Yermĭyahu ( ירמיהו) - Geremia 15

MODERN HEBREW BIBLE	STUTTGARTENSIA-DELITZSCH
1 מענה רך ישיב חמה ודבר עצב יעלה אף	1 מַעֲנֶה־רַּךְ יָשִׁיב חֵמָה וּדְבַר־עֶצֶב יַעֲלֶה־אָף
2 לשון חכמים תיטיב דעת ופי כסילים יביע אולת	2 לְשֹׁון חֲכָמִים תֵּיטִיב דָּעַת וּפִי כְסִילִים יַבִּיעַ אִוֶּלֶת
3 בכל מקום עיני יהוה צפות רעים וטובים	3 בְּכָל־מָקֹום עֵינֵי יְהוָה צֹפֹות רָעִים וטֹובִים
4 מרפא לשון עץ חיים וסלף בה שבר ברוח	4 מַרְפֵּא לָשֹׁון עֵץ חַיִּים וְסֶלֶף בָּהּ שֶׁבֶר בְּרוּחַ
5 אויל ינאץ מוסר אביו ושמר תוכחת יערם	5 אֱוִיל יִנְאַץ מוּסַר אָבִיו וְשֹׁמֵר תֹּוכַחַת יַעְרִם
6 בית צדיק חסן רב ובתבואת רשע נעכרת	6 בֵּית צַדִּיק חֹסֶן רָב וּבִתְבוּאַת רָשָׁע נֶעְכָּרֶת
7 שפתי חכמים יזרו דעת ולב כסילים לא כן	7 שִׂפְתֵי חֲכָמִים יְזָרוּ דָעַת וְלֵב כְּסִילִים לֹא־כֵן
8 זבח רשעים תועבת יהוה ותפלת ישרים רצונו	8 זֶבַח רְשָׁעִים תֹּועֲבַת יְהוָה וּתְפִלַּת יְשָׁרִים רְצֹונֹו
9 תועבת יהוה דרך רשע ומרדף צדקה יאהב	9 תֹּועֲבַת יְהוָה דֶּרֶךְ רָשָׁע וּמְרַדֵּף צְדָקָה יֶאֱהָב
10 מוסר רע לעזב ארח שונא תוכחת ימות	10 מוּסָר רָע לְעֹזֵב אֹרַח שֹׂונֵא תֹוכַחַת יָמוּת
11 שאול ואבדון נגד יהוה אף כי לבות בני אדם	11 שְׁאֹול וַאֲבַדֹּון נֶגֶד יְהוָה אַף כִּי־לִבֹּות בְּנֵי־אָדָם
12 לא יאהב לץ הוכח לו אל חכמים לא ילך	12 לֹא יֶאֱהַב־לֵץ הֹוכֵחַ לֹו אֶל־חֲכָמִים לֹא יֵלֵךְ
13 לב שמח ייטב פנים ובעצבת לב רוח נכאה	13 לֵב מֵחַ יֵיטִב פָּנִים וּבְעַצְּבַת־לֵב רוּחַ נְכֵאָה
14 לב נבון יבקש דעת ופני כסילים ירעה אולת	14 לֵב נָבֹון יְבַקֶּשׁ־דָּעַת [וּפְנֵי כ] (וּפִי ק) כְסִילִים יִרְעֶה אִוֶּלֶת
15 כל ימי עני רעים וטוב לב משתה תמיד	15 כָּל־יְמֵי עָנִי רָעִים וְטֹוב־לֵב מִשְׁתֶּה תָמִיד
16 טוב מעט ביראת יהוה מאוצר רב ומהומה בו	16 טֹוב־מְעַט בְּיִרְאַת יְהוָה מֵאֹוצָר רָב וּמְהוּמָה בֹו
17 טוב ארחת ירק ואהבה שם משור אבוס ושנאה בו	17 טֹוב אֲרֻחַת יָרָק וְאַהֲבָה־שָׁם מִשֹּׁור אָבוּס וְשִׂנְאָה־בֹו
18 איש חמה יגרה מדון וארך אפים ישקיט ריב	18 אִישׁ חֵמָה יְגָרֶה מָדֹון וְאֶרֶך אַפַּיִם יַשְׁקִיט רִיב
19 דרך עצל כמשכת חדק וארח ישרים סללה	19 דֶּרֶךְ עָצֵל כִּמְשֻׂכַת חָדֶק וְאֹרַח יְשָׁרִים סְלֻלָה
20 בן חכם ישמח אב וכסיל אדם בוזה אמו	20 בֵּן חָכָם יְשַׂמַּח־אָב וּכְסִיל אָדָם בֹּוזֶה אִמֹּו
21 אולת שמחה לחסר לב ואיש תבונה יישר לכת	21 אִוֶּלֶת שִׂמְחָה לַחֲסַר־לֵב וְאִישׁ תְּבוּנָה יְיַשֶּׁר־לָכֶת
22 הפר מחשבות באין סוד וברב יועצים תקום	22 הָפֵר מַחֲשָׁבֹות בְּאֵין סֹוד וּבְרֹב יֹועֲצִים תָּקוּם
23 שמחה לאיש במענה פיו ודבר בעתו מה טוב	23 שִׂמְחָה לָאִישׁ בְּמַעֲנֵה־פִיו וְדָבָר בְּעִתֹּו מַה־טֹּוב
24 ארח חיים למעלה למשכיל למען סור משאול מטה	24 אֹרַח חַיִּים לְמַעְלָה לְמַשְׂכִּיל לְמַעַן סוּר מִשְּׁאֹול מָטָּה
25 בית גאים יסח יהוה ויצב גבול אלמנה	25 בֵּית גֵּאִים יִסַּח ׀ יְהוָה וְיַצֵּב גְּבוּל אַלְמָנָה
26 תועבת יהוה מחשבות רע וטהרים אמרי נעם	26 תֹּועֲבַת יְהוָה מַחְשְׁבֹות רָע וּטְהֹרִים אִמְרֵי־נֹעַם
27 עכר ביתו בוצע בצע ושונא מתנת יחיה	27 עֹכֵר בֵּיתֹו בֹּוצֵעַ בָּצַע וְשֹׂונֵא מַתָּנֹת יִחְיֶה
28 לב צדיק יהגה לענות ופי רשעים יביע רעות	28 לֵב צַדִּיק יֶהְגֶּה לַעֲנֹות וּפִי רְשָׁעִים יַבִּיעַ רָעֹות
29 רחוק יהוה מרשעים ותפלת צדיקים ישמע	29 רָחֹוק יְהוָה מֵרְשָׁעִים וּתְפִלַּת צַדִּיקִים יִשְׁמָע
30 מאור עינים ישמח לב שמועה טובה תדשן עצם	30 מְאֹור־עֵינַיִם יְשַׂמַּח־לֵב שְׁמוּעָה טֹובָה תְּדַשֶּׁן־עָצֶם
31 אזן שמעת תוכחת חיים בקרב חכמים תלין	31 אֹזֶן שֹׁמַעַת תֹּוכַחַת חַיִּים בְּקֶרֶב חֲכָמִים תָּלִין
32 פורע מוסר מואס נפשו ושומע תוכחת קונה לב	32 פֹּורֵעַ מוּסָר מֹואֵס נַפְשֹׁו וְשֹׁומֵעַ תֹּוכַחַת קֹונֶה לֵּב
33 יראת יהוה מוסר חכמה ולפני כבוד ענוה	33 יִרְאַת יְהוָה מוּסַר חָכְמָה וְלִפְנֵי כָבֹוד עֲנָוָה