Salmi תהילים (Tehillim) 97

Miqra 'al pi ha-Mesorah	Stuttgartensia - Delitzsch
¹ יְהֹוָה מָלָךְ תָּגֵל הָאָרֶץיִשְׂמְחוּ אִיִּים רַבִּֽים׃	¹ יְהוָה מָלָךְ תָּגֵל הָאָרֶץ יִשְׂמְחוּ אִיִּים רַבִּים
² עָנָן וַעֲרָפֶל סְבִיבָיוצֶדֶק וּמִשְׁפָּט מְכוֹן כִּסְאֽוֹ׃	² עָנָן וַעֲרָפֶל סְבִיבָיו צֶדֶק וּמִשְׁפָּט מְכֹון כִּסְאֹו
³ אֵשׁ לְפָנָיו תֵּלֵךְוּתְלַהֵט סָבִיב צָרָֽיו׃	³ אֵשׁ לְפָנָיו תֵּלֵךְ וּתְלַהֵט סָבִיב צָרָיו
⁴ הֵאִירוּ בְרָקָיו תֵּבֵלרָאֲתָה וַתָּחֵל הָאָֽרֶץ׃	⁴ הֵאִירוּ בְרָקָיו תֵּבֵל רָאֲתָה וַתָּחֵל הָאָרֶץ
⁵ הָרִים כַּדּוֹנַג נָמַסּוּ מִלִּפְנֵי יְהֹוָהמִלִּפְנֵי אֲדוֹן כׇּל־הָאָֽרֶץ׃	⁵ הָרִים כַּדֹּונַג נָמַסּוּ מִלִּפְנֵי יְהוָה מִלִּפְנֵי אֲדֹון כָּל־הָאָרֶץ
⁶ הִגִּידוּ הַשָּׁמַיִם צִדְקוֹוְרָאוּ כׇל־הָעַמִּים כְּבוֹדֽוֹ׃	⁶ הִגִּידוּ הַשָּׁמַיִם צִדְקֹו וְרָאוּ כָל־הָעַמִּים כְּבֹודֹו
⁷ יֵבֹשׁוּ ׀ כׇּל־עֹבְדֵי פֶסֶלהַמִּֽתְהַלְלִים בָּאֱלִילִיםהִשְׁתַּחֲווּ־לוֹ כׇּל־אֱלֹהִֽים׃	⁷ יֵבֹשׁוּ ׀ כָּל־עֹבְדֵי פֶסֶל הַמִּתְהַלְלִים בָּאֱלִילִים הִשְׁתַּחֲווּ־לֹו כָּל־אֱלֹהִים
⁸ שָׁמְעָה וַתִּשְׂמַח ׀ צִיּוֹןוַתָּגֵלְנָה בְּנוֹת יְהוּדָהלְמַעַן מִשְׁפָּטֶיךָ יְהֹוָֽה׃	⁸ שָׁמְעָה וַתִּשְׂמַח ׀ צִיֹּון וַתָּגֵלְנָה בְּנֹות יְהוּדָה לְמַעַן מִשְׁפָּטֶיךָ יְהוָה
⁹ כִּֽי־אַתָּה יְהֹוָהעֶלְיוֹן עַל־כׇּל־הָאָרֶץמְאֹד נַעֲלֵיתָ עַל־כׇּל־אֱלֹהִֽים׃	⁹ כִּי־אַתָּה יְהוָה עֶלְיֹון עַל־כָּל־הָאָרֶץ מְאֹד נַעֲלֵיתָ עַל־כָּל־אֱלֹהִים
¹⁰ אֹֽהֲבֵי יְהֹוָה שִׂנְאוּ רָעשֹׁמֵר נַפְשׁוֹת חֲסִידָיומִיַּד רְשָׁעִים יַצִּילֵֽם׃	¹⁰ אֹהֲבֵי יְהוָה שִׂנְאוּ רָע מֵר נַפְשֹׁות חֲסִידָיו מִיַּד רְשָׁעִים יַצִּילֵם
¹¹ אוֹר זָרֻעַ לַצַּדִּיקוּֽלְיִשְׁרֵי־לֵב שִׂמְחָֽה׃	¹¹ אֹור זָרֻעַ לַצַּדִּיק וּלְיִשְׁרֵי־לֵב שִׂמְחָה
¹² שִׂמְחוּ צַדִּיקִים בַּיהֹוָהוְהוֹדוּ לְזֵכֶר קׇדְשֽׁוֹ׃	¹² שִׂמְחוּ צַדִּיקִים בַּיהוָה וְהֹודוּ לְזֵכֶר קָדְשֹׁו