Giudici ܕܝ̈ܢܐ 18

1 2 3 4 5 6 7 8 9 10 11 12 13 14 15 16 17 18 19 20 21

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne

¹ܒܝ̈ܘܡܬܐ ܗܢܘܢ ܠܝܬ ܗܘܐ ܡܠܟܐ ܒܝܬ ܐܝܣܪܝܠ ܘܒܝ̈ܘܡܬܐ ܗܢܘܢ ܫܒܛܐ ܕܕܢ ܒܥܐ ܗܘܐ ܠܗ ܦܠܓܘܬܐ ܠܡܬܒ ܡܛܘܠ ܕܠܐ ܐܬܦܠܓܬ ܗܘܬ ܥܕܡܐ ܠܝܘܡܐ ܗܘ ܝܪܬܘܬܐ ܒܝܢܬ ܫܒ̈ܛܐ ܕܐܝܣܪܝܠ²ܘܫܕܪܘ ܒܢ̈ܝ ܕܢ ܡܢ ܫܪ̈ܒܬܗܘܢ ܚܡܫܐ ܓܒܪ̈ܝܢ ܡܢ ܨܕܥܐ ܘܡܢ ܐܫܬܘܐܝܠ ܠܡܓܫ ܐܪܥܐ ܘܠܡܒܕܩܗ̇ ܘܐܡܪ̈ܝܢ ܠܗܘܢ ܙܠܘ ܒܘܕܩܘܗ ܠܐܪܥܐ ܘܐܬܘ ܠܛܘܪܐ ܕܐܦܪܝܡ ܥܕܡܐ ܠܒܝܬ ܡܝܟܐ ܘܒܬܘ ܬܡܢ³ܗܢܘܢ ܒܝܬ ܡܝܟܐ ܘܐܫܬܘܕܥܘ ܠܩܠܗ ܕܥܠܝܡܐ ܠܘܝ ܘܣܛܘ ܠܘܬܗ ܠܬܡܢ ܘܐܡܪܘ ܠܗ ܡܢܐ ܐܬܝܬ ܠܗܪܟܐ ܘܡܢܐ ܥܒܕ ܐܢܬ ܗܪܟܐ⁴ܐܡܪ ܠܗܘܢ ܗܟܢܐ ܘܗܟܢܐ ܥܒܕ ܠܝ ܡܝܟܐ ܘܐܓܪܢܝ ܘܗܘܝܬ ܠܗ ܟܘܡܪܐ⁵ܐܡܪܝܢ ܠܗ ܫܐܠ ܠܢ ܒܐܠܗܐ ܘܢܕܥ ܐܢ ܡܟܫܪܐ ܐܘܪܚܐ ܕܐܙܠܝܢܢ ܥܠܝܗ⁶ܐܡܪ ܠܗܘܢ ܟܘܡܪܐ ܙܠܘ ܒܫܠܡܐ ܘܡܪܝܐ ܢܬܩܢ ܐܘܪܚܟܘܢ ܕܬܐܙܠܘܢ ܥܠܝܗ⁷ܘܐܙܠܘ ܚܡܫܐ ܓܒܪ̈ܝܢ ܠܠܝܫ ܘܚܙܘ ܠܥܡܐ ܕܝܬܒ ܒܓܘܗ̇ ܕܝܬܒܝܢ ܒܫܠܝܐ ܐܝܟ ܢܡܘܣܐ ܕܨܝ̈ܕܢܝܐ ܫܠܝܢ ܘܒܗܝܠܝܢ ܘܠܝܬ ܕܡܗܪ ܒܐܪܥܐ ܐܦ ܠܐ ܕܐܠܨ ܘܡܥܝܩ ܘܪܚܝܩܝܢ ܐܢܘܢ ܡܢ ܨܝ̈ܕܢܝܐ ܘܡܠܬܐ ܠܝܬ ܠܗܘܢ ܥܡ ܒܪܢܫ⁸ܘܐܬܘ ܠܘܬ ܐܚܝ̈ܗܘܢ ܠܨܕܥܐ ܘܠܐܫܬܘܐܝܠ ܘܐܡܪ̈ܝܢ ܠܗܘܢ ܐ̈ܚܝܗܘܢ ܐܝܡܟܐ ܐܬܝܬܘܢ⁹ܘܐܡܪܝܢ ܡܢ ܠܝܫ ܩܘܡܘ ܗܫܐ ܢܣܩ ܥܠܝܗܘܢ ܡܛܘܠ ܕܚܙܝܢܗ̇ ܠܐܪܥܐ ܘܛܒܐ ܗܝ ܛܒ ܘܐܢܬܘܢ ܠܐ ܬܫܬܩܘܢ ܐܦܠܐ ܬܬܚܒܢܘܢ ܠܡܐܙܠ ܘܠܡܥܠ ܘܠܡܐܪܬ ܐܪܥܐ¹⁰ܒܡ̈ܥܠܢܝܗܘܢ ܥܐܠܝܢ ܐܢܬܘܢ ܥܠ ܥܡܐ ܟܗܝܢܐ ܘܐܪܥܐ ܐܪܘܚܬܐ ܕܐ̈ܝܕܝܐ ܩܕܡܝܟܘܢ ܡܛܘܠ ܕܐܫܠܡܗ̇ ܐܠܗܐ ܒܐ̈ܝܕܝܟܘܢ ܕܠܐ ܬܚܣܪܘܢ ܡܕܡ ܒܐܪܥܐ¹¹ܘܫܩܠܘ ܡܢ ܬܡܢ ܫܪܒܬܐ ܕܕܢ ܡܢ ܨܕܥܐ ܘܡܢ ܐܫܬܘܐܝܠ ܫܬܡܐܐ ܓܒܪ̈ܝܢ ܕܡܙܝܢ̈ܝܢ ܒܡܐ̈ܢܝ ܩܪܒܐ¹²ܘܣܠܩܘ ܘܫܪܘ ܒܩܘܪܝܬ ܢܥܪܝܢ ܕܝܗܘܕܐ ܡܛܘܠ ܗܢܐ ܩܪܐܘܗܝ ܠܐܬܪܐ ܗܘ ܡܫܪܝܬܐ ܕܕܢ ܥܕܡܐ ܠܝܘܡܢܐ ܗܐ ܒܣܬܪ ܩܘܪܝܬ ܢܥܪܝܢ¹³ܘܥܒܪܘ ܡܢ ܬܡܢ ܠܛܘܪܐ ܕܐܦܪܝܡ ܘܐܙܠܘ ܥܕܡܐ ܠܒܝܬ ܡܝܟܐ¹⁴ܘܥܢܘ ܚܡܫܐ ܓܒܪ̈ܝܢ ܕܐܙܠܘ ܠܡܓܫ ܐܪܥܐ ܕܠܝܫ ܘܐܡܪܘ ܠܐܚܝ̈ܗܘܢ ܝܕܥܝܢ ܐܢܬܘܢ ܕܐܝܬ ܒܪ̈ܡܬܐ ܗܠܝܢ ܦܕܬܐ ܘܦܪܝܣܐ ܘܨܠܡܐ ܓܠܝܦܐ ܘܢܣܝܟܐ ܘܗܫܐ ܕܥܘ ܡܢܐ ܥܒܕܝܢ ܐܢܬܘܢ¹⁵ܘܣܛܘ ܘܥܠܘ ܠܒܝܬ ܥܠܝܡܐ ܠܘܝ ܠܒܝܬ ܡܝܟܐ ܘܫܐܠܘ ܒܫܠܡܗ¹⁶ܘܫܬܡܐܐ ܓܒܪ̈ܝܢ ܕܡܙܝܢ̈ܝܢ ܒܡܐ̈ܢܝ ܩܪܒܐ ܩܝܡܝܢ ܒܡܥܠܢܐ ܕܬܪܥܐ ܡܢ ܒܢ̈ܝ ܕܢ¹⁷ܘܣܠܩܘ ܚܡܫܐ ܓܒܪ̈ܝܢ ܕܐܙܠܘ ܠܡܓܫ ܐܪܥܐ ܘܥܠܘ ܠܬܡܢ ܘܢܣܒܘ ܨܠܡܐ ܘܦܕܬܐ ܘܦܪܝܣܐ ܘܚܫܠܬܐ ܘܟܘܡܪܐ ܟܕ ܩܐܡ ܒܡܥܠܢܐ ܕܬܪܥܐ ܘܫܬܡܐܐ ܓܒܪ̈ܝܢ ܗܢܘܢ ܕܡܙܝܢܝܢ ܒܡܐ̈ܢܝ ܩܪܒܐ¹⁸ܥܠܘ ܠܒܝܬ ܡܝܟܐ ܘܢܣܒܘ ܨܠܡܐ ܘܦܕܬܐ ܘܦܪܝܣܐ ܘܚܫܠܬܐ ܐܡܪ ܠܗܘܢ ܟܘܡܪܐ ܡܢܐ ܥܒܕܝܢ ܐܢܬܘܢ¹⁹ܐܡܪܝܢ ܠܗ ܫܬܘܩ ܣܝܡ ܐܝܕܟ ܥܠ ܦܘܡܟ ܘܬܐ ܥܡܢ ܘܗܘܝ ܠܢ ܐܒܐ ܘܟܘܡܪܐ ܐܝܢܐ ܛܒ ܠܟ ܕܬܗܘܐ ܟܘܡܪܐ ܠܒܝܬ ܓܒܪܐ ܚܕ ܐܘ ܕܬܗܘܐ ܟܘܡܪܐ ܠܛܘܗܡܐ ܘܠܫܪܒܬܐ ܕܐܝܣܪܝܠ²⁰ܘܫܦܪ ܠܒܗ ܕܟܘܡܪܐ ܘܢܣܒ ܨܠܡܐ ܘܦܕܬܐ ܘܦܪܝܣܐ ܘܐܙܠ ܥܡ ܥܡܐ²¹ܘܐܬܦܢܝܘ ܘܥܒܪܘ ܘܐܙܠܘ ܘܢܩ̈ܘܬܐ ܘܩܢܝܢܐ ܘܒܥܝܪܐ ܩܕܡܝܗܘܢ²²ܗܢܘܢ ܐܪܚܩܘ ܡܢ ܒܝܬ ܡܝܟܐ ܘܓܒܪܐ ܕܐܝܬ ܒܒܝܬܐ ܥܠ ܓܢܒ ܒܝܬ ܡܝܟܐ ܩܥܐ ܘܪܕܦ ܒܬܪ ܒ̈ܢܝ ܕܢ²³ܘܩܪܐ ܠܒܢ̈ܝ ܕܢ ܘܐܬܦܢܝܘ ܘܐܡܪܘ ܠܡܝܟܐ ܡܐ ܠܟ ܕܩܥܐ ܐܢܬ²⁴ܐܡܪ ܠܗܘܢ ܐܠܗܐ ܕܥܒܕܬ ܢܣܒܬܘܢ ܘܐܦ ܠܟܘܡܪܐ ܕܒܪܬܘܢ ܘܐܙܠܬܘܢ ܘܡܢܐ ܐܝܬ ܠܝ ܬܘܒ ܕܐܡܪܝܢ ܐܢܬܘܢ ܠܝ ܡܐ ܠܟ²⁵ܘܐܡܪܘ ܠܗ ܒܢ̈ܝ ܕܢ ܠܐ ܬܫܡܥ ܩܠܟ ܠܘܬܢ ܕܠܡܐ ܢܦܓܥܘܢ ܒܟ ܐܢܫܐ ܡܪ̈ܝܪܝ ܢܦܫܐ ܘܬܘܒܕ ܢܦܫܟ ܘܢܦܫܐ ܕܒܢܝ̈ܟ²⁶ܘܐܙܠܘ ܒܢ̈ܝ ܕܢ ܠܐܘܪܚܗܘܢ ܘܟܕ ܚܙܐ ܡܝܟܐ ܕܥܫܝܢܝܢ ܐܢܘܢ ܡܢܗ ܐܬܦܢܝ ܘܐܬܐ ܠܒܝܬܗ²⁷ܘܗܢܘܢ ܢܣܒܘ ܠܡܕܡ ܕܥܒܕ ܡܝܟܐ ܘܕܒܪܘ ܠܟܘܡܪܐ ܕܐܝܬ ܗܘܐ ܠܗ ܘܥܠܘ ܠܠܝܫ ܥܠ ܥܡܐ ܟܗܝܢܐ ܘܫܠܝܐ ܘܡܚܘ ܐܢܘܢ ܒܦܘܡܐ ܕܚܪܒܐ ܘܠܩܪܝܬܐ ܐܘܩܕܘ ܒܢܘܪܐ²⁸ܘܠܝܬ ܡ̇ܢ ܕܡܦܨܐ ܡܛܠ ܕܪܚܝܩܐ ܗܘܬ ܡܢ ܨܝܕܢ ܘܡܠܬܐ ܠܝܬ ܗܘܐ ܠܗܘܢ ܥܡ ܒܪ ܐܢܫ ܘܗܝ ܒܥܘܡܩܐ ܗܘܬ ܕܒܝܬ ܪܚܘܒ ܘܒܢܐܘܗ ܠܩܪܝܬܐ ܘܐܝܬܒܘ ܒܗ̇²⁹ܘܩܪܘ ܫܡܗ̇ ܕܩܪܝܬܐ ܕܢ ܥܠ ܫܡ ܕܢ ܐܒܘܗܘܢ ܕܐܬܝܠܕ ܠܐܝܣܪܝܠ ܒܪܡ ܠܘܙ ܫܡܗ̇ ܗܘܐ ܠܩܪܝܬܐ ܡܢ ܩܕܝܡ³⁰ܘܐܩܝܡܘ ܠܗܘܢ ܒܢ̈ܝ ܕܢ ܨܠܡܐ ܘܝܘܢܬܢ ܒܪ ܓܪܫܘܢ ܒܪ ܡܢܫܐ ܗܘ ܘܒܢ̈ܘܗܝ ܗܘܘ ܟܘܡܪ̈ܐ ܠܫܒܛܐ ܕܕܢ ܥܕܡܐ ܠܝܘܡܐ ܕܐܫܬܒܝܬ ܐܪܥܐ³¹ܘܣܡܘܗܝ ܠܗܘܢ ܨܠܡܐ ܕܡܝܟܐ ܕܥܒܕܘ ܟܠܗܘܢ ܝܘܡ̈ܬܐ ܕܗܘܐ ܒܝܬܗ ܕܐܠܗܐ ܒܫܝܠܘ

1 2 3 4 5 6 7 8 9 10 11 12 13 14 15 16 17 18 19 20 21

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne

Altre sezioni del sito

Utility

SCRUTATIO

Giudici ܕܝ̈ܢܐ 18

Confronta con un'altra Bibbia

Cambia Bibbia