Ad Corinthios I 12

VULGATA	NOVA VULGATA
1 De spiritualibus autem, nolo vos ignorare fratres.	1 De spiritalibus autem, fra tres, nolo vos ignorare.
2 Scitis quoniam cum gentes essetis, ad simulacra muta prout ducebamini euntes.	2 Scitis quoniam,cum gentes essetis, ad simulacra muta, prout ducebamini, euntes.
3 Ideo notum vobis facio, quod nemo in Spiritu Dei loquens, dicit anathema Jesu. Et nemo potest dicere, Dominus Jesus, nisi in Spiritu Sancto.	3 Ideo notumvobis facio quod nemo in Spiritu Dei loquens dicit: “ Anathema Iesus! ”; etnemo potest dicere: “ Dominus Iesus ”, nisi in Spiritu Sancto.
4 Divisiones vero gratiarum sunt, idem autem Spiritus :	4 Divisiones vero gratiarum sunt, idem autem Spiritus;
5 et divisiones ministrationum sunt, idem autem Dominus :	5 et divisionesministrationum sunt, idem autem Dominus;
6 et divisiones operationum sunt, idem vero Deus qui operatur omnia in omnibus.	6 et divisiones operationum sunt, idemvero Deus, qui operatur omnia in omnibus.
7 Unicuique autem datur manifestatio Spiritus ad utilitatem.	7 Unicuique autem datur manifestatioSpiritus ad utilitatem.
8 Alii quidem per Spiritum datur sermo sapientiæ : alii autem sermo scientiæ secundum eumdem Spiritum :	8 Alii quidem per Spiritum datur sermo sapientiae, aliiautem sermo scientiae secundum eundem Spiritum,
9 alteri fides in eodem Spiritu : alii gratia sanitatum in uno Spiritu :	9 alteri fides in eodem Spiritu,alii donationes sanitatum in uno Spiritu,
10 alii operatio virtutum, alii prophetia, alii discretio spirituum, alii genera linguarum, alii interpretatio sermonum.	10 alii operationes virtutum, aliiprophetatio, alii discretio spirituum, alii genera linguarum, alii interpretatiolinguarum;
11 Hæc autem omnia operatur unus atque idem Spiritus, dividens singulis prout vult.	11 haec autem omnia operatur unus et idem Spiritus, dividens singulisprout vult.
12 Sicut enim corpus unum est, et membra habet multa, omnia autem membra corporis cum sint multa, unum tamen corpus sunt : ita et Christus.	12 Sicut enim corpus unum est et membra habet multa, omnia autem membracorporis, cum sint multa, unum corpus sunt, ita et Christus;
13 Etenim in uno Spiritu omnes nos in unum corpus baptizati sumus, sive Judæi, sive gentiles, sive servi, sive liberi : et omnes in uno Spiritu potati sumus.	13 etenim in unoSpiritu omnes nos in unum corpus baptizati sumus, sive Iudaei sive Graeci siveservi sive liberi, et omnes unum Spiritum potati sumus.
14 Nam et corpus non est unum membrum, sed multa.	14 Nam et corpus non estunum membrum sed multa.
15 Si dixerit pes : Quoniam non sum manus, non sum de corpore : num ideo non est de corpore ?	15 Si dixerit pes: “Non sum manus, non sum de corpore”, non ideo non est de corpore;
16 Et si dixerit auris : Quoniam non sum oculus, non sum de corpore : num ideo est de corpore ?	16 et si dixerit auris: “ Non sum oculus,non sum de corpore ”, non ideo non est de corpore.
17 Si totum corpus oculus : ubi auditus ? Si totum auditus : ubi odoratus ?	17 Si totum corpus oculusest, ubi auditus? Si totum auditus, ubi odoratus?
18 Nunc autem posuit Deus membra, unumquodque eorum in corpore sicut voluit.	18 Nunc autem posuit Deusmembra, unumquodque eorum in corpore, sicut voluit.
19 Quod si essent omnia unum membrum, ubi corpus ?	19 Quod si essent omnia unummembrum, ubi corpus?
20 Nunc autem multa quidem membra, unum autem corpus.	20 Nunc autem multa quidem membra, unum autem corpus.
21 Non potest autem oculus dicere manui : Opera tua non indigeo : aut iterum caput pedibus : Non estis mihi necessarii.	21 Non potest dicere oculus manui: “ Non es mihi necessaria! ”; aut iterumcaput pedibus: “ Non estis mihi necessarii! ”.
22 Sed multo magis quæ videntur membra corporis infirmiora esse, necessariora sunt :	22 Sed multo magis, quaevidentur membra corporis infirmiora esse, necessaria sunt;
23 et quæ putamus ignobiliora membra esse corporis, his honorem abundantiorem circumdamus : et quæ inhonesta sunt nostra, abundantiorem honestatem habent.	23 et, quae putamusignobiliora membra esse corporis, his honorem abundantiorem circumdamus; et,quae inhonesta sunt nostra, abundantiorem honestatem habent,
24 Honesta autem nostra nullius egent : sed Deus temperavit corpus, ei cui deerat, abundantiorem tribuendo honorem,	24 honesta autemnostra nullius egent. Sed Deus temperavit corpus, ei, cui deerat, abundantioremtribuendo honorem,
25 ut non sit schisma in corpore, sed idipsum pro invicem sollicita sint membra.	25 ut non sit schisma in corpore, sed idipsum pro invicemsollicita sint membra.
26 Et si quid patitur unum membrum, compatiuntur omnia membra : sive gloriatur unum membrum, congaudent omnia membra.	26 Et sive patitur unum membrum, compatiuntur omniamembra; sive glorificatur unum membrum, congaudent omnia membra.
27 Vos autem estis corpus Christi, et membra de membro.	27 Vos autemestis corpus Christi et membra ex parte.
28 Et quosdam quidem posuit Deus in ecclesia primum apostolos, secundo prophetas, exinde doctores, deinde virtutes, exinde gratias curationum, opitulationes, gubernationes, genera linguarum, interpretationes sermonum.	28 Et quosdam quidem posuit Deus in ecclesia primum apostolos, secundoprophetas, tertio doctores, deinde virtutes, exinde donationes curationum,opitulationes, gubernationes, genera linguarum.
29 Numquid omnes apostoli ? numquid omnes prophetæ ? numquid omnes doctores ?	29 Numquid omnes apostoli?Numquid omnes prophetae? Numquid omnes doctores? Numquid omnes virtutes?
30 numquid omnes virtutes ? numquid omnes gratiam habent curationum ? numquid omnes linguis loquuntur ? numquid omnes interpretantur ?	30 Numquid omnes donationes habent curationum? Numquid omnes linguis loquuntur?Numquid omnes interpretantur?
31 Æmulamini autem charismata meliora. Et adhuc excellentiorem viam vobis demonstro.	31 Aemulamini autem charismata maiora. Et adhucexcellentiorem viam vobis demonstro.