Tehillim (תהילים) - Salmi 3

¹ מִזְמוֹר לְדָוִדבְּבׇרְחוֹ מִפְּנֵי ׀ אַבְשָׁלוֹם בְּנֽוֹ׃² יְהֹוָה מָה־רַבּוּ צָרָירַבִּים קָמִים עָלָֽי׃³ רַבִּים אֹמְרִים לְנַפְשִׁיאֵין יְֽשׁוּעָתָה לּוֹ בֵאלֹהִים סֶֽלָה׃⁴ וְאַתָּה יְהֹוָה מָגֵן בַּעֲדִיכְּבוֹדִי וּמֵרִים רֹאשִֽׁי׃⁵ קוֹלִי אֶל־יְהֹוָה אֶקְרָאוַיַּעֲנֵנִי מֵהַר קׇדְשׁוֹ סֶֽלָה׃⁶ אֲנִי שָׁכַבְתִּי וָאִישָׁנָההֱקִיצוֹתִי כִּי יְהֹוָה יִסְמְכֵֽנִי׃⁷ לֹֽא־אִירָא מֵרִבְבוֹת עָםאֲשֶׁר סָבִיב שָׁתוּ עָלָֽי׃⁸ קוּמָה יְהֹוָה ׀ הוֹשִׁיעֵנִי אֱלֹהַיכִּֽי־הִכִּיתָ אֶת־כׇּל־אֹיְבַי לֶחִישִׁנֵּי רְשָׁעִים שִׁבַּֽרְתָּ׃⁹ לַֽיהֹוָה הַיְשׁוּעָהעַֽל־עַמְּךָ בִרְכָתֶךָ סֶּֽלָה׃