Tobia ܛܘܒܝܛ 7

1 2 3 4 5 6 7 8 9 10 11 12 13 14

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml

¹ܘܟܕ ܐܬܘ ܠܐܩܒܐܛܢܘܣ ܘܐܬܘ ܠܒܝܬܗ ܕܪܥܘܐܝܠ. ܘܣܪܐ ܒܗ ܦܓ̣ܥܬ. ܘܚܕܝܬܗ ܘܗ̣ܘ ܠܗ̇. ܘܐܥܠܬ ܐܢܘܢ ܠܒܝܬܐ²ܘܐܡܪ ܪܥܘܐܝܠ ܠܐܕܢܐ ܐܢܬܬܐ ܕܝܠܗ. ܟܡܐ ܕܡ̇ܐ ܝܢܣܩܐ ܗܢܐ̇. ܠܛܘܒܝܛ ܗ̇ܘ ܐܚܝܢܐ ܕܝܠܝ³ܘܫܐܠ ܐܢܘܢ ܪܥܘܐܝܠ̣. ܡܢ ܐܝܟܐ ܐܝܬܝܟܘܢ ܐܚ̈ܝܢ. ܘܐܡܪ ܠܗ. ܡܢ ܒܢ̈ܝܐ ܕܢܦܬܠܝ ܗ̇ܢܘܢ ܫܒ̈ܝܐ ܕܡܢ ܢܝܢܘܐ̣⁴ܘܐܡܪ ܠܗܘܢ. ܝܕܥܝܢ ܐܢܬܘܢ ܠܛܘܒܝܛ ܗ̇ܘ ܐܚܐ ܕܝܠܢ⁵ܗܢܘܢ ܕܝܢ ܐܡܪܘ ܝܕܥܝܢܢ. ܘܐܡܪ ܠܗܘܢ. ܚܠܝܡ̣. ܘܐܡܪ ܛܘܒܝܐ̣. ܐܒܐ ܕܝܠܝ ܐܝܬܘܗܝ⁶ܘܫܘܪ ܪܥܘܐܝܠ ܘܢܫܩܗ⁷ܘܒܪܟܗ ܘܐܡܪ ܠܗ. ܐܘ ܕܒܪܢܫܐ ܝܐܝܐ ܘܛܒܐ.. ܘܟܕ ܫܡܥ ܕܛܘܒܝܛ ܐܘܒܕ ܠܥܝܢܘ̈ܗܝ̣. ܐܬܬܥܝܩ ܘܒܟ̣ܐ⁸ܘܐܕܢܐ ܐܢܬܬܗ. ܘܣܪܐ ܒܪܬܐ ܕܝܠܗܘܢ ܒܟ̣ܬ. ܘܩܒܠ ܐܢܘܢ ܚܘܝܚܐܝܬ̣⁹ܘܕܒܚ̣ ܕܟܪܐ ܕܥܪ̈ܒܐ̣. ܘܣܡܘ ܛܥܘ̈ܡܐ ܝܬܝ̈ܪܐ. ܐܡܪ ܕܝܢ ܛܘܒܝܐ ܠܪܦܐܝܠ. ܥܙܪܝܐ ܐܚܝ̣. ܡܠܠ ܡܛܠ ܗܠܝܢ ܕܐܡ̇ܪ ܗܘܝܬ ܒܡܪܕܝܬܐ. ܘܢܫܬܡܠܐ ܣܘܥܪܢܐ¹⁰ܘܐܘܫܛ ܡܠܬܐ ܠܪܥܘܐܝܠ.. ܘܐܡܪ ܪܥܘܐܝܠ ܠܘܬ ܛܘܒܝܐ. ܐܟܘܠ ܘܐܫܬܝ ܘܗܢܝܐܝܬ ܗܘܝ. ܠܟ ܓܝܪ ܙܕܩܐ ܒܪܬܐ ܕܝܠܝ ܠܡ̇ܣܒ. ܒܪܡ̣. ܐܚܘܐ ܠܟ ܫܪܪܐ¹¹ܝܗ̇ܒܬ ܒܪܬܐ ܕܝܠܝ ܠܫܒܥܐ ܓܒܪ̈ܐ. ܘܐܡܬܝ ܕܥܐܠܝܢ ܗܘܘ ܠܘܬܗ̣̇. ܡܝ̈ܬܝܢ ܗܘܘ ܒܗ ܒܠܠܝܐ ܐܠܐ ܟܕ ܗܫܐ ܐܝܬ ܠܟ ܗܢܝܐܝܬ ܗ̣ܘܝ.. ܘܐܡܪ ܛܘܒܝܐ. ܠܐ ܛܥܡ ܐܢܐ ܘܠܐ ܡܕܡ ܗܪܟܐ̇. ܥܕܡܐ ܕܡܩܝܡܝ̈ܢ ܐܢܬܘܢ ܘܬܩܘܡ ܠܘܬܝ.. ܘܐܡܪ ܪܥܘܐܝܠ. ܣܒܝܗ̇ ܠܟ ܡܢ ܗܫܐ ܐܝܟ ܕܝ̣ܢܐ. ܐܢܬ ܕܝܢ ܐܚܐ ܐܝܬܝܟ ܕܝܠܗ̇. ܘܗ̣ܝ ܠܟ ܐܝܬܝܗ̇. ܐܠܗܐ ܕܝܢ ܗ̇ܘ ܡܪܚܡܢܐ̣. ܢܨܠܚ ܠܟܘܢ ܫܦܝܪ̈ܬܐ¹²ܘܩ̣ܪܐ ܠܣܪܐ ܒܪܬܐ ܕܝܠܗ̣. ܘܟܕ ܐܚܕܗ̇ ܒܐܝܕܗ̇ ܐܫܠܡܗ̇ ܠܛܘܒܝܐ ܐܢܬܬܐ̣ ܘܐܡ̣ܪ. ܗܐ ܐܝܟ ܢܡܘܣܐ ܕܡܘܫܐ ܣܒܝܗ̇. ܘܐܘܒܠܝܗ̇ ܠܘܬ ܐܒܐ ܕܝܠܟ. ܘܒ̇ܪܟ ܐܢܘܢ¹³ܘܩ̣̇ܪܐ ܠܐܕܢܐ ܐܢܬܬܐ ܕܝܠܗ̣. ܘܟܕ ܢܣܒ ܟܬܒܐ̣. ܟܬܒܘ ܡܟܬܒܢܘܬܐ ܘܚ̇ܬܡܘ̣. ܘܝܗ̣ܒ ܠܗ̇ ܠܗ ܐܢܬܬܐ ܐܝܟ ܕܝ̣ܢܐ ܕܥܠܡܐ¹⁴ܡܢ ܗܝܕܝܢ ܫܪܝ ܠܡܐܟܠ¹⁵ܘܩ̣ܪܐ ܪܥܘܐܝܠ ܠܐܕܢܐ ܐܢܬܬܐ ܕܝܠܗ ܘܐܡܪ ܠܗ̇. ܚܬܝ̣. ܛܝ̇ܒܝ ܐܚܪܢܐ ܬܘܢܐ ܘܐܥܠܝܗ̇¹⁶ܘܥܒ̣ܕܬ ܐܝܟ ܕܐܡ̣ܪ ܘܐܥܠܬܗ̇ ܠܬܡܢ. ܘܒܟ̣ܬ.. ܘܩܒ̣ܠܬ ܕܡ̈ܥܐ ܕܝܠܗ̣̇ ܘܐܡܪܬ ܠܗ̇¹⁷ܐܬܠܒܒܝ ܒܪܬܝ.. ܡܪܝܐ ܕܫܡܝܐ ܘܕܐܪܥܐ̣. ܢܬܠ ܠܟܝ ܛܝܒܘܬܐ ܚܠܦ ܥܩܬܐ ܕܝܠܟܝ ܗܕܐ. ܐܬܠܒܒܝ ܒܪܬܝ

1 2 3 4 5 6 7 8 9 10 11 12 13 14

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml

Altre sezioni del sito

Utility

SCRUTATIO

Tobia ܛܘܒܝܛ 7

Confronta con un'altra Bibbia

Cambia Bibbia