Salmi תהילים (Tehillim) 87

Miqra 'al pi ha-Mesorah	Modern Hebrew Bible
¹ לִבְנֵי־קֹרַח מִזְמוֹר שִׁיריְסוּדָתוֹ בְּהַרְרֵי־קֹֽדֶשׁ׃	¹ לבני קרח מזמור שיר יסודתו בהררי קדש
² אֹהֵב יְהֹוָה שַׁעֲרֵי צִיּוֹןמִכֹּל מִשְׁכְּנוֹת יַעֲקֹֽב׃	² אהב יהוה שערי ציון מכל משכנות יעקב
³ נִכְבָּדוֹת מְדֻבָּר בָּךְעִיר הָאֱלֹהִים סֶֽלָה׃	³ נכבדות מדבר בך עיר האלהים סלה
⁴ אַזְכִּיר ׀ רַהַב וּבָבֶל לְֽיֹדְעָיהִנֵּה פְלֶשֶׁת וְצֹר עִם־כּוּשׁזֶה יֻלַּד־שָֽׁם׃	⁴ אזכיר רהב ובבל לידעי הנה פלשת וצור עם כוש זה ילד שם
⁵ וּלְצִיּוֹן ׀ יֵאָמַר אִישׁ וְאִישׁ יֻלַּד־בָּהּוְהוּא יְכוֹנְנֶהָ עֶלְיֽוֹן׃	⁵ ולציון יאמר איש ואיש ילד בה והוא יכוננה עליון
⁶ יְֽהֹוָה יִסְפֹּר בִּכְתוֹב עַמִּיםזֶה יֻלַּד־שָׁם סֶֽלָה׃	⁶ יהוה יספר בכתוב עמים זה ילד שם סלה
⁷ וְשָׁרִים כְּחֹלְלִיםכׇּֽל־מַעְיָנַי בָּֽךְ׃	⁷ ושרים כחללים כל מעיני בך