Salmi תהילים (Tehillim) 20

Miqra 'al pi ha-Mesorah	Stuttgartensia - Delitzsch
¹ לַמְנַצֵּחַ מִזְמוֹר לְדָוִֽד׃	¹ לַמְנַצֵּחַ מִזְמֹור לְדָוִד
² יַֽעַנְךָ יְהֹוָה בְּיוֹם צָרָהיְשַׂגֶּבְךָ שֵׁם ׀ אֱלֹהֵי יַעֲקֹֽב׃	² יַעַנְךָ יְהוָה בְּיֹום צָרָה יְשַׂגֶּבְךָ שֵׁם ׀ אֱלֹהֵי יַעֲקֹב
³ יִשְׁלַֽח־עֶזְרְךָ מִקֹּדֶשׁוּמִצִּיּוֹן יִסְעָדֶֽךָּ׃	³ יִשְׁלַח־עֶזְרְךָ מִקֹּדֶשׁ וּמִצִּיֹּון יִסְעָדֶךָּ
⁴ יִזְכֹּר כׇּל־מִנְחֹתֶךָוְעוֹלָתְךָ יְדַשְּׁנֶה סֶֽלָה׃	⁴ יִזְכֹּר כָּל־מִנְחֹתֶךָ וְעֹולָתְךָ יְדַשְּׁנֶה סֶלָה
⁵ יִֽתֶּן־לְךָ כִלְבָבֶךָוְֽכׇל־עֲצָתְךָ יְמַלֵּֽא׃	⁵ יִתֶּן־לְךָ כִלְבָבֶךָ וְכָל־עֲצָתְךָ יְמַלֵּא
⁶ נְרַנְּנָה ׀ בִּישׁוּעָתֶךָוּבְשֵֽׁם־אֱלֹהֵינוּ נִדְגֹּליְמַלֵּא יְהֹוָה כׇּל־מִשְׁאֲלוֹתֶֽיךָ׃	⁶ נְרַנְּנָה ׀ בִּישׁוּעָתֶךָ וּבְשֵׁם־אֱלֹהֵינוּ נִדְגֹּל יְמַלֵּא יְהוָה כָּל־מִשְׁאֲלֹותֶיךָ
⁷ עַתָּה יָדַעְתִּיכִּי הוֹשִׁיעַ ׀ יְהֹוָה מְשִׁיחוֹיַעֲנֵהוּ מִשְּׁמֵי קׇדְשׁוֹבִּגְבֻרוֹת יֵשַׁע יְמִינֽוֹ׃	⁷ עַתָּה יָדַעְתִּי כִּי הֹושִׁיעַ ׀ יְהוָה מְשִׁיחֹו יַעֲנֵהוּ מִשְּׁמֵי קָדְשֹׁו בִּגְבֻרֹות יֵשַׁע יְמִינֹו
⁸ אֵלֶּה בָרֶכֶב וְאֵלֶּה בַסּוּסִיםוַאֲנַחְנוּ ׀ בְּשֵׁם־יְהֹוָה אֱלֹהֵינוּ נַזְכִּֽיר׃	⁸ אֵלֶּה בָרֶכֶב וְאֵלֶּה בַסּוּסִים וַאֲנַחְנוּ ׀ בְּשֵׁם־יְהוָה אֱלֹהֵינוּ נַזְכִּיר
⁹ הֵמָּה כָּרְעוּ וְנָפָלוּוַאֲנַחְנוּ קַּמְנוּ וַנִּתְעוֹדָֽד׃	⁹ הֵמָּה כָּרְעוּ וְנָפָלוּ וַאֲנַחְנוּ קַּמְנוּ וַנִּתְעֹודָד
¹⁰ יְהֹוָה הוֹשִׁיעָההַמֶּלֶךְ יַעֲנֵנוּ בְיוֹם־קׇרְאֵֽנוּ׃	¹⁰ יְהוָה הֹושִׁיעָה הַמֶּלֶךְ יַעֲנֵנוּ בְיֹום־קָרְאֵנוּ