Neemia ܢܚܡܝܐ 11

¹ܘܢܬܒܘܢ ܩܫܝ̈ܫܝ ܥܡܐ ܒܐܘܪܫܠܡ ܘܫܪܟܐ ܕܥܡܐ ܢܪܡܘܢ ܦ̈ܨܐ ܠܡܝܬܝܘ ܚܕ ܡܢ ܥܣܪܐ ܒܢ̈ܝ ܐܢܫܐ ܠܡܥܡܪ ܒܐܘܪܫܠܡ ܡܕܝܢܬܐ ܕܩܘܕܫܐ ܘܬܫܥ ܡܢ̈ܘܢ ܢܗܘܘܢ ܒܩܘܪ̈ܝܐ²ܘܒܪܟܘ ܥܡܐ ܠܟܠܗܘܢ ܐܢܫܐ ܐܝܠܝܢ ܕܨܒܘ ܡܢ ܪܥܝܢܗܘܢ ܠܡܬܒ ܒܐܘܪܫܠܡ³ܘܗܠܝܢ ܪ̈ܝܫܐ ܕܡܕܝܢܬܐ ܕܝܬܒܘ ܒܐܘܪܫܠܡ ܘܒܩܘܪ̈ܝܐ ܕܝܗܘܕܐ ܘܝܬܒܘ ܓܒܪܐ ܘܝܘܪܬܢܗ ܒܩܘܪ̈ܝܗܘܢ ܕܐܝܣܪܝܠ ܟܘܡܪ̈ܐ ܘܠܘܝ̈ܐ ܘܥܡܐ ܘܒܢ̈ܝ ܥ̈ܒ̣ܕܝ ܫܠܝܡܘܢ⁴ܒܐܘܪܫܠܡ ܘܡܢ ܒܢ̈ܝ ܝܗܘܕܐ ܘܡܢ ܒܢ̈ܝ ܒܢܝܡܝܢ ܘܡܢ ܒܢ̈ܝ ܗܘܕܝܐ ܢܬܢܝܐ ܒܪ ܥܘܙܝܐ ܒܪ ܙܟܪܝܐ ܒܪ ܐܡܪܝܐ ܒܪ ܫܦܛܝܐ ܒܪ ܡܗܠܠܐܝܠ ܡܢ ܒܢ̈ܝ ܦܪܨ⁵ܡܥܣܝܐ ܒܪ ܒܪܘܟ ܒܪ ܟܠܚܙܐ ܒܪ ܚܕܝܐ ܒܪ ܥܙܪܝܐ ܒܪ ܝܘܢܕܒ ܒܪ ܙܟܪܝܐ ܒܪ ܫܠܐ⁶ܟܠܗܘܢ ܒܢ̈ܝ ܦܪܨ ܕܥܡܪܝܢ ܒܐܘܪܫܠܡ ܐܪܒܥܡܐܐ ܘܐܫܬܝܢ ܘܬܡܢܝܐ ܓܢܒܪ̈ܝ ܚܝܠܐ⁷ܘܗܠܝܢ ܒܢ̈ܝ ܒܢܝܡܝܢ ܣܠܐ ܒܪ ܡܫܠܘܡ ܒܪ ܝܘܝܕܥ ܒܪ ܦܪܝܐ ܒܪ ܩܠܝܐ ܒܪ ܢܥܣܝܐ ܒܪ ܐܢܬܝܐܝܠ ܒܪ ܐܫܥܝܐ⁸ܘܒܬܪܗ ܬܫܥܡܐܐ ܘܥܣܪܝܢ ܘܬܡܢܝܐ⁹ܘܝܘܐܝܠ ܒܪ ܙܟܪܝܐ ܫܠܝܛ ܥܠܝܗܘܢ ܘܝܗܘܕܐ ܒܪ ܣܢܐܐ ܫܠܝܛ ܥܠ ܩܪܝܬܐ ܕܬܪ̈ܬܝܢ¹⁰ܡܢ ܟܘܡܪ̈ܐ ܒܪܟܝܐ ܒܪ ܝܘܝܕܥ¹¹ܘܣܪܝܐ ܒܪ ܚܠܩܝܐ ܒܪ ܡܫܠܘܡ ܒܪ ܨܕܘܩ ܒܪ ܡܪܝܟܘܬ ܒܪ ܐܚܝܛܘܒ ܫܠܝܛ ܥܠ ܒܝܬܐ ܕܡܪܝܐ¹²ܘܐܚܘ̈ܗܝ ܥܒܕܝܢ ܥܒ̇ܕܐ ܠܓܘ ܬܡܢܡܐܐ ܘܥܣܪܝܢ ܘܬܪܝܢ ܘܥܙܪܝܐ ܒܪ ܝܪܚܘܡ ܒܪ ܦܠܢܝܐ ܒܪ ܐܡܨܪ ܒܪ ܙܟܪܝܐ ܒܪ ܦܫܚܘܪ ܒܪ ܡܠܟܝܐ¹³ܘܐܚܝ̈ܗܘܢ ܪ̈ܫܐ ܠܒܝܬ ܐܒܗܝ̈ܗܘܢ ܡܐܬܝܢ ܘܐܪܒܥܝܢ ܘܬܪܝܢ ܘܥܡܫܝ ܒܪ ܥܙܪܐܝܠ ܒܪ ܐܚܕܝ ܒܪ ܡܫܠܡܐܘܬ ܒܪ ܐܡܝܪ¹⁴ܘܐܚܝ̈ܗܘܢ ܓܢܒܪ̈ܝ ܚܝܠܐ ܡܐܐ ܘܥܣܪܝܢ ܘܬܡܢܝܐ ܘܫܠܝܛ ܥܠܝܗܘܢ ܙܒܕܐܝܠ ܒܪ ܪ̈ܘܪܒܢܐ¹⁵ܘܡܢ ܠܘܝ̈ܐ ܫܡܥܝܐ ܒܪ ܝܫܘܥ ܒܪ ܥܙܪܩܝܡ ܒܪ ܚܫܒܝܐ ܒܪ ܒ̇ܢܝ¹⁶ܒܪ ܫܒܬܝ ܘܝܘܙܒܪ ܥܠ ܥܒܝ̈ܕܬܐ ܒ̇ܪ̈ܝܬܐ ܕܒܝܬܐ ܕܡܪܝܐ ܘܡܢ ܪ̈ܫܐ ܕܠܘܝ̈ܐ¹⁷ܡܬܢܝܐ ܒܪ ܡܝܟܐ ܒܪ ܙܒܕܝ ܒܪ ܐܣܦ ܪܝܫ ܩܕܡܝܘܬܐ ܕܝܗܘ̈ܕܝܐ ܒܨܠܘܬܐ ܘܒܩܒܘܩܐ ܬܢܝܢܐ ܕܐܚܘ̈ܗܝ ܘܥܝܪܐ ܒܪ ܫܡܘܥ ܒܪ ܓܠܠ ܒܪ ܝܬܪܘܢ¹⁸ܟܘܠܗܘܢ ܠܘܝ̈ܐ ܕܒܩܘܪܝܬ ܩܘܕܫܐ ܡܐܬܝܢ ܘܬܡܢܐܝܢ ܘܐܪ̈ܒܥܐ¹⁹ܘܬܢܝܢܐ ܥܩܘܒ ܘܐܛܠܡܢ ܘܐܚܝ̈ܗܘܢ ܕܢܛܪܝܢ ܒܬܪܥܐ ܡܐܐ ܘܫܒܥܝܢ ܘܬܪܝܢ²⁰ܘܫܪܟܐ ܕܐܝܣܪܝܠ ܘܟܘܡܪ̈ܐ ܘܠܘܝ̈ܐ ܕܒܟܠ ܩܘܪ̈ܝܐ ܕܝܗܘܕܐ ܓܒܪܐ ܒܝܪܬܘܬܗ²¹ܘܥ̈ܒ̣ܕܝܗܘܢ ܝܬܒܝܢ ܓܒܪ ܥܠ ܦܘܠܚܢܗ ܘܥܠ ܦܕܢܗ²²ܘܕܫܠܝܛ ܥܠ ܠܘܝ̈ܐ ܒܐܘܪܫܠܡ ܥܒܕܝ ܒܪ ܒܘܢܝ ܒܪ ܚܫܒܝܐ ܒܪ ܡܬܢܝܐ ܒܪ ܡܝܟܐ ܡܢ ܒܢ̈ܝ ܐܣܦ ܕܡܫܡܫܝܢ ܠܘܩܒܠ ܥܒܝ̈ܕܬܐ ܕܒܝܬܗ ܕܡܪܝܐ²³ܡܛܠ ܕܦܘܩܕܢܐ ܕܡܠܟܐ ܥܠܝܗܘܢ ܘܫܪܪܐ ܦܣܝܩ ܗܘܐ ܥܠ ܡܫܡ̈ܫܢܐ ܟܠܝܘܡ ܒܝܘܡ²⁴ܘܦܬܚܝܐ ܒܪ ܡܫܘܙܦܐܝܠ ܡܢ ܒܢ̈ܝ ܙܪܚ ܒܪ ܝܗܘܕܐ ܗܘ ܫܠܝܛ ܗܘܐ ܥܠ ܟܠ ܡ̇ܢ ܕܐܡ̇ܪ ܡܠܟܐ ܥܠ ܟܠܗ ܚܘܫܒܢܐ ܕܥܡܐ²⁵ܥܠ ܕܪ̈ܝܗܘܢ ܘܥܠ ܚܩ̈ܠܬܗܘܢ ܘܡܢ ܒܢ̈ܝ ܝܗܘܕܐ ܝܬܒܘ ܒܩܘܪܝܬ ܐܪܒܥ ܘܒܟܦܪ̈ܘܢܝܗ̇ ܘܒܪܝܒܘܢ ܘܒܟܦܪ̈ܘܢܝܗ̇ ܘܒܩܒܨܝܐܝܠ ܘܒܟܦܪ̈ܘܢܝܗ̇²⁶ܘܒܗܘܫܥ ܘܒܡܘܠܕܐ ܘܒܒܝܬ ܦܠܛ²⁷ܘܒܚܨܪܫܘܥ ܘܒܒܪܫܒܥ ܘܒܟܦܪ̈ܘܢܝܗ̇²⁸ܘܒܨܢܩܠܥ ܘܒܡܟܝܐ ܘܒܟܦܪ̈ܘܢܝܗ̇²⁹ܘܒܥܝܢܪܡܘܢ ܘܒܨܕܥܐ ܘܒܝܪܡܘܬ³⁰ܘܒܙܝܘܚ ܘܒܐܕܠܡ ܘܒܟܦܪ̈ܘܢܝܗܝܢ ܘܒܠܟܝܫ ܘܒܟܦܪ̈ܘܢܝܗ̇ ܘܒܥܙܩܐ ܘܒܟܦܪ̈ܘܢܝܗ̇ ܘܫܪܘ ܡܢ ܒܪ ܫܒܥ ܘܥܕܡܐ ܠܦܩܥܬܐ ܕܗܢܘܡ³¹ܘܒܢ̈ܝ ܒܢܝܡܝܢ ܡܢ ܪܡܬܐ ܕܡܟܡܣ ܘܥܝ ܘܒܝܬ ܐܝܠ ܘܟܦܪ̈ܘܢܝܗ̇³²ܘܥܢܬܘܬ ܘܝܘܐܒ ܘܥܢܢܝܐ³³ܘܚܨܘܪ ܘܪܡܬܐ ܘܓܬܝܡ³⁴ܘܚܕܪ ܘܨܒܥܘܢ ܘܝܒܠܛ³⁵ܘܠܘܕ ܘܐܘܢܘ ܘܢܝܚܐ ܘܚܪܫܐ³⁶ܘܡܢ ܠܘܝ̈ܐ ܦܠܓܘܬܐ ܕܝܗܘܕܐ ܘܕܒܢܝܡܝܢ

Cambia Bibbia

Confronta con un'altra Bibbia

Versetti esaminati