet autem seipsum homo, et sic de pane illo edat et decalice bibat;
29 Qui enim manducat et bibit indigne, judicium sibi manducat et bibit, non dijudicans corpus Domini.	29 qui enim manducat et bibit, iudicium sibi manducat et bibit nondiiudicans corpus.
30 Ideo inter vos multi infirmi et imbecilles, et dormiunt multi.	30 Ideo inter vos multi infirmi et imbecilles et dormiuntmulti.
31 Quod si nosmetipsos dijudicaremus, non utique judicaremur.	31 Quod si nosmetipsos diiudicaremus, non utique iudicaremur;
32 Dum judicamur autem, a Domino corripimur, ut non cum hoc mundo damnemur.	32 dumiudicamur autem, a Domino corripimur, ut non cum hoc mundo damnemur
33 Itaque fratres mei, cum convenitis ad manducandum, invicem exspectate.	33 Itaque,fratres mei, cum convenitis ad manducandum, invicem exspectate.
34 Si quis esurit, domi manducet, ut non in judicium conveniatis. Cetera autem, cum venero, disponam.	34 Si quisesurit, domi manducet, ut non in iudicium conveniatis. Cetera autem, cum venero,disponam.