1 Samuele ܫܡܘܐܝܠ 27
Confronta con un'altra Bibbia
Cambia Bibbia
1ܘܐܡܪ ܕܘܝܕ ܒܠܒܗ ܗܫܐ ܐܢ ܢܦܠ ܐܢܐ ܚܕ ܝܘܡ ܒܐ̈ܝܕܘܗܝ ܕܫܐܘܠ ܠܝܬ ܠܝ ܛܒܬܐ ܐܠܐ ܐܬܦܠܛ ܠܝ ܠܐܪܥܐ ܕܦܠܫ̈ܬܝܐ ܘܢܠܐܐ ܫܐܘܠ ܠܡܒܥܝܢܝ ܬܘܒ ܒܟܠܗ ܬܚܘܡܐ ܕܐܝܣܪܐܝܠ ܘܐܫܬܘܙܒ ܡܢ ܐ̈ܝܕܘܗܝ2ܘܩܡ ܕܘܝܕ ܘܥܒܪ ܗܘ ܘܫܬܡܐܐ ܓܒܪ̈ܝܢ ܕܥܡܗ ܠܘܬ ܐܟܝܫ ܒܪ ܡܥܟܐ ܡܠܟܐ ܕܓܬ3ܘܝܬܒ ܕܘܝܕ ܥܡ ܐܟܝܫ ܒܓܬ ܗܘ ܘܓܒܪ̈ܘܗܝ ܘܐܢܫ̈ܝ ܒܝܬܗ ܕܕܘܝܕ ܘܬܪ̈ܬܝܢ ܢܫ̈ܘܗܝ ܐܚܝܢܥܡ ܕܡܢ ܐܝܙܪܥܝܠ ܘܐܒܝܓܠ ܐܢܬܬܗ ܕܢܒܠ ܕܡܢ ܟܪܡܠܐ4ܘܚܘܝܘ ܠܫܐܘܠ ܕܢܚܬ ܕܘܝܕ ܠܓܬ ܘܠܐ ܐܘܣܦ ܬܘܒ ܠܡܒܥܝܗ5ܘܐܡܪ ܕܘܝܕ ܠܐܟܝܫ ܐܢ ܐܫܟܚܬ ܪ̈ܚܡܐ ܒܥܝܢ̈ܝܟ ܢܬܠܘܢ ܠܝ ܕܘܟܬܐ ܒܚܕܐ ܡܢ ܩܘܪ̈ܝܐ ܕܒܡܕܒܪܐ ܘܐܬܒ ܬܡܢ ܘܠܐ ܢܬܒ ܥܒܕܟ ܒܩܪܝܬܐ ܕܡܠܟܘܬܐ ܥܡܟ6ܘܝܗܒ ܠܗ ܐܟܝܫ ܒܝܘܡܐ ܗ̇ܘ ܠܨܢܩܠܓ ܡܛܠ ܗܢܐ ܗܘܬ ܨܢܩܠܓ ܠܡܠܟܐ ܕܝܗܘܕܐ ܥܕܡܐ ܠܝܘܡܢܐ7ܘܗܘܐ ܡܢܝܢܐ ܕܝܘܡ̈ܬܐ ܕܝܬܒ ܕܘܝܕ ܒܐܪܥܐ ܕܦܠܫ̈ܬܝܐ ܥܕܢ ܒܥܕܢ ܘܐܪ̈ܒܥܐ ܝܪ̈ܚܝܢ8ܘܣܠܩ ܕܘܝܕ ܘܓܒܪ̈ܘܗܝ ܘܗܠܟܘ ܥܠ ܓܫܘܪ ܘܥܠ ܓܕܘܠܐ ܘܥܠ ܥܡܠܝܩ ܡܛܠ ܕܗܠܝܢ ܗܘܘ ܝܬܒ̈ܐ ܕܐܪܥܐ ܕܡܢ ܥܠܡ ܘܗܠܟܘ ܥܠ ܓܫܘܪ ܘܥܕܡܐ ܠܐܪܥܐ ܕܡܨܪܝܢ9ܘܚܪܒ ܕܘܝܕ ܠܐܪܥܐ ܘܠܐ ܐܚܝ ܓܒܪܐ ܐܘ ܐܢܬܬܐ ܘܢܣܒ ܥܢܐ ܘܬܘܪ̈ܐ ܘܚܡܪ̈ܐ ܘܓܡ̈ܠܐ ܘܡܐ̈ܢܐ ܘܗܦܟ ܕܘܝܕ ܘܐܬܐ ܠܘܬ ܐܟܝܫ10ܘܐܡܪ ܐܟܝܫ ܠܕܘܝܕ ܐܝܟܐ ܗܘܝܬܘܢ ܝܘܡܢܐ ܘܐܡܪ ܕܘܝܕ ܥܠ ܢܓܒ ܕܝܗܘܕܐ ܘܥܠ ܢܓܒ ܕܝܪܚܡܠ ܘܥܠ ܢܓܒ ܕܩܥܝܠܐ11ܘܓܒܪܐ ܘܐܢܬܬܐ ܠܐ ܐܚܝ ܕܘܝܕ ܕܢܐܬܐ ܠܓܬ ܠܡܐܡܪ ܕܠܐ ܢܚܘܘܢ ܥܠܝܢ ܘܢܐܡܪܘܢ ܕܗܟܢܐ ܥܒܕ ܕܘܝܕ ܘܗܢܐ ܗܘܐ ܢܡܘܣܗ ܟܠܗܘܢ ܝܘܡ̈ܬܐ ܕܝܬܒ ܕܘܝܕ ܒܐܪܥܐ ܕܦܠܫ̈ܬܝܐ12ܘܗܝܡܢ ܐܟܝܫ ܠܕܘܝܕ ܘܐܡܪ ܡܒܐܫܘ ܐܒܐܫ ܒܥܡܗ ܐܝܣܪܝܠ ܗܐ ܗܘܐ ܠܝ ܥܒܕܐ ܠܥܠܡ
12345678910111213141516171819202122232425262728293031
Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml Mt Mc Lc Gv At Rm 1Cor 2Cor Gal Ef Fil Col 1Ts 2Ts 1Tm 2Tm Tt Fm Eb Gc 1Pt 2Pt 1Gv 2Gv 3Gv Gd Ap
Altre sezioni del sito
