Salmi תהילים (Tehillim) 56

¹ לַמְנַצֵּחַ ׀ עַל־יוֹנַת אֵלֶם רְחֹקִיםלְדָוִד מִכְתָּםבֶּאֱחֹז אוֹתוֹ פְלִשְׁתִּים בְּגַֽת׃

² חׇנֵּנִי אֱלֹהִים כִּֽי־שְׁאָפַנִי אֱנוֹשׁכׇּל־הַיּוֹם לֹחֵם יִלְחָצֵֽנִי׃

³ שָׁאֲפוּ שׁוֹרְרַי כׇּל־הַיּוֹםכִּֽי־רַבִּים לֹחֲמִים לִי מָרֽוֹם׃

⁴ יוֹם אִירָאאֲנִי אֵלֶיךָ אֶבְטָֽח׃

⁵ בֵּאלֹהִים אֲהַלֵּל דְּבָרוֹבֵּאלֹהִים בָּטַחְתִּי לֹא אִירָאמַה־יַּעֲשֶׂה בָשָׂר לִֽי׃

⁶ כׇּל־הַיּוֹם דְּבָרַי יְעַצֵּבוּעָלַי כׇּל־מַחְשְׁבֹתָם לָרָֽע׃

⁷ יָגוּרוּ ׀ יצפינו יִצְפּוֹנוּ הֵמָּה עֲקֵבַי יִשְׁמֹרוּכַּאֲשֶׁר קִוּוּ נַפְשִֽׁי׃

⁸ עַל־אָוֶן פַּלֶּט־לָמוֹבְּאַף עַמִּים ׀ הוֹרֵד אֱלֹהִֽים׃

⁹ נֹדִי סָפַרְתָּה אָתָּהשִׂימָה דִמְעָתִי בְנֹאדֶךָהֲלֹא בְּסִפְרָתֶֽךָ׃

¹⁰ אָז יָשׁוּבוּ אוֹיְבַי אָחוֹר בְּיוֹם אֶקְרָאזֶה־יָדַעְתִּי כִּֽי־אֱלֹהִים לִֽי׃

¹¹ בֵּאלֹהִים אֲהַלֵּל דָּבָרבַּיהֹוָה אֲהַלֵּל דָּבָֽר׃

¹² בֵּאלֹהִים בָּטַחְתִּי לֹּא אִירָאמַה־יַּעֲשֶׂה אָדָם לִֽי׃

¹³ עָלַי אֱלֹהִים נְדָרֶיךָאֲשַׁלֵּם תּוֹדֹת לָֽךְ׃

¹⁴ כִּי הִצַּלְתָּ נַפְשִׁי מִמָּוֶתהֲלֹא רַגְלַי מִדֶּחִילְהִֽתְהַלֵּךְ לִפְנֵי אֱלֹהִיםבְּאוֹר הַחַיִּֽים׃