Salmi תהילים (Tehillim) 149

Miqra 'al pi ha-Mesorah	תנ"ך - מקרא על פי המסורה
¹ הַלְלוּ יָהּ ׀שִׁירוּ לַֽיהֹוָה שִׁיר חָדָשׁתְּהִלָּתוֹ בִּקְהַל חֲסִידִֽים׃	¹ הַלְלוּ יָהּ ׀ שִׁירוּ לַיהוָה שִׁיר חָדָשׁ תְּהִלָּתֹו בִּקְהַל חֲסִידִים
² יִשְׂמַח יִשְׂרָאֵל בְּעֹשָׂיובְּנֵֽי־צִיּוֹן יָגִילוּ בְמַלְכָּֽם׃	² יִשְׂמַח יִשְׂרָאֵל בְּעֹשָׂיו בְּנֵי־צִיֹּון יָגִילוּ בְמַלְכָּם
³ יְהַלְלוּ שְׁמוֹ בְמָחוֹלבְּתֹף וְכִנּוֹר יְזַמְּרוּ־לֽוֹ׃	³ יְהַלְלוּ שְׁמֹו בְמָחֹול בְּתֹף וְכִנֹּור יְזַמְּרוּ־לֹו
⁴ כִּֽי־רוֹצֶה יְהֹוָה בְּעַמּוֹיְפָאֵר עֲנָוִים בִּישׁוּעָֽה׃	⁴ כִּי־רֹוצֶה יְהוָה בְּעַמֹּו יְפָאֵר עֲנָוִים בִּישׁוּעָה
⁵ יַעְלְזוּ חֲסִידִים בְּכָבוֹדיְרַנְּנוּ עַל־מִשְׁכְּבוֹתָֽם׃	⁵ יַעְלְזוּ חֲסִידִים בְּכָבֹוד יְרַנְּנוּ עַל־מִשְׁכְּבֹותָם
⁶ רוֹמְמוֹת אֵל בִּגְרוֹנָםוְחֶרֶב פִּיפִיּוֹת בְּיָדָֽם׃	⁶ רֹומְמֹות אֵל בִּגְרֹונָם וְחֶרֶב פִּיפִיֹּות בְּיָדָם
⁷ לַעֲשׂוֹת נְקָמָה בַּגּוֹיִםתּוֹכֵחוֹת בַּלְאֻמִּֽים׃	⁷ לַעֲשֹׂות נְקָמָה בַּגֹּויִם תֹּוכֵחֹת בַּל־אֻמִּים
⁸ לֶאְסֹר מַלְכֵיהֶם בְּזִקִּיםוְנִכְבְּדֵיהֶם בְּכַבְלֵי בַרְזֶֽל׃	⁸ לֶאְסֹר מַלְכֵיהֶם בְּזִקִּים וְנִכְבְּדֵיהֶם בְּכַבְלֵי בַרְזֶל
⁹ לַעֲשׂוֹת בָּהֶם ׀ מִשְׁפָּט כָּתוּבהָדָר הוּא לְכׇל־חֲסִידָיוהַֽלְלוּ־יָֽהּ׃	⁹ לַעֲשֹׂות בָּהֶם ׀ מִשְׁפָּט כָּתוּב הָדָר הוּא לְכָל־חֲסִידָיו הַלְלוּ־יָהּ